جُن جنون عشاق GTA من الان!!

[Dr.GaMes]

السلام عليكم
.
.
.
.
.
.
.






طبقاً لبعض بائعي محلات الالعاب في السويد ان بعض محبي وعاشقي رائعة روكستار

Grand Theft Auto IV قاموا بنصب خيامهم امام المحل!! ليكونوا اول من يقوم

بلعبها ولم تمنعهم طول الفترة المتبقية لاصدار اللعبة ولا المطر او برودة الطقس!



صدق مجانين


برايفت:اللي بالصورة الاولى الشال عربي ما ادري اصولة عربية او هذي الموضة




المصدر

[HMK_2002]

منتظرين اي نسخة ؟

[Dr.GaMes]

منتظرين اي نسخة ؟

ماذكروا

لكن سالفة الطوابير والانتظار بالايام هذي بالعادة تصير مع وقت صدور

الاجهزة الجديدة ونذكر المجموعة اللي كانت تنتظر الـPS3 بالايام

اعطتهم سوني شاشات ضخمة وتوصيل مجاني للبيت

عندي احساس ان المجموعة هذي تنتظر مكافئة بطريقة ما من روكستار

[eob717]

لو روك ستار تأجل الموعد .. أتوقع هذيل بيكونون بالعناية المركزة.

[Dr.GaMes]

لو روك ستار تأجل الموعد .. أتوقع هذيل بيكونون بالعناية المركزة.

لو تصير راح يكون تحطيم نفسي عنيف

[asdwe]

هذيل كيف يستنوا ما عندهم مدارس و اشغال صدق عالم فاضية او مجنونة

[how.long]

ماتستاهل كل هالضجه
لعبه عاديه جداً
بس يمكن هذا الجزء يطلع مختلف

[eob717]

^
^
أهم شي انها عادية وماتستاهل كل هالضجة.." للعلم " هاللعبه سبب من أسباب أمتلاك جهاز فيديو قيمز.

الزبدة ..هذا اللي بالصورة بو نظارات..شكله أول واحد بالعالم بـ ينهي اللعبه.

[Nado Ps3]

بالفعل ماتستاهل كل هالضجة
معناه شو بيعملو محبي وعاشقي الاسطور ه METALGEARSOLID اوRESIDENTEVIL
يتشردو بالشوارع لكان ماحدا شتغل او درس لحين صدور الاسطورتين جنان والله مهبولين وانظر الى هذا ابو النظارات تقول هربان من المدرسة وبيتعاطا مخدرات شكلو مجنون ههههههه الله بثبت علينا العقل امين يارب قولوووو امين

[how.long]

هاللعبه سبب من أسباب أمتلاك جهاز فيديو قيمز

بالنسبه لي ؟ لآ .. اعتبرها لعبه تصبرني لصدور بعض الألعاب
فقط لا أكثر
الاحظ ان المشكله إعلامية
Getaway كانت أحلى بس الإعلام ظالمها

أنا أتكلم عن وجهة نظري الشخصية ..

[meshale]

Nado Ps3
عضو


معروف انه عشاق gta اكثر من عشاق متل او رسيدنت ايفل حيث ان مبيعات الجزء الثالث وصلت الى 11.60 م و san andres وصلت الى 15.40 م بينما متل جير 2 وصلت الى 5 او اشوي او الثالث 3.96 بينما رسدنت ايفل4 2.57 م يعني لو تجمع مبيعات متل جير ابجزاءها الاثنين مع ايفل راح يطلعون اقل من مبيعات الثالث لوحده ... او كذلك نسخة الpre order لgta نفذت من محلات game stop (طبعا كل الارقام بالمليون )

صحيح اني ما لعبت اللعبه سابقا او ماني من عشاقها ... بس لازم نعترف ان GTA عملت اكبر ضجه في عالم الفيديو جيم او هي من اقوى الالعاب في عالم الفيديو جيم او من الصعب منافستها ... (اللعبه الوحيده اللي نافسة سان اندرس هي جران توريسمو 3 بمبيعات وصلت 14.87 م)

[meshale]

^

الزبدة ..هذا اللي بالصورة بو نظارات..شكله أول واحد بالعالم بـ ينهي اللعبه.

لوووول..... او ابتسامته قويه زين ما شق ويهه

[Sparta Ghost]

بالنسبه لي ؟ لآ .. اعتبرها لعبه تصبرني لصدور بعض الألعاب
فقط لا أكثر
الاحظ ان المشكله إعلامية
Getaway كانت أحلى بس الإعلام ظالمها

أنا أتكلم عن وجهة نظري الشخصية ..

جيت واي كانت قويه مره بس عيبها الجيم بلاي و التصويب عدمها كانوا يبغوا يخلوها واقعيه بشكل كبير . بس ما عجبت الكل .
بالنسبه للموضوع هههههه
يعني ليش هالتعب هذا سوي لها بري-اوردر و خلاص .

[Dr.GaMes]

يعني ليش هالتعب هذا سوي لها بري-اوردر و خلاص

البري اوردر يحتاج لها شوي وقت على ماتوصل وتصير بين حار وبارد

لكن لما تستلمها بيدك وطازة غير بيجيك شعور كأنك فتحت القسطنطينية

[Sparta Ghost]

البري اوردر يحتاج لها شوي وقت على ماتوصل وتصير بين حار وبارد

لكن لما تستلمها بيدك وطازة غير بيجيك شعور كأنك فتحت القسطنطينية

ههههههههه في امريكا لما تسوي بري-اوردر للعبه تجي لك في نفس اليوم اللي تصدر فيه اللعبه . one day shipping .

يعني بصير كاني فتحت القسطنطينيه وانا قاعد في البيت