MeN In ThObE
السلام عليكوووووووووووووووووووو..صباح الليل يا مرحبا بالشعب اقلط انت وياه هع((كثر لي منها))أعزائي المتصفحين و المتصفحين الداجين منكم و الداجات أقدم لكم حياتي البهيه فيها الدجه الهنيه و الطقه القويه((أبها!!))دعني أحكيكم يا أخوه عن الفيلم الهندي الي صار لي ذاك اليوم مب ذاك و لا هذاك بعد هذاك ايووووه((اقول كيف حالك))بصفتي داجون مب داجن الدجاجه لا لا داج و عليها تنوين ما عندي تنوين بالكي بورد حطيتها تسذا المهم يقول الراوي الي هو انا و المخرج انا و الممثلين انا تعرف وجيه طفره ما عندنا ميزانيات طقم فني كامل هع المهم كنت في يوم من الأيام يوم السبت تحديدا أول الأسبوع متكيون((لحد يحتك ما فيه تنوين و الله))عند باب المدرستي و دق الجرس و أسمع صوت وحش الثقبه وكيلنا ينادي العيال يلااااا يا ولاااااااد ادخااااااال قمت فكرت قلت يا هووو 7 حصص و هالكريه ناشب لي طول الدوام تقول جونسون و اباطه الي تقول بتكس تجيب الراس فسمعت منادي من بعيد تقول يعزف موال يقول عثيمين اجطل المدرسه و رح القهوه تلقى دش و لا الراشد فيه بنيييييييي و اسمع صوت جماعه وراه ايييييييييييييييه((وين يالحبيب؟!))قلت يلا يا ولد وش ورانا و اوقف بنص الشارع مادن كراعيني يقال لي ممشوق القوام و مادن ذا الاصبع ابي احد يوصلني و انواع التشطيف و التقريص بالخشه لين ما وقف لي هندي راعي ونيت محمل عائلته و اقاربه و نسايبه و اخوياه و كل الي ما عندهم اقامات معه بالحوض ذاك المغطى مسوين متكين بالبحيره خخخخخخخخخخخخ و اشوف ابو فسيه يقول لي((وين روه سديق؟!))و ارد عليه((انا روه ابو هيسم هازا موعاسيل معلوم؟!))قال ((ايوه هازا فيه انا شوغول قبل سوي جامور يلا اركب)) قلت يلا قدام و اطمر و انقز بالحوض و اتزاحم لي مع 36 هندي بحوض ونيت((صار قطاار))و نمشي باتجاه ابو هيثم و انا اطالع بشعب الفلفل اشوفهم يهزهزون روسهم بالطريق و المشكله الطريقه عادي ما فيه كسور و لا شي قلت يا ولد شكلهم فاكين الديفلوك((وين يبو؟))المهم قمت اهزهز راسي معهم قلت لا يحسبوني عدو و لا شي يعذبوني يوكلوني فلفل حتى الموت و لا واحد منهم يغني لي لين ما افقد معاه و يقطوني بالجوازات انتقام للي نسويه فيهم و يسوون مظاهرات!!((خيالي واسع صح؟!هع))المهم وصلنا لأبو هيثم و ينزلني أبو فسيه جلسنا نودع بعض ساعتين مسوي عشرة عمر خخخخخخخخخ و انزل احصل نص المدرسه موجودين داخل!!و اسلم على طعس ظهر القايله((اسم و لا قلة حيا ذا؟!))و عقله و دحروج و الشله كلها جاني طعس الظهر((ويش مجيبك يالورع هنيا؟!)) < -- قاط الميانه,,رديت((مدري شفت الوكيل يقول بأحضركم عند أبو هيثم جيت يلعن أبو خيركم كل هذول من مدرستنا و الله و ما قالت هع و يجي عقله بيسوي كريم و سخي و و الخ((اقول سيد كورلا((هذي حشتي انا يالزول هع))شرايك تتكي معنا و الله ساعة صدر لا نهاية لها هع))فكرت فكرت همن دخلت يدي بجيبي لقيت ربع ريال و حصالة تبرعات زارفها دحروج يبي يشتري فيها كرتون علوك ما اقدر اصرف منها قلت دام اني مطفر خلني اذب الوجه و الله و اطب عليهم بجلستهم و عاد انا اسمي الاوسط اخلاق من كثر ما انا عاقل((هين هين))شوي اشوف دحروج يمد لي اللي((عثيمين جرب جرب اقسم بالله يجيب راسك ان ما جابت لك عقدتين معها هع))مسوي خفيف دم الأخ الفاضي قلت ما وراي شي و امسك هاللي تقول ماسك لي كلاشنكوف و اموش عاد صدري ويش حليله تقول عصفور مزنوط اول ما خشت هالدخاخين لصدري الضعيف ضيعت و اكحكح و يجي المملوح طعس ظهر القايله و يكفخني كم من كفخه على ظهري لين ما عيوني طلعت تقول اسطب فولكس بيتل هع اذكر الدنيا سودت بخشتي و خذيت لي غفوه...صحيت على صوت طعس يتاغر ما شاء الله عليه تقول طياره مخترقه الحاجز الصوتي كرااااااااااااااااااااع قمت مخي منلحس!!!و اللييييييييييييييل نعنبو غيرك يالدب تروعت احسب بن لادن نقل عندنا؟!قام يضحك ضحكته العبيطه و قال يلا بنمشي توصي بشي((الجحود ما قال نوصلك شي))قلت سلامتك و تقلفع فحكيت الدمجه قلت يا ولد وكيف ارجع هالحينه امممممممم و اطلع من القهوه و احصل خويي بالصف سلتوح يفقع له زقاره جيته((هلا سلاتيحووو))رد علي((هلا بك))شرحت له حالتي المتأزمه و طلبت منه يوصلن فأجابني((يا تشتري لي بكت يا تعبي لي بنزين))نعنبو غيرك يالي ما فيك خير و اطلع امتر شارع العزيزيه مشي الا و ذاك الهندي يطلع لي سديق فين هيساب اثاري الشعب معسلين و مروقين و مخلصين و طلبوا كل الي في المنيو((منتب عاقل يا منيو هع)) و ناكبين عفشي بالحساب ما تشوف الا انا رافعن الثوب و امغط بهالكراعين تقول سباق تسلابه الي يحطون لك دمية قطو تنحاش و هم مكيمين وراها خخخخخخخخخخخ لين ما وصلت لمفرق الدوحه و الهندي وراي((الا هيابوزا راعي الموتر الي يناقز ويش يقرب لك؟!)) و اتمعلق لي بددسن ......
هذا ما لدينا لهذا اليوم موعدنا مع الجزء الثاني":"
