المشاركة الأصلية كتبت بواسطة shjoonal3in
يعني راعي الموضوع يقول وش موقفكم ؟ بالله أقوله سالفتك هذي خيالية ... !
لا طبعا الواحد يتخيل سواء نكته ولا ان شاء الله قصة كان يا مكان
...
أكيد سالفة خيالية
ولا بالله عليج في ليلة العمر والوقت متأخر
من وين بيروح العريس يشتري أغراض للطبخ ؟؟ شو هالسوق اللي مفتوح في أنصاف الليالي
وبعدين هو في ليلة العمر معقولة بيطنش لعروسه وبيهتم ببطون ربعه
يعني واحد يقول لي سالفة مألفنها ومظبطنها ومخيطنها على قياسه وآخر شيء يكون تعال البس؟؟
أكيد ارفض أي نوع من مثل هذي القصص الخيالية وأناقشها على أنها واقع يمكن أن يحدث
مثلاً واحد من الربع يقولي : تخيل لو انت معرس وليلة عرسك نهائي كأس العالم
ووقت الزفة بتكون المباراة النهائية شو راح تسوي ؟ هل راح تتابع المباراة ولا تروح للزفة ؟
بالله عليكم هو يحطني بموقف ولا يمكن في يوم من الايام راح يصير لي وبعدين أجاوبه بكل جدية
ببساطة قلت له في الكوشة بحط تلفزيون وأنا والعروس بنقعد نتابع المباراة
ببساطة ليش الواحد فينا يفترض افتراضات أعتقد أنها نادرة الحدوث وبعدين
يسأل الكل شو راح تسوون لو كنتم مكان هذا الشخص؟؟
خاصة وإن كانت هذه الإفتراضات فكاهية
مع أرق تحياتي
