استفسار بخصوص الـ(System Update)

[Snow Whiteness]

السلام عليكم
من زمان وانا ابي اسوي ابديت للسيستم
وكل مرة اسوي فيها الابديت احس انه
يطول ومالي خلق انطر فأحط كاانسل
خاصة اني ماارتاح الا لما اعرف كم باقي على التنزيل ويخلص
فبحثت بالانترنت لعل وعسى القى التحديث وانزله من الكمبيوتر
والظاهر اني بالفعل لقيته في هذي الصفحة
http://www.us.playstation.com/PS3/Ab...pc_update.html
ولكن ومع الاسف مافهمت الا كلمة داون لوود
يعني المشكلة اني بالانقلش >>> مولازم
المهم يعني هذا الابديت صحيح ولا شنو ؟
واذا صحيح شنو اللي يقول انشئ ملف باسم ابديت
بالله شلون انشئ ملف
>> ترى مادري وين الله حاطني بس اعرف احط الدسك والعب
>> انجاز عظيم

فأتمنى منكم ان تساعدوووني
والله يجزيكم بالخير
من زمان وانا على سالفة الابديت
خل افتك من هالخطوة

[THE ROCK IS THE BEST EVER]

بصراحة اخوي انا ما اعرف هاذي الطريقة

لكن اعرف طريقتين غيروهم راح اقولهم لك واشوف اي واحدة تقدر تسويها

اول طريقة هي اذا شابك PS3 بالنت روح Settings بعدين اختار System Update اضغط عليها راح

يسوي بحث لي اخر تحديث لــــــــــــ PS3 راح يطلع لك التحديث وبعدين اضغط تحميل وانتظر الين يخلص التحميل

ثاني طريقة هي اذا شريت لعبة جديدة ودخلت اللعبة في الجهاز راح يطلبون منك تحديث معين او كثر عشان اللعبة

تشتغل وتقدر تحمل التحديث من نفس اللعبة

راح اعطيك مثال اخوي

مثلا دخلت لعبة سيارات وطلب منك تحديث معين او اكثر عشان تشتغل اللعبة

راح يقولك هل تريد تحديث الستيم الان ؟؟؟؟

اضغط يس

بعد كيذا راح يطلع لك التحديث

هل تريد تحميله الان ؟؟؟؟

اضغط يس

بعد كيذا راح يتحمل التحديث انتظر الين ما يخلص

وانا استعمل الطريقة الثانية و ما يطول عندي التحديث كثير

ان شاء الله قدرت اساعدك اخوي

[Snow Whiteness]

مشكوور ياخوي والله يعطيك العافيه
ماقصرت بصراحة

بس انا حفظت الابديت اللي بالموقع
فياليت اعرف طريقة صنع الملف ووض الابديت فيه من الميموري ^^

وجزاكم الله خير..

[Snow Whiteness]

جربت سويت ملف عادي بالكمبيوتر وحطيت فيه ملف الابديت
حسب المطلوب وضبط معاي لكن طلعت بمشكلة جديدة
طلع الابديت اللي نزلته 2.35 والمطلوب 2.36
والحين ان شاء الله راح انزل الابديت 2.36
بس اللي ابي اعرفه الحين
هل لازم امسح الابديت اللي حطيته قبل في الـPS3 وبعدين احط الابديت الجديد ??
او عادي احط الفلاش ميموري واسوي ابديت وخلاص؟
اخاف احطه بالطريقة هذي يطلع خطأ و يخترب عندي الابديت ولا شي
فضروري تساعدوني والله يعطيكم العافيه ^^
وبغيت اعرف بعد شلون طريقة مسح الابديت السابق
وراح اكون شااكرة لكم

[THE ROCK IS THE BEST EVER]

وبغيت اعرف بعد شلون طريقة مسح الابديت السابق

بالنسبة لي مسح الابديت بصراحة ما اعرف

لكن بالنسبة لسؤالك الاول هو شيء عادي ما يحتاج تمسح الابديت

تقدر يكون عندك ابديت قديم وعادي تسوي ابديت اجدد من الي عندك ولا يصير مشاكل

انا جهازي PS3 سابقا كان ابديت 2.20 عشان العب لعبة ديفل ماي كراي 4

وبعد ما شريت متيل جير 4 سويته ابديت الي 2.40

وبعد كيذا اشتغلت اللعبة ولا صار في مشاكل لا في اللعبة ولا في الجهاز

ان شاء الله افدتك اخوي

اي سؤال اخر ان شاء الله اقدر اساعدك فيه

[Snow Whiteness]

اشكرك ياخوي
ماقصرت والله تعبناك معنا

اي سؤال اخر ان شاء الله اقدر اساعدك فيه

تسلم والله

كل اسئلتي خلصت

جزاك الله كل خيــر

^^

[youry]

السلام عليكم
ياخي اللغة تنقسم الى انجليزي وعربي بس الشرعية صعب بس المشكلة في المدرس نفسه ماادانية
السيستم مالك امريكي والله حرام وين المقاطعة واخوانك كل يوم يموتون وانت تلعب وتشتري العابهم
بس ماعلينا
المهم وانا اخوك واحد من الربع استوتله نفس مشكلتك وراح يصلحة بس الفلبيني ماعرفله لانه غشيم توه جاي مفيزله علوووي اخو عبدالرحمن مشكلته شرد وهق محمد اخو عبدالله الي هو اخو احمد اخو عبدالرحمن الي اخو علووووي.

ماعلينا ياخوك انا بساعدك لانه لعبتي السوني والبلايستيشن نفسه كل يوم اروح وارد ملل ماعندي شي اسويه
كل يوم يمر علينا سعود يبي يرووح السوق ماغيره بس والله قاعد له قعده يخسي يسوي شي
وراي ظهر ايه مب اي كلام انا.

المهم خلنا نرجع لموضوعنا بس حبيت اسلم على سلوووم( اذا تسمعني سلوووم مر علينا الميلس ناطرينك), ايه تعال نسيت اقولك ماتقدر تسوي ابديت للسوني النت عندك بطئ الله يخسك ظرس ركب نت سريع, ماعلينا اشتر واير جيد اذا ماحصلت واير جيد اشتر النوع الثاني الي هو جيد واذا ماحصلته اشتر النوع الثالث الي هو نفس الاول والثاني يعني جيد.

نسيت اقول انا مب رايح العرس لان حمود بيروح ماادانيه ملغ, تخبر سالفته مع عبود ماغيره الي هو اخو عبدالرحمن الي هو اخو علوي نفسه المتوهق مع الفلبيني الي كافله, يوم راح ومارجع.

اسف اذا ماقدرت اساعدك حاولت بس الله ماكتب, السموحه يالطيب
والسلام عليكم ورحمة الله وبركاته
محبك المخلص
يوري بن طويحن ال منقاش
فنان تشكليلي ومهندس شبكات لاسلكية

شكرا على قراءة الرد

[Snow Whiteness]

فلم كوميدي هذا ؟

الله يهداك بس صار لك ساعة تقول قصة حياتك على الفاضي

بس يالله ماعليه ...,

خذ راحتك اخوي فضفض لا يرتفع ضغطك

[Snow Whiteness]

تكرر الرد !