سلام عليكم ورحمة الله وبركاتة
شفت واحد من الاخوان منزل موضوع يسأل عن ال Model changing بما معناه كيف تقدر تغير شكلك في اللعبه تغير شكل سلاحك او تغير شخصيتك..مع العلم انه الناس بيشوفونك نفس ما انت ما راح يتغير شي بس انت تشوف نفسك شي غير
مثال: تستعمل سيوف illidan وانت اصلن ماعندك اياهم بس تشوف انهم معك و اطق فيهم بس الناس يشوفون الاسلحه العاديه الي عندك مايشوفون انه عندك سيوف illidan مثل ماتشوف انت
انا مجرب الحركة ف قلت خل احطلكم الشرح
اول شي حبيت اقول كذا شغله
1- انا مالي دخل لو جاك ban او اي شي..في ناس يقولون الحركة ممنوعة و في ناس يقولون الحركة مب ممنوعة عادي تسويها مع العلم اني انا مسويها و ماصار شي و ماتوقع بلزرد تعرف "رأيي الشخصي انها عاديه و مافيها شي"
2-الشرح الي انا بحطه ما يغير الRace to race يعني لو كنت Tauren ما تقدر تخليه Nightelf هاذي الحركه يبيلها طريقه ثانيه وان قدرت بحط شرحها بعدين
3-ما تقدر تغير شكل الMount الي عندك هاذي الحركه يبيلها طريقه ثانيه و ان قدرت بحط شرحها بعدين
4-هاي الحركه بس تغير شكل الاسلحه و الدروع الي عندك
5- الطريقه صعبه و طويله بس لما تنتهي راح تستوعب كل شي و يكون سهل
بسم الله الرحمن الرحيم
هاذي الاشياء الي نحتاجها قبل لا نبدا
هذا برنامج Hex-workshop
http://www.download.com/Hex-Workshop...-10004918.html
من ناحيتي مجرب الرابط و شغال و حملته
و نحتاج هل لنكين
http://www.hexicovert.tk
http://wow.allakhazam.com
ملاحظة:الي ما تطلع عنده الصور ينزل الصور من المرفقات حاطهم بترتيب و بالارقام
خل نبدأ
اول شي نطلع Code الايتم الي نبي نلبسه خل نقول سيف Illidan
1-نروح موقع http://wow.allakhazam
2-في السيرج نكتب اسم السلاح Warglaive of Azzinoth
3-راح تطلع لكم الصفحة نفس الصورة الي انا حاطها لازم تضغطون على XML وين انا محدد بصورة بالاحمر
4-الحين لازم تضغطون CTRL+F في الكيبورد و هاي الحركة تخليك تسوي سيرج في الصفحة و نكتب في السيرج Displayinfo راح توصلون هني فصورة
الرقم الي محدد بالاحمر هذا Code السلاح الي نبيه الي هو Warglaive of Azzinoth
5-الكود الي طلعناه حق السلاح "45479" الحين لازم نحول الكود ندخل موقع http://www.hexicovert.tk تطلع لنا ثلاث خانات في خانة Decimal نكتب الكود الي طلعناه الي هو "45479" بعدها نضغط كلمه Convert الي فنص الي هي حق Decimal راح يطلع لنا كود جديد في الخانة الي تحت الي هي "Hexadecimal" و الكود هو b1a7 مثل ما تشوفون فصورة
6-الحين اهم نقطة و الي هي لازم نقلب الكود و محد يغلط فيها والى ما بيضبط الشغل..الكود الحين الي نبيه b1a7 يتكون من 4 حروف لازم نبدل اول حرفين اب اخر حرفين "b1a7 > b1 a7 > a7 b1 > a7b1" انا فصلت الحروف عشان يكون الشرح اوضح و ارد اقول هاي اهم نقطه ركزوا عليها و الكود الحين "a7b1"
7-الحين نفتح برنامج Hex-workshop و اللنك حاطه فوق انا
8- في برنامج Hex-workshop نضغط file>open بعدين نروح ملف واركرافت worldofwarcraft/cache/WDB/enGB/itemcache.wdb
راح يصير البرنامج جذي
9- الحين نبحث عن الايتم "مالك" الي تبي تحوله إلى شكل سيف illidan فل نفرض اسمه Cruel Barb
10- نضغط في البرنامج CTRL+F للبحث و نسوي نفس الصورة بضبط
11-الحين تلاحظ البرنامج مقسوم قسمين قسم فيه ارقام "الي هو القسم اليسار" و قسم في اسم السلاح "Cruel Barb" او اي سلاح تبيه مسوي سيرج عليه انت..السلاح الي ندور عليه الحين هو "Cruel Barb" راح تلاحظونة على اليمين مكتوب اكثر من مره متكرر يعني.. الحين لازم نروح عند اخر تكرار لاسم السلاح يعني السلاح مكتوب 3 مرات نروح لاخر مره انكتب فيها السلاح و نضلل على اخر حرف من اسم السلاح مثل ماتشوفون فصورة
يوم نضلل على اخر حرف من اسم السلاح راح تلاحظون انه رقمين على اليسار تظللوا الي هم 62 بعد هل رقمين راح يجي صفرين "00" و هاذي الحركه راح تصير كل مره كل ماجيت تبدل ايتم يوم تضلل على اخر حرف من اسم السلاح راح يتظللون رقمين بعد هالرقمين "لازم" صفرين "00".. مثل ما تشوفون الارقام واجد و في فراغات بينهم "لا تحاسب من الفراغات كلهم" ممكن تجيك مجموعه في نهايتها الرقمين "62" و المجموعه الي بعدها يجونك الصفرين..الحين و المهم بعد ما وصلنا هالمرحله لازم نبدل كود السلاح cruel barb بكود سلاح سيف illidan "للتذكير طلعنا الكود فوق الي هو "a7b1" الحين و اخر شي نبدل الكود بعد الصفرين الي طلعناهم نحط الكود الي هو "a7b1" شوفوا الصورة نضلل على الكود الموجود
و نستبدله بالكود الي طلعناه "a7b1"
نضغط file >save "نقطه مهمه انا ما ضبطت معاي من اول مره قعدت افتح البرنامج و اعيد الخطوات و اسوي saveو اشغل اللعبه و على هالحاله لين ما ضبط الsave و مشى الحال وياي
ياريت بس الي ما تضبط الحركه وياه يجرب مره و مرتين و ثلاث اكيد بيكون مسوي خطا لين ما تضبط وياه و الي عنده اسئله انا في الخدمة
