السلام عليكم و رحمة الله و بركاته
,,
ربما يجدر القول بأنها قديمة متجددة !
,,
)(... عروق الحـبّ ...)(
عقب ما أقفت أيامك حبيبي قول وش خلّت؟!
طوتني و أنكرت ذكراي.. خذت من عمري ونالت
..
أنا تخنقني دمـوعي على ذكــراك لا هلّت
عساي أصبـر على همّـي إذا ما غيبتـك طالت
..
عروق الحب من عقبك إلى هالــــيوم ما بلّت
جروحــي لا حكت ليتك تصــدّق كل ما قالت
..
تروح و تــرجع طيـــوفك على ليـلي و لا ملّت
فلا هـي باللي تواسي ولا هي باللي تعالت
..
تحسب أشواقي فـ بعدك مع كثر الجفا قــلّت
و أنا أشوفها تـــــزداد في قلبــــي و لا زالت
..
حبيبي كان عالفرقـى ياليت المشكلة انحـلّت !
أنا مشكلتي أكبــر من ظـــروف بيننا حالت
..
تلوم أفعـــالي و تدري .. على كثر الغـــلا دلّت
و ليته تشفع لقلبــي دموع العين لو سالت
..
مع حبك عرفت انه خلايا عقلي انشـــلّت
ظنوني فيك خانتني .. و عليّ أوهامي احتالت
..
سعت بجيوشـها فيني غزت دنياي و احتلّـــت
كثير همـــــوم و آلامٍ على أيامــــــي توالت
..
خذاني الخوف كم مرة و روح آمالي انسلّت
تملكني الأســــى فيها و أمور الحكم له آلت
..
أباد أحلامي لآخرها و جيوشه فيني تسلّت
خذت يا كم وكم جرحت وكم في قلبي اغتالت
..
جــــروح أشوفها تبــرى مع الأيام لا ولّت
و جرحك ممتحن قلبي و شمس الضيم ما مالت
..
طلبتك تغفر لحـبّي .. و لو بي خطوته زلّت
كثر ما حطت أشواقي بقلبي وكثر ما شالت
by shjoonal3in
June 29, 2008
المشاركة الأصلية كتبت بواسطة shjoonal3in
