إلى كل من يريد نزول الكوبي أقرأ لتعرف

[عاشق MPO]

انا من رأي الكوبي صراحة خسارة تقط 250 ريال في لعبة بس مويعني الأصلي شين يعني اذا نزل كوبي للps3 اكيد بروح عليك الأونلاين وانا ما اقدر افرط في اونلاين العاب مثل:
MGS4
COD4
RESTAUNCE FALL OF MAN<اعذروني الأسم صعب
عشان كذا الزين انو يكون الأصلي فقط

[fall out boy]

يعني بقولك شي بدال ماتزعجنا بالغرب

اصلا الالعاب الكوبي حنا نستوردها من برا مثل الاصلي مب حنا اللي نسويها

وبعدين تعرف GTA4

نازله على البلايستيشن اصلية ب500 ريال

ونازله على الاكس بوكس كوبي ب15 ريال

بالله وشرايكم هل فيه فرق بين الكوبي والاصلي

الله اعلم اذا نزل ميل جير 4 اتوقع يكون سعره 700 ريال





بالله في فرق

ههههه

اكيد في فرق

انا الي اعرفه اذا دخلت اونلاين في الاكس بوكس و لعبه كوبي بيعطونك باند صح

و ما في احد قالك خذ لعبه ب 500 انا خذت gta iv بلايستيشن 3 ب 295

و حتى لو انا احب اللعبه وكانت 700 ما بشتريها بنتظر شوي الين ما ترخص

الكوبي كان نافع لل Ps2
بس الحين لو نزل كوبي على ال 3 بتم على الاصلي

[professional]

مستحيل يكون فيه كوبي للـ Playstation 3 لأن فيه تحديث مستمر للجهاز و الألعاب على عكس الأجهزة القديمة ما كان لها أي تحديث لكن نسخ الألعاب تطلب جهد كبير من الشباب اللي يشتغلون في Reverse Engineering حتى يخلون الألعاب المنسوخة تشتغل بدون مشاكل لكن الحين الوضع تغير و أي محاولة منهم حتى لو كانت ناجحة تقدر شركة سوني بسهولة تقلب الطاولة عليهم و تعدل الوضع و الشي الثاني السعر المرتفع لأسطوانة Blu-Ray فالنسخ في هذي الحالة عديم الجدوى.

أما عن نسخ الألعاب و هل هذا الشي شرعي أو لا فأعتقد إللي كاتب الموضوع يريد يسهل على نفسه الوضع و يخفف من تأنيب الضمير اللي يحس فيه حتى يشتري الأصلي بسعر غالي لأنه مستحيل يلعب بالمنسوخ بعد اليوم و ماله غير الأصلي و من وجهة نظري أشوف إن الألعاب في الأساس مخصصة لأمريكا و اوروبا و اليابان و بكميات محددة و الشركات ما بتخسر شي إذا الشباب في الشرق الأوسط كانوا يلعبون بالمنسوخ لأنها أصلا ما تبيع الألعاب في هذي المنطقة فشو بتخسر؟ ولا شي و آخر شي المنسوخ موجود في كل مكان حتى في كوريا الجنوبية اللي الشركات تخصص لهم ألعاب خاصة فيهم مع لغة كورية موجود عندهم المنسوخ و الشركات تشتكي من هذا الشي لكن شفتوا شركة كونامي مثلا تشتكي لأن الشباب العرب يلعبون منسوخ طبعا لا لأنهم ما يبيعون في المنطقة من الأساس.

و مرة ثانية رجاء ما أريد أسمع أي أحد يدخل مسألة الألعاب المنسوخة في الحلال و الحرام و يحلل الأصلي و يحرم المنسوخ لأنكم مب مفتيين و هلكلام ماله داعي أبدا و إذا ماشي منسوخ مالك غير الأصلي حتى أصغر ياهل يفهم هذا الشي و اللي ماعنده فلوس يلعب Playstation 2 لين الله يفرجها عليه و يرزقه من حيث لا يحتسب و يشتري كل ألعاب الدنيا.