السلام عليكم
هذي ثاني قصة راح اكتبها
كانت القصة الاولى عن اعضاء المنظمة في البر
لكن هذي القصة خاصة للرهـيـب بمناسبة تعيينه ملك على منظمة الهلاليين
اذا الرهيب بيزعل انا مستعد احذف الموضوع
القصة
-------------
الرهيب وهو نايم ويحلم : يله ياسليمان اقطع الكورة من القرد ذا
ويجيه اخوه الصغير ويصحيه من النوم ويطقه على راسه دروووووووووووب
الرهيب بعد ماصحا من النوم : ياحكم غش.. ضربة جزاء .. طقني
اخوه يعطيه ضربة ثانية على راسه
هالمرة صحا الرهيب : ليش تطقني
اخوه : قوم الصلاة
الرهيب : طيب لاتنفخ لا اشيل عيونك واحطهم في فمك
زي الكور لما يدخلون المرمى
وبعد مارجع من الصلاة .........
قعد الرهيب يطالع التلفزيون
ويشوف ان في مزاد في روما على بدلة ماردونا وجزمته لما سجل القول على انجلترا
الرهيب : ياسلام لو عندي هالبدلة ..... وش اسوي علشان اجيبها
هذي بملوين دولار
ويروح الرهيب ويطلع حصالته اللي يجمع فيها الفلوس من الروضة
ويفتحها ويشوف المبلغ الضخم
3 ريال و25 هللة
الرهيب: وش اسوي ؟؟
راح الرهيب عند ابوه : يبه
ابو الرهيب : وحطبه
الرهيب : بغيت فلوس
ويطلع ابوه المحفظة والرهيب تطيح سعابيله
ويطلع ابوه 5 ريال
الرهيب : ههههه حلللوة
ابو الرهيب : قاعد العب معاك انا ؟؟
الرهيب: لالالا بس امزح
انا اقول عطيتني مبلغ كبيييييييير مدري وش اسوي فيه
ويروح الرهيب ويمارس هوايته ويفحط بالسوبر موديل 85
يسمع صوت المكينة يفكره تفحيط
ويروح الكلية وهو ماله خلق
ويروح عند عميد الكلية
الرهيب : انا احتج
عميد الكلية: روح حج وش دخلنا احنا
الرهيب : لكم 5 شهور ماعطيتوني المكافأة
عميد الكلية : طيب اقلب وجهك
الرهيب يطلع من الكلية ويحط ماي تحت عيونه يازعط يبكي
وقبل ماينام يفكر شلون اروح روما
ياليت السوبر طيارة
بس اخاف يخش في برج بيزا المائل ويتهموني اني ارهابي
ويطلع للرهيب فكرة
--------------
ماهي الفكرة التي طلعت للرهيب ؟؟
هل سوف يذهب الرهيب الى روما ؟؟
وهل ستصرف الكلية المكافآت الشهرية ؟؟
ام ان والد الرهيب سوف يعطيه المبلغ لشراء البدلة ؟؟
كل هذه الاسئلة سوف تجدون الجواب لها بعد نشرة الاخبار (يعني الجزء الثاني
------------
ها عجبتكم ولا لا
؟؟؟؟؟
لا تنسى الصلاه ياللي قاعد تقرا 
