-
ابي اشتري PS3 بس ابي معلومات
السلام عليكم
بختصار
انا ابي اشتري بلاي ستيشن 3 بس ماني عارف كيف
الانواع واجد والكلام واجد بحث في المنتدى لقيت كلام كثير متناقض
يعني واحد يقول معلومه الثاني يقول لا غلط وضعت بصراحه بينهم
انا لحد الآن ماادري كم نوع موجود ولاادري ايهم الافضل
قبل فتره اول ماسمعت ان بلاي ستيشن 3 نزلت قلت ابشتريها
قال واحد من الشباب لا انتظر لين تنزل رسمي الخليج وروح اشترها عشان كذا وكذا
وكلام كثير
ياجماعه انا ابي تقرير ملف كامل عن البلاي ستيشن 3
وهل نزلت رسمي في الخليج والكويت بالذات لاني كويتي او لا؟
وابي اعرف ماهي الالعاب وطريقة اللعب
ومميزات وعيوب الانواع
وهل الالعاب متوفره
وهل استطيع تركها عند الاطفال ام فيه خطر يعني هل فيه اشياء اباحية مثلاً
او اتصالات بالنت وشباب لاني ابشتريها لخواتي وماابي يكون فيه مثل هالامر
نوروني الله ينور عليكم
-
رد: ابي اشتري PS3 بس ابي معلومات
وعليكم السلام
والله اخوي انا ماعندي خبرة
لكن حبيت اقولك اني قبل اسبوع اشتريتها
كنت ناوية اشتري الاوروبية ماادري ليش
فيه ناس يقولون الاوروبية احسن شي
بس ماادري شنو السبب بصراحة صار فيني صداع وانا ابحث وماعرفت شي
فقلت خلاص بتوكل على الله و اشتري الاوروبية 80 جيجا
وقلت لاخوي يجيبها لي وراح الرحاب الظاهر ومالقى عندهم اوروبية
وقالوله ليش ماتاخذ الامريكية احسن من الاوروبية
فقلنا خلاص مامدام احسن ناخذها بعد شنسوي
اشتريناها بـ 200 دينار مع لعبتين ويدتين
وماشية معي تمام لحد الحين
وبالنسبة لتركها عند الاطفال فما انصحك ابدااا
يعني لازم تشوف شنو الدسكات اللي تخليها عندهم
لان والله فيه دسكات ابااحية
مثل الحرامي GTA
حتى بالعربية على مااعتقد تكلموا عنه لان فيه قلة أدب
ومايصلح ابدا عند الاطفال
هذا اللي اعرفه
وان شاء الله الاخوان يفيدونك أكثر
-
رد: ابي اشتري PS3 بس ابي معلومات
مشكوره ياطويلة العمر
وانا ابتحقق اذا السالفه سالفة لعبه او لعبتين مافيه مشكله
اما اذا اغلب الالعاب فيها حركات نص كم لا خلينا على 2 ابرك
بانتظار آراء البقيه من الاعضاء والخبراء
نورونا ياجماعه
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى