توني مستلم اللعبه قبل اربع ساعات انا سويت لها بري اوردر اول ما جربت الديمو لان اللعبه فل ابشن .
التقيم رأي شخصي بعد ما جربت اللعبه .
الجرافيك : رهيييب بالنسبه لالعاب السياره , النحطيم ما في لعبه سيارات وصلت لمستوى هاللعبه . متعوب على اللعبه بجد .
الاصوات : السيارات اصواتهم رهيبه تحس انك تسوق سياره حقيقه , بس المشكله في الاغاني اللي حاطينها احس لو مخليني اللعبه بدون الاغاني اللي مستخدمنهم احسن .
القصه :... وش تبغى ؟؟؟ اللعبه ما فيها قصه علطول تبدى بسياره و روح فحط على كيفك . بس ما يهم لعبه سيارات مو مهمه فيها القصه و لا يأثر اصلا على العاب السيارات .
المتعه : صراحه انا اول ما جربت الديمو حسيت اني العب درايفر 1 التحكم في السيارات رهيب و الخريطه كبيره صراحه و فيه حاجات وايد تسويها في الاوف لاين و كل شئ بحق طبعا في مهام تسويها تعطيك سياره و فيه منهم عليك العوض ما تعطيك شئ. اول ما تدخل اللعبه يعطزك رخصه مبتدا و شوي شوي مع المهمات تزيد زي شغلت اللفلات في الاربيجي .
طلعت تقريبا 3 سيارات احلى شئ اول وحده الكافلري يمكن لاني تعود عليها من الديمو .<<< هي احسن سياره إذا تبغى تفقع سيارة خويك . الزبده اللعبه كبيره و مهماتها اكثر = عمر طويل = متعه اكثر .
الاون لاين : احسن شئ في اللعبه تقدر تهيا سباق للجماعه اللي وياك تقدر تسوي تحديات زحمه انت و اصاحبك . تقدر تسرع 220 و تفقع سياره خويك takendown ههههههههه احلى شئ . تقدر تشبك لحد 8 في اللعبه
تقييمي العام للعبه 9.4 حق محبين السيارات ما تتفوت اللعبه جامده بس عيبها الوحيد الاغاني البايخه . هو صحيح تقدر تكتم الصوت لو حبيت بس تضل المفروض الاغاني يهتموا بها او ينوعوا الاغاني علشان الاذواق يعني احس ان كل الاغاني واحد مختارنهم على ذوقه .
إذا بتخلوه الموضوع الرسمي للعبه غيروا عنوانه .
اللي يحبوا العاب السيارات ترى اللعبه ما تتفوت . <<< خصوصا اللي يحبوا نيد فور سبيد مع الحين ما في وجه مقارنه بورن اوت اكلتها اكال .
كل واحد يكتب تقييمه عن اللعبه .
و اللي عنده اي سؤال عن اللعبه يسئل .
و اسمحوا لنا على إذا في اي خطا .
المشاركة الأصلية كتبت بواسطة SUPER HUNTER
! " وغيرها من الاطوار الثانية
