السلام عليكم
شوف حمدان أنا ما بعطيك مصطلحات وكلام وايد وبشرحها لك بعطيك المفيد
التورنت هي طريقة مشاركة ملفات بين افراد بواسطة برامج خاصة بالتورنت
مثلاً في ملف فيديو موجود عندي بواسطة هذا البرنامج انت تقدر تنزل الملف اللي انت تبغيه
بينما أنا أرفعه لجهازك وأرفع لناس كثر غيرك
طبعاً لازم بالبداية يكون عندك برنامج تورنت وفي كثير برامج
ولكن الأكثر شعبية في الوقت الحالي هم BITTORRENT و uTORRENT
طبعاً الشخص اللي يريد يسوي ملفات تورنت لازم يكون مشترك في مواقع التورنت
علشان الموقع يكون وسيط في نقل الملفات وهو اللي يربط جهازي بجهازك أو أي جهزة تحمل نفس الملف
وهذا الموقع يسمونه تراكر
السيدرز أو البذور : مثلاً جهازي اللي الملف عندي مكتمل والناس تأخذ هذا الملف مني
جهازي يسمى بالسيدر لأنه هو اللي يعطي ويوزع هذه المادة
وأما الاشخاص أو الاجهزة اللي تحمل الملف تسمى بييرز
وبمجرد ما يكتمل التحميل عند البييرز راح يصير سيدر وراح هو يوزع الملف على باقي المستخدمين وإذا اغلق البرنامج خلاص ولا واحد راح يقدر يستكمل التحميل
وإذا كنت تريد تنزل بطريقة التورنت فأول خطوة إنك تنزل برنامج للتورنت
وبعد ذلك توجد العديد من مواقع التورنت التي فيها ملفات التورنت لأي مادة تبغيها
مثلاً فيديو أو العاب ..... الخ
أو إن أحد الأعضاء ينشيء ملف تورنت ويرسله لك وانت تحمل اللي تبغاه
هذي هي فكرة التورنت باختصار عسى إني وفقت في شرحها