نقاش وحقائق و صور DMC

[Arashi]

اول شي طافنا سؤال EGRO PROXY

الله اتمنه الجزء الخامس يكون لسبارده ابو دانتي ودي اشوف شكله حته ولو قصته قبل الثالث انا راضي بس ودي اشوفه شكان يسوي عشان يعطونه هل المركز
وله شرايكم ؟

وشد انتباهي كلام اخر لEGRO PROXY

شكله ترش اهي عارفه طبخت سباردا وشنو الاشياء الي صارت بينه وبين نيرو وفيرجل
والله نحتاج الى جزء مخصوص لسباردا

ملحمة yami vergil >>> تحن علي الا يقرونها

-القصه+العروض
-القصه حلوه بس خساره اهم شي ماوضحوه لنا الي هو شلووووون صار عند Nero يد ابليس. هو قال "ever since I got this hand" يعني مب مثل دانتي وفيرجل الي مولودين اصلا وعندهم قوه .
-ثانيا الرومانسيه الي مالها داعي... القصه اصلا تمشي بسرعه يعني مافي وقت حق هالحب والرومانسيه
- العروض رسمها حلو انا استانس لما يطلع لي عرض سينمائي وفي اثاره في اللعبه يعني تبي تعرف شنو يصير لين النهايه وهاي اهم عنصر يحفزك ويشجعك تخلص اللعبه.

2-الجرافيكس
جميييييييييييييل يعني صج رسم بلايستيشن 3 . اعطي تطور الرسم 10/10 .. يا فنان يا كابكوم ( احبه على راسه)
3-ستايل اللعب(أسلحه..حركات..وحوش وزعماء)
- اللعب ممتع وفيه دفاشه خخخخخ اهم شي اللعب الخربوطي ... انا ماعندي استراتيجيه معينه امشي عليها اضرب وخلاص وتفلسف على الوحوش بالكامبوات عشان جي وايد انقص طاقه.
الاسلحه: اوووووه اشذكرني بس بشكل عام كلهم عاجبيني .
اول شي يد Nero وايد مسهله اللعب احس غش حاطينها لنا.
سيفه: ماعليه كلام بس يضحكني جنه دراجه ناريه ههههه والكمبوات شي رهيييييييييب <<< حق الي يحب يتفلسف على الوحوش مثلي
مسدسه: ليش يحطونه من الاساس ماله داعي بس انا استعمله عشان ازيد الطاقه لما اتحول
دانتي ..ممممممم احب لما اغير الاستايل استانس على صوته هههه مادري ليش ههههههه اتنغم فيه هههههه
السيف: ريبيليون على قولة اراشي( قاعده جتنبي تنقلني) نفس ماهو اوكي. احس الحركه صارت اخف مع ان دانتي متنان شوي بس ماشاء الله ماأثر على خفته.
المسدسات: احب السلاح بوشنطه اسمه بنادورا( طماط) عجيييييييب احب اركبه وامشيه فيه يونس. مثل البازوكا يصلح حق الوحوش (مرت خالي) ماعرف اسمهم .. بوعبايات
القفاز: مالت عليه دايما مب شي ( اهو شي الببيونه الي ورى ظهره هههه
اللوسيفر: مممم مادري ... مااحتجت استخدمه الصراحه

4-الشخصيات
هههههههههههههه
دانتي: حليله والله صار رجال ووسيم اهم شي السكسوكه اياباااااااااا بس يعدل اسلوب كلامه المايع بس الصراحه هاي احلى شي فيه مسوي جو في اللعبه. انا طول اللعبه احن : متى العب بدانتي ماحب نيرو ( صج انا احب فيرجل اكثر) بس دانتي اخونا وانا تعودت عليه اقرب علي من نيرو . ( اراشي من قبل سنه معلفه صورته على باب الحمام الله يعزكم تبي تنرفزني فيه لان مب فيرجل بطل جزء الرابع)

نيرو: افففففففففف شاد الحيييييييييل . ليون رقم 2 : ليون: ايداااااااااااا . نيرو : كيريييييييييييييييييييييييييييييييييي . واللللللله ذبحنا كزانوفا . بس ملابسه عجيبه .. ستايل عجيب وروعه والقتال فيه ممتع . بس زعلت منه يوم شات خشم دانتي ..عيب عليه رجال كبر ابوه يشوته في خشمه

كريدو: هههههههه حرام عليكم لتشبهونه في فيرجل لالالالالا هذا شاد الحيل من القلب وجنه عادل امام كله يصرخ مزعج . بس احب صوته فيه بحه...جميل. يذكرني بنمر بن عدوان مادري ليش . انا زعلت عليه يوم مات كنت ابيه يتم واخته تموت . الهواش معاه كان ممممممممممممتع الله يعطيه العافيه

أجنوس: أأأأأأأأأأأأأأنه مادادادادانيه خ خ خ خييير ش ش ش شر . بس قوي طلع عيني لين غصب عرفت شلون يذبحونه .

جلوريا: اررررررررررررررر اففففففففف تلوع الجبد دهن تاتا ايييييييع

كيريه: كنت بسكت عنها بس ماقدر تحرررررررررررررر ام المثاليه ولا تنعم صوتها تسوي روحها رقيقه .. شي واحد فيها زين انها تخاف ربها ومتستره <<< خلي تعلم جلوريا الستر والحشمه .

بابا عود (هولينيس): حسيته حنون ليش طلع شرير >_<

تريش والليدي: ايش يبوووووووون ؟؟؟؟؟ لازقين لزق في محل الرجال مايخلونه يتنفس شوي ... وهذي ترش ماتستحي تاكل من صحن الرجال . وعليه على دانتي .
كان خاطري يكون لهم دور احسن من جي ..

* تعالوا ... ليش فيرجل مايقولون اسمه عالاقل .. اشدعوه نذير شؤم !_! . وانا ابي الياماتو شلون يعطيه حق نيرو؟؟؟ معجبين فيرجل اولى الصراحه بالورث.

5-المراحل
المراحل شررررررررحه وملونه ... طبعا مراحل الجزء الرابع احلى من الجزء الثالث . شوي في الغابه.. شوي في الثلج... شوي في المدينه .. شفنا معالم البلاد كلها


شكرا وسامحوني على الاطاله ... صار لي سنتين ماداشه المنتدى بس اسمع اخباركم من اراشي ^^

وشي انا كتبته وميته ابي حد يقول لي هل حد لاحظ هالشي ولالا!!!

الا اقول
مادري اذا حد لاحظ هالشي ولالا
بس مب كأن اللعبه فيها بعض الحوارات الناقصه بالنسبه للي سمعناه في العروض القديييييييمه اللي اول مره نزلت لديفل4؟
مثلا...في مقطع كيري تقول لنيرو شي مثل ان روحك طاهره وانك طيب وهالسوالف>>>كلامها كان يبط جبدي عشان جذي مستحيل أنساه
بس ماسمعت نفس هالكلام في اللعبه!!!
بعد حد يقول بس ماذكر صوت منو ان كيري عندها قدره او شي جذي نحتاجه حق شغلنا...أظن اجنوس قالها او بابا عود..ماذكر من فيهم
وييييييييييييين هالكلام؟؟؟؟؟؟؟؟

وهكذا عادت المياه لمجراها

وشي واحد لازم الكل يتذركه ومكتوب تحت الصفحه عند الرد السريع بعد @.@

تذكر قول الله تعالى (( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ ))

[ERGO PROXY]

المفروض الجزء الي راح ينزل على البي اس بي يكون مخصوص لسبارده على الاقل معه اني اوده انه يكون الجزء الخامس كله لسبارده
حته انه لو تلاحظون بالجزء الرابع انه في البدايه اتشوفون الكل محترمه ومعطيه مكانه عاليه
فشكله الاخ الكريم مسويلهم ازعاج قبل قدوم دانتي لوول
وله شرايكم

[Arashi]

كان هو مثل ماقالوا على ايام النظام الاقطاعي زعيم مدينتهم
عشان جذي يعبدونه...بس مادري اذا هاي اعتقاد من اهل هالمدينه ولا صج كان زعيمهم
وبعدين هو كم بوابه مسكر؟ وحده طلعت في ديفل3 ووحده في1 ووحده طلعت في4
مره استخدم سيفه ومرته مع العقدين..ومره الياماتو ومال الجزء الاول مادري اش استخدم!!!
لو تلاحظون في الجزء الرابع يوم ياخذون كيري ونيرو والياماتو
بابا عود كان يبي يسوي نفس طريقة سباردا عشان يفتح بوابة الجحيم ومقادير الspell كالتالي:
1- ملعقة طعام من سيف قوي(الياماتو)
2-نص كيلو حرمه متدينه( كيري)
3-800 جرام ريال عنده قوة سباردا(نيرو)
وهكذا قدر يخلق إله ويفتح بوابة الظلام
بس لحد الحين قصة سباردا محبره واكثر شي من الناحيه الزمنيه
انتصر على مونديس قبل 2000 سنه...تزوج مادري من كم سنه...عنده عيال...مات..الام ماتت(قتلت) والعيال صغار
شلون يعيش اكثر من 2000 سنه ويموت على طول من يصير عنده عيال؟؟؟؟؟؟
ومتى تعرف على الام؟؟؟؟ بعد ماعاش بين الناس 1980 سنه مثلا؟؟؟
وودي مره كابكوم تتكرم وتكتب أعمار شخصياتها @.@
بجرب أقدر الاعمار ههههه:
نيرو: 17
كيري:19>>>احسها اكبر
دانتي: 35-40 >>> شيبه خخخخ
ليدي:32-35
تريش: شيطانه مايصير O.o
كريدو:25-30>>>بس شكله اكبر
اجنوس:40-45
بابا عود: 80-100 @.@

(للتسليه)لقيت كويز حلو لديفل ماي كراي...who are you in DMC ؟؟

http://www.quizilla.com/users/VideoG...Unfortunately/

انا طلع لي:
You are the Devil Hunter, Dante you are the best character there is. Plus your a total player.

[The Snipers]

بسم الله الرحمن الرحيم

بما أنا لعبنا DMC خلينا نتسلى
هل تتوقع صدور DMC جزء جديد بعد الرابع؟
هل تتمنى أن تنهتي DMC
________________________________

الجواب
نعم لأن القصة في ثغرات
لا لا أتمنى ذلك
________________________________
الآن انتهينا من الجزء الرابع لنقارن بينه وبين الجزء الثالث لمعرفت ما وصل إليه مصممون اللعبة من تطور وأفكار جديدة الخخخخخ
ستكون المقارنة فقط بالرسوم و القصة
اعلم أن ردود المقارنات ممنوعة بل المواضيع يعني المقارنة ممنوعة لكن هنا لنعرف إلى أي مدى وصل التطور
لكن لا نريد تعصب
________________________________
الرسوم
________________________________
طبعاً روسوم الرابع لا تقارن بالثالث انظروا إلى الفرق
صور الجزء الرابع




صور الجزء الثالث



________________________________
القصة
القصة يحتاج لها نقاش مطول جداً جداً جدا
اتركها لكم ولي رجعة *ــــــــــــــ^ عما قريب

[kingx11]

arashi

انا مب جاي استفزكم بالعكس رأيي مخالف لرأيكم وفيه اختلاف بين الاثنين
اما اللي يمدحونها فيه ناس عاديين يشوفون الموضوع ويمكن يروح ويصرف فلوسه اللي مجمعها من اجازة العيد ( اتكلم عن اهل المدارس مب طلبة الجامعات ) وتطلع اللعبه اقل من ماتوقع لانه اعتمد على مدحكم وكلامكم لها عشان كذا من المفيد له انه يشوف اراء سلبيه عن اللعبه ويقرر بنفسه اذا يبيها او لا , وفلم american pie مناسب لانه الكوميديا فيه نفس كوميديا ديفل4 بصراحه , ولاتقولين الافلام اليابانيه الكوميديه بايخه جربيها أول




عبود الغريب

شي طيب انك استفدت من هالنقاش , ماعندك لعبه ثانيه تحبها عشان نحشها بعد


لا لا امزح بس مثل ماقلت فيه اختلاف بين الاستفزاز والأختلاف فالآراء



سلام

[THE ROCK IS THE BEST EVER]

القصة
القصة يحتاج لها نقاش مطول جداً جداً جدا

اتمنى الجزء الجديد يكون عن نيرو لان في اشياء كثيره مو مفهومة و غير موضحة

زي مثلا من وين جيت له هاذي اليد وش علاقة بسبارد

اكيدا له علاقة بسبارد بطريقة غير مباشرة او مباشر لان على قولت arashi البابا الوعود كان يبي نيرو عشان

يفتح الهل قيت اكيذا له علاقة بسبارد ( احس ان عدت نفس الكلام )


من ناحية الرسوم اكيذا رسوم ديفل 4 افضل من الرسوم ديفل3

[ERGO PROXY]

ماتسوه على دانتي انه ترش تطلع امه الحقيقيه
معه انه بين بالجزء الاول انه امه ميته بس اتخيل انه امه عايشه وهي ترش ويطلع سبارده زوج ومن هل الناحيه اقدر اقول انه ترش عارفه كل شي
همم
كيري ما احب اعرف شقصتها صارلها سنه نيرو ونيرو اذتنه ملقوفه
وانا عجبتني اشخصيه كرود على ما اعتقد وهو اخ كيري بصراحه شكله عاجبني مادري ليش

[Arashi]

S.T.A.R.S 2008

بما أنا لعبنا DMC خلينا نتسلى
هل تتوقع صدور DMC جزء جديد بعد الرابع؟
هل تتمنى أن تنهتي DMC

يس اكيد بيصدرون جزء جديد لأنها سلسله ناجحه واظن الجزء الرابع هو البدايه فقط وتحميه للجهاز الجديد
طبعا ماتمنى تنتهي لأني بنهي حياة كابكوم بنهايتها

الرسوم

اقولها بكل صراحه
احسن شي رسم...4 ثم 1 ثم2 ثم3

القصة يحتاج لها نقاش مطول جداً جداً جدا

[Arashi]

S.T.A.R.S 2008

بما أنا لعبنا DMC خلينا نتسلى
هل تتوقع صدور DMC جزء جديد بعد الرابع؟
هل تتمنى أن تنهتي DMC

يس اكيد بيصدرون جزء جديد لأنها سلسله ناجحه واظن الجزء الرابع هو البدايه فقط وتحميه للجهاز الجديد
طبعا ماتمنى تنتهي لأني بنهي حياة كابكوم بنهايتها

الرسوم

اقولها بكل صراحه
احسن شي رسم...4 ثم 1 ثم2 ثم3

القصة يحتاج لها نقاش مطول جداً جداً جدا

دايما أفضل اناقش في القصه
اوكي:
احسن شي قصة 3 ثم 4 مع1 واخر شي ...مادري حتى تستحق احطها في المركز الاخير ولا لا...2

كنت أحاول اترجم القصه...بس ليلحين ماخلصت من الجزء الاول...الاخت صاحبة الموقع سكرت علينا التحميل ولازم ننطرها تفتحه مره ثانيه

حد يقول لي بس وين ممكن احصل عروض لديفل1و4 -__-

kingx11

انا مب جاي استفزكم بالعكس رأيي مخالف لرأيكم وفيه اختلاف بين الاثنين
اما اللي يمدحونها فيه ناس عاديين يشوفون الموضوع ويمكن يروح ويصرف فلوسه اللي مجمعها من اجازة العيد

ماقلنا شي
قلنا لك هالموضوع لعشاق ديفل ماي كراي مب قاعدين نسوي دعايه عليه
احنا اكثر ناس انتقدنا في اللعبه...لكن اش جاب طاري الايمو وهالكلام اللي مايستخدمونه النقاد with high stadards على قولتك
عالعموم قلنا لك...تبي تنتقد خذ راحتك وافتح موضوع خاص...عادي مب زعلانين..الا لعبه
لكن انك تضيع علينا سوالف وتروح ردود أعضاء وكل ما غيرنا السالفه رجعت تخرب علينا بالانتقاد وكأن هالموضوع موضوعك هالشي ماراح نسمح فيه
على أي حال محد زعلان من حد لأن في النهايه هاذي مجرد منتدى وديفل ماي كراي مجرد لعبه وماتستاهل عوار راس وزعل من الناس عشانها..واحنا هني بس يايين نتسلى مب حق نغزات وتعصب

) وتطلع اللعبه اقل من ماتوقع لانه اعتمد على مدحكم وكلامكم لها عشان كذا من المفيد له انه يشوف اراء سلبيه عن اللعبه ويقرر بنفسه اذا يبيها او لا

احنا ماقاعدين نسوي دعايه عاللعبه...واللي يبي يشتريها يدور عنها في النت او يجرب الديمو لأن احنا بس نناقشها كعشاق لعبه فقط

ولاتقولين الافلام اليابانيه الكوميديه بايخه جربيها أول

جربتها كم مره بس ماتحملت فيها وايد أشياء..مب كل الافلام على فكره حبيت منها كم فلم والعيوب اللي راح أذكرها هي لأفلام البنات اكثر شي:
1-يجيك البطل بنوته idol او model والبطله كأنها دميه
2-التركيز الزايد عالرومانسيه وان البطلين يطلع منظرهم كيوت مع بعض
3-المثاليه الزايده في البطلين ومستحيل يتهزؤون في المسلسل لأن لازم يطلعون رزه لين اخر المسلسل
4-10 يتهاوشون عالبطله جنه العالم مافيه بنات غيرها
بس devil man اللي حطيت دعايته عجيب وخاطري انزله
على فكره...اتابع انيمي ومانجا صح؟كل اللي يتابعون المسلسللات اليابانيه يحبون هالسوالف

THE ROCK IS THE BEST EVER

اتمنى الجزء الجديد يكون عن نيرو لان في اشياء كثيره مو مفهومة و غير موضحة

زي مثلا من وين جيت له هاذي اليد وش علاقة بسبارد

اكيدا له علاقة بسبارد بطريقة غير مباشرة او مباشر لان على قولت arashi البابا الوعود كان يبي نيرو عشان

يفتح الهل قيت اكيذا له علاقة بسبارد

انا بعد ودي اعرف قصته...ماقتنعت بالتفسير اللي يقول انها طلعت فجأه
بالنسبه للقصه ترى في كلام في موقع كابكوم شوي زياده ماذكروه في اللعبه...مثل خلفيات عن الشخصيات تساعد في فهم القصه اكثر
وبابا عود بعد...شلون قدر يأسس ديانه ومعبد ومدينه بكبرها..شلون قدر يقنع الناس تمشي وراه؟ هل الديانه تأسست من ايام اباء بابا عود؟ او هو اللي أسسها!!!
واذا كان بابا عود هو اللي أسسها اكيد مب حبا في سباردا ولا شي..هو الظاهر كان يبي الناس تساعده عشان يحصل على قوة سباردا ويعطي الناس قوة الشياطين عشان يكون عنده جيش قوي يسيطر فيه عالعالم
كابكوم عمرها ماتعطي قصص مياشره وتبينا نحك شعورنا نفكر ونحلل>>>والا ماكان انفتح هالموضوع

ERGO PROXY

ماتسوه على دانتي انه ترش تطلع امه الحقيقيه
معه انه بين بالجزء الاول انه امه ميته بس اتخيل انه امه عايشه وهي ترش ويطلع سبارده زوج ومن هل الناحيه اقدر اقول انه ترش عارفه كل شي
همم

اممممم...جفت امه في المانجا تموت...يقطعونها تقطع لين تقول بس
يمكن تريش يكون لها علاقه بسباردا مثلا!!!!
مونديس صنعها تشبه ام دانتي عشان يخدعه..بس يمكن يكون لها دور مهم في المستقبل

كيري ما احب اعرف شقصتها صارلها سنه نيرو ونيرو اذتنه ملقوفه

الحمدلله ان مسكرين حلجها وحبسوها في تمثال سباردا عشان نرتاح من غثاها
تدري؟...كانت كابكوم بتعطيها دور اكبر ولها كلام مقطوع(الحمدلله ارتحنا منها )

[QUOTE]وانا عجبتني اشخصيه كرود على ما اعتقد وهو اخ كيري بصراحه شكله عاجبني مادري ليش[/QUOTE]

كريدو قصدك...ههههه وايد اولاد قالوا نفس الكلام...مب حلو شكله هههه مادري شنو اللي يعجب الاولاد فيه
أكيد عشان السكسوكه
شخصيته قويه ويحب يتأمر على نيرو: نيرووووووووووو جيب القهوه يالله.. الله لايبارج فيك
كيرييييييييييييييي تغطي ياحرمه جدام الشباب شهوتي اسم العيله
بابا عود...حبه على راسك الله يطول في عمرك

يبي لي والله أرسم عليهم قصه

[devil cober]

arashi

انا مب جاي استفزكم بالعكس رأيي مخالف لرأيكم وفيه اختلاف بين الاثنين
اما اللي يمدحونها فيه ناس عاديين يشوفون الموضوع ويمكن يروح ويصرف فلوسه اللي مجمعها من اجازة العيد ( اتكلم عن اهل المدارس مب طلبة الجامعات ) وتطلع اللعبه اقل من ماتوقع لانه اعتمد على مدحكم وكلامكم لها عشان كذا من المفيد له انه يشوف اراء سلبيه عن اللعبه ويقرر بنفسه اذا يبيها او لا , وفلم american pie مناسب لانه الكوميديا فيه نفس كوميديا ديفل4 بصراحه , ولاتقولين الافلام اليابانيه الكوميديه بايخه جربيها أول



سلام

يشوف تقاييمها ويختار على كيفه مو لازم يسمع كلامنا ولو فكرت شوية حتلاحظ اننا تكلمنا عن عيوبها يعني بالعقل هل تعتبر هذه دعاية رخيصة للعبة ؟؟؟؟؟؟؟؟
وعلى فكرة كلامك يفكرني بننجا جايدن أكثر لعبة الناس بالغت في مدحها للجيل الماضي ومازلت تمدحها وتعملها Hype مبالغ وماله داعي رغم انه فيها عيوب عديدة مثل سخافة القصة والصعوبة المبالغة ووجود اباحية كما حال ألعاب شركة تيكمو الأخرى (أكثر من ألعاب كابكوم حتى لووووووول) مع ذلك متعصبيها يمدحوها حتى الثاني قاعدين يمدحوه رغم انه لسه مانزل
وأيضا واضح ان القصة حتكون سخيفة كالجز السابق فشركة تيكمو عمرها ماعملت قصة ناجحة ألعابها أبدا

[The Snipers]

اضن أن الآن الوقت المناسب لبدئ النقاش المطول
احم
الأسئلة المبهمة السؤال في بالي قاله احد الأعضاء
THE ROCK IS THE BEST EVER
كيف حصل سبارد على اليد وما علاقته بها
صورة قريبة ليد سبارد

عاد مو كل الأسئلة أنا أرجوا من جميع الأعضاء المشاركة

[The Snipers]

فاتني التعديل
المهم
وأنا أتجول في موقع جيم سبوت
وجدت صورة لغلاف DMC على الـPC
ربما هناك نسخة على الـPC

[devil cober]

تقصد الرابع؟؟؟؟؟
ياريت يلغوها بس

[عبود الغريب]

بسم الله الرحمن الرحيم

بما أنا لعبنا DMC خلينا نتسلى
هل تتوقع صدور DMC جزء جديد بعد الرابع؟
هل تتمنى أن تنهتي DMC

اكيد شيء طبيعي نبي جزء خامس بس ياليت يراعوا الفان هذه المره ويسووا اللعبه صعبه وفيها تحدي ويبطلوا التكرار الي ماله داعي

الرسوم
________________________________
طبعاً روسوم الرابع لا تقارن بالثالث انظروا إلى الفرق
صور الجزء الرابع




انا يضحكني الي يقول رسوم الرابع نفس الجزء الي قبله اصلا ما في وجه مقارنه اذا كانت الصور الي حاطه قويه وهي اصلا صور قديمه فكي الرسم النهائي والي انا بنظري اشوفه مثل السي جي

صور الجزء الثالث





ايضن صور هذه ليسة رسوم ديفل3 الكامله رسوم ديفل3 اقوى من كذا بكثيير

القصة
القصة يحتاج لها نقاش مطول جداً جداً جدا

اتركها لكم ولي رجعة *ــــــــــــــ^ عما قريب

111111111111

[ERGO PROXY]

كريدو قصدك...ههههه وايد اولاد قالوا نفس الكلام...مب حلو شكله هههه مادري شنو اللي يعجب الاولاد فيه
أكيد عشان السكسوكه
شخصيته قويه ويحب يتأمر على نيرو: نيرووووووووووو جيب القهوه يالله.. الله لايبارج فيك
كيرييييييييييييييي تغطي ياحرمه جدام الشباب شهوتي اسم العيله
بابا عود...حبه على راسك الله يطول في عمرك

يبي لي والله أرسم عليهم قصه

لووووووووووووووووول
والله لا تساليني ليش عاجبني شكله احسه عجيب في شي شادني فيه ومن هل الاشياء كلامه في المعركه بينه وبين نيرو كان عجيب

وبصراحه ضاق خلقي ليمه مات

وكله من بابا عود الغبي
ياريت لويخلون في bouns
في اللعبه ايكون تلعب بكم شخصيه في مرحله وحده على الاقل
مثل ترش . ليدي . كورد . وطبعا لا يحطون كيري عشان ما انتحر لوول