Hello evreybody ,, how are you ? <<-- يحسب نفسه داخل منتدى أجنبي
السلام عليكم ورحمة اللهـ وبركاته ^^
هذا أول موضوع لي بالقسم ^^ .. أتمنى منكم المشاركة والتفاعل
بما أن هذا الإسبوع كآن أول يوم دراسي للأغلبية ! بيكون الموضوع عن المدارس
مدرآآرس × درآآسة
نبذة بسيطة .. آخ على المدارس آخ .. أكيد الكل زعلان بأن الإجازة خلصت وراح وقت البلايستيشن والنت والكورةوبدأ وقت الدراسة والدح وأكل الكتب
..
استنتاجات وتجارب .. مع خبرتي بالمدارس والطلاب <<-- يتفلسف؟؟ ، أن كل الطلاب يروحون المدرسة ولا لهم نفس, ومايبى يقعد الصبح وحالته حالة ووده يفجر المدرسة
.. ههه مادري ليش يعني تراه برضاك او غصبن عنك بتدرس بتدرس فروح بالطيب أحسن
<<-- أونه يعني انت تحب المدرسة
نكمل القصة.. الدخول للمدرسة .. يروح الولد للمدرسة وهو تعبان والغمص بعينه
.. وتبدأ الحصة ولا هو مهتم بالسالفة وما يدري انه لو انتبه ودرس فهذا من مصلحته ..
العالم الصفي!! يوم تكون بالصف فعلاً تكون بعالم ثاني .. تشوف من حولك من طلاب .. تشوف اللي حاط راسه على الدرج ونايم واللي يفتح القلم ويحط في ورق ويمي على الإستاذ واللي مطلع تلفونه من تحت كندورته ويسمع أغاني واللي مطلع الحب واللبان وقاعد ياكل
وقت الشهادات .. الحين تبدأ البلاوي والمشاكل عند الطلبة.. الإدارة تقول ان اليوم الشهادات كل طالب يروح المدرسة العصر مع ابوه واللي مابييب ابوه مابياخذ شهادة <<-- طبعا كلام بس بدون فعل
وبس سلآآمتكم .. أتمنى للجميع سنة جميلة مليئة بالنجاح والتفوق ^^
لاتحرموني من ردودكم وتعليقاتكم .. لأني بصراحة تعبت وأنا أكتب
دمــــــــتم سالمين
