000القصيدة التي اثارت غضب بنات الخليج00000000

[تركي]

ليه زعلتي ياالأسيره قاعد أقول مزحه.

[yara]

كتب العضو (الضاحى)
والله كان عندى رد مهوب بسيط
ولكن ابو زياد الجمنى بهذه القصيده
والولين قالو عرب اوليدك عربه
والشاطر يفهم
واظن الاغلبيه شاطرين
ومن قال القصيده الاولى حنا عارفين ادروبه
ومن رد عليه اعرف منا
ولكم تحياتى
وتراى اول مره ادخل منتداكم والله انه يروح عن النفس وعساكم تقبلوننى

الله يحييك يالضاحي بين اخوانك وخواتك وانت مكسب لنا هنا
وحياك الله نيابه عن الجميع

[بعيد النضر]

قال الذي في بدع الأمثال صـرّاف ... جزلٍ يفرق بين درهم ولــــيره
ياللي مدحت المغربيات بــجحاف ... الله يجيرك من عماة البـــصيرة
لـــو تعجبك لميا وتغريد والطاف ... مايصلحن لهل الوجيه الســـفيره
مفصخات ولبسهم حــول الارداف ... وبليس أغواهم بكشف الســـتيرة
متعوداتٍ كلهم زيف وخــــفاف ... على التغنج والتعطف وغــــيره
كل يوم مع صاحب ولافيهم أعـفاف ... خويّهم اللي فلوســه كــــثيره
ترى البضايع عدة أشكال واصـناف ... وكلٍ ينوخ وسط سوقه بــــعيره
عز الله ان الطيب في بنت الاشراف ... اللي على الحشمه تربّت صـــغيره
ولا تبيّن منّها كود الاطــــراف ... مثل القماشه فالبحور الغــــزيرة
ياللي تدوّر بالجواهر والاصــداف ... الزين كله في بنات الجـــــزيرة



قبل ما ينزل ابو زياد قصيدتة كان هذا الرد موجود عندي حتى لو دققتوا تلاحضون اني كاتب في اخر القصيدة انتضرو الرد وهذا هو

وبعدين ليش الاغلبية زعلانين مني انا مالى ذنب انا جاتني القصيدة بردها على الايميل ونزلته

لكن بعض الناس يدور الفرص الي يرى ان بعيد النضر غلط فيها ويستغلها
وهذا من سابع المستحيلات وبالنسبة

ورد للأخت yaraانا لو بغيت اعشك ابا القى كثير 000لكن انتي صعب انك تعشقين.





وبالنسبة للأخdajjani انا ادري انك كلمتين على بعض ما تقدر تجمع فما راح اطول عليك (((بعطيك على قدك))) من انت اصل على شان تكلم بعيد النظر وتقول كذا لكن لعنبوا الدراهم الي لكبتك الجموس000والى انت بضاعة ما تدري وين جلابها.


ومن عندة اعتراض لا يخبي شى ترى ما وراى انا وياكم الى هالكيبورد.

[الضاحى]

اختى يارا شكرا على الترحيب
احى بعيد النظر
بالعكس مشاركتك رائعه
وزعل بعض الاعضاء على ناظم القصيده ولبس عليك
وانا ضد الزعل لانه بالاول والاخير رأى فقط لاغير

[dajjani]

يابعيد النظر زي ما سميت نفسك للاسف انك قصير النظر

انت قلت لما وضعت القصيده في المنتدى (القصيدة التي أثارة غضب بنات الخليج ونشرت في مجلة فواصل العدد الاخير) فمعنى الكلام ان الشاعر اللي قال القصيده ليس انت وانا كلامي موجه الى قائل القصيده الا في حالة انه واضعك محامي عنه هذا شي ثاني

وانت غلطت علي في ردك والله يسامحك يا اخي لانك قلت مامعنى كلامك اني ما اقدر اجمع كلمتين على بعض وهذا ليس من شؤنك لاني اثق في نفسي والكلام اللي زي هذا مايهمني والحمد لله

وبعدين راجع كتابتك كلها اخطاء املائيه رح تعلم الاملاء وبعدها اكتب ورد على الناس

والاختلاف في الراي لا يفسد للود قضيه

[dajjani]

هذه ابيات هديه لبعيد النظر رد على

هذه ابيات كتبتها في بعيد النظر رد على كلامه الجارح

اتق شر الحليم اذا غضب

بعيد النظر ياناس ماعنده احساس **** يغلط على واحد طوال شبوره
انته غلطت وغلطتك ملها قـياس **** تجرح شعور الناس وش ها المشوره
اجمع كلام وكلمتي تضرب الراس **** تجعل غشيم الراي يرجع لشوره
ياللي تجمع من مجله وقرطاس **** اغرف من بحور الشعر يا نموره
والله يعلم انها لـك على اسـاس **** تحفظ كلامك واللغلط لا تثوره

وخلنا نشوف ردك يا اللي تقول انك وراء الكيبورد

وترى هالابيات من كتابتي يا بو كلمتين

[أبو زياد]

لالا تزعلون عمركم في مثل هالمواضيع... جاكم الرد مني او من بعيد النظر كله واحد في النهاية لا انا (والعياد’ بالله من كلمة انا ) ولا هو كاتب القصيدة لكن هد’ا اقل شئ نرد على من يعتقد انه بيلقى الادب والاخلاق والاهم عاداتنا خارج الخليج...

واشكر ردودكم يااخوان ويااخوات على ماكتبت

معليه الكيبورد مايكتب( حرف الدال بنقطة )بسبب الـــ win2000

[بعيد النضر]

كتب العضو (dajjani)
صح السانك والسان قائل القصيده يا ابو زياد وبنات الخليج والله انهن الملح والزين وكل العلوم الطيبه موجوده فيهن والله يحفظ لهن سترهن الستيرات

وترى وراهن رجاجيل يدافعون عنهن ياقايل القصيده البايخه اللي زي


:غضب: :غضب: :غضب:

بالنسبة للكلمنتين من ردك كان مجمع الكلام الي فية اولا ثانين لا تزعل لهذة الدرجة مسهر نفسك ولا نمت علشان تطلعلي بيتين

ارسلت لك يابن النشامى خطابين ... جت لك مناديبى تبارك فزوعى
وانا حكمت المنتدىمن عام الالفين ... ما اعلنت لواحداً قبلك خضوعيي
0000000000000000000000

إبتسم خل الجروح تروح ويزول الخصام
لا تشيل الهم والدبره على الله الحكيم

ما يفيد اللي تسوي تجرحني إنتقام
أدري إنك منقهر لكن ترى ربك رحــــيم

يا أبن أبو ي الغذر والسموحة خلها تمر بسلام
وأهتف بكل المسارح المسامح كريم.


لا تعتبر ان هذة الابيات ارسلتها خوف لكن الرجال مابينهم جدال فيذا المور
والله اني ناقد على عمري

وبالسبة للأخطى من العجلة وبعدين وش دخلك لا تكون معجم الاسما واحنا مادرينا.

[dajjani]

انا اسف اذا غلطت عليك يا حبيب قلبي يا بعيد النضر لاكن للايضاح انت قلت اني منقهر والله اني ابرد من الثلج وانا اخوك والحمد لله وبعدين والله ان الابيات ماخذت مني دقيقتين مافيه حاجه اني اسهر الليل علشان اكتب ابيات واكرر اعتذاري

والسلام عليكم ورحمة الله وبركاته

والله يحفظ الجميع

[عيون السهـارى]

السلام عليكم ورحمه الله وبركاته
يا اخوان الاخ بعيد النظر كان يبي يسوي زي الجزيره بيعطيكم الراي والراي الاخر
شوي شوي عليه شفيكم مستعجلين