سؤال للدوافير

[اٍحساس حقيقي]

اٍحساس حقيقي

اهلين خيو هيثم
والله تمام ولله الحمد توها بدت اجازتي كنت مسافره من يوم مارجعت بداء الملل
انا ودي اخذ دوره في icdl
ولكن
هيب دبلوم 6 شهور وحاليا ماقدر بعد ماتخرج ان شاء الله
التدريب افكر الاجازه القادمه ان شاء الله لان كل شيء راح الحين خخخ
مشكور خيو وحياك يالطيب ^^

أهلن اهلن هدوي

الملل موجود وين ما تروحين

لا يا هدوي .. دورة ICDL كلها تخلصين في شهرين على الاكثر .

العفو ولو

[اٍحساس حقيقي]

بصراحه نحن بالإمارات هاابين على شهادة الـ ICDL ~.~

لازم أي وظيفه نقدم لها يسألون عن هالشهاده !
من كم يوم أخوي يقول لي واحد من ربعه متخرج من بريطانيا هندسة شبكات
لما قدم على وظيفه قالوا له سير جيب شهادة ICDL .. قال لهم يا جماعة الخير انا مهندس شبكاات يعني الـ ICDL ولا شي قداام هذي الشهاده قالوا له لازم

مرحبا الساع

بقولج شيء .. انا اشتغل الحين ولما قدمت للوظيفة ما سألوا عني عن هالشهادة ولا قالولي عندك ICDL ولا لا!
قدمت للوظيفة وحصلتها بشهادة جامعية في علوم الكومبيوتر ومع خبرات تدريبية ودورتين متخصصة في انظمة الكومبيوتر. وخلاص

ممكن سؤال .. ربيع اخوج وين قدم طلبه ؟ حكومي ولا خاص ؟

شكرا

[orange road]

انا بعد صاير يصرخ في ويهي مع التوقيع
ما ادري شفيه
مع ان من سنين استعمله ولاغيرته @_@

[أنــفــاسـ]

اخوي ادري انك تبي الخير
لكن ابعدوا اشد البعد عن نيوهورايزون
حرامية ذولا-_-
لي ناس اعرفهم فيه(طلاب طبعاً) يقولون انه لااخترعتوا شي يحاولون يقنعونكم انكم تعطونه اياهم وينسبونه لأنفسهم
وتشكرين..

اي والله قصدي الخير لها .. وما ابي من وراها شي D:
وما ادري انهم حراميه او لا .. بس سمعت انهم افضل معهد ومعترف فيه
اما باقي المعاهد خذني جيتك ... يعني ما حولك احد
بس لو رجعنا لكلامك انهم يسرقون الاختراعات .. هي موب مخترعه شيء .. بس بتاخذ دوره
يعني هي المستفيده D:

شكرا لهتمامك اخوي urca

بالتوفيق

تحياااااااااااتي

[abdulaziz1]

ترم صيفي .. إذا يمدي .. خخخخخ

وإذا مافيه .. أو ماودّ(س) ..

إبحثي عن شي من إهتماماتك .. وليكن تطوير الذات على سبيل المثال .. شوفي الأفضل والأقرب لـ راحتك .. وفي نفس الوقت .. مفيد "حياتياً + عملياً" .. وإستخيري .. وسمّي بالرحمن ..

[ابتسامــــــه]

مرحبا الساع

بقولج شيء .. انا اشتغل الحين ولما قدمت للوظيفة ما سألوا عني عن هالشهادة ولا قالولي عندك ICDL ولا لا!
قدمت للوظيفة وحصلتها بشهادة جامعية في علوم الكومبيوتر ومع خبرات تدريبية ودورتين متخصصة في انظمة الكومبيوتر. وخلاص

ممكن سؤال .. ربيع اخوج وين قدم طلبه ؟ حكومي ولا خاص ؟

شكرا

ما عليه بيطلبونها منك بعد كم يوم ^^ ..

من سنتين أو 3 بدت وزارة التربية و التعليم أطالب بهذي الشهاده من معملينها و مدسينها حتى المدرا إلي صكوا الـ 40 وفوق و إلي ما ياب هالشهاده تقاعد

بخصوص سؤالك .. اعتقد بالكهربا و الماي

و الله يوفجك بالوظيفه اليديه ^_^

[hod hod]

ابتسامــــــه
اهلين خيتو
اوه والله الولد تحطم الحين جايب شهاده اد الدنيا يطلوب منه هذي خخخخ
عادي تصير بالوظايف مخ مركب شمال
دام كل شيء مجهز عندك خيتو سجلي بسرعه قبل لاتطير الطيور بارزاقها على قولتهم خخخ
عارفه تحسين بكسل بس اغصبي نفسك والله يعينك
حياك الله خيتو

urca
والله ياخوي عارفه المعاهد الكبيره ماوراها شيء بس شهادتها قويه وهنا الاهميه انا لو بتعلم شيء يمديني اتعلمه بالبيت بس محتاجه شهااادات
واذا على الاختراع انا يالله بداوم علشان افكر اني اخترع شيء خخخ

مشكور اخوي على النصيحه وحياك الله يالطيب

Ibrahim
اممممم دوراتك اغلبها تطوير الذات هي حلوه بس اغلبها مش مهمه وقت الوظايف & تراهي ماتاخذ بالكثير اسبوع
يعني يمديك تسجل فيها
صاحبتي تاخذ دورات مثل كذا كلها على يومين 3 مع يوسف الخاطر و رشاد فقيها
اتمنى لو اني احب هالاشياء بس للاسف مثل ماقلت للاخت فيتو ماحب الاشياء النفسيه والي تتعلق بالتطوير
مشكور اخوي وحياك الله يالطيب

اٍحساس حقيقي
اهلين خيو اقين
هدوي ايش محلها بالاعراب ؟
امم غريبه سامعه انها بنيوهرايزون 6 شهور يمكن الي قالتها لي غلطانه
مشكور خيو وحياك يالطيب

orange road

يمكن مانتبهتي لردي الثاني المشكله من موقع جيران كل الي رافعين ملفات عليه تحولت الى تروجان
مثل الحين الأخ عبدالعزيز عنده نفس المشكله وتوقيعه برضو مرفوع على جيران

حياك يالطيبه

abdulaziz1
مهبوله انا ادرس ترم صيفي ؟
انا اؤومن ان الاجازه لشحن الطاقه فلو درست الحين متى بشحن طاقتي ؟
بعدين يكفيك اربع سنوات بالجامعه الطاقه خلقه خلصت ومادري شلون بداوم السنه الجايه
الله يعين بس

ابي اتخرج
مفروض اني مخترجه
ليش حولت

كح كح نرجع لموضعنا
<<<شطحت الاخت
اوه كلكم تقولون تطوير الذات
من وين طلع لنا تطوير الذات بس شكلها موضه العصر
للاسف اخوي ماتعجبني هالاشياء (شكلي الوحيده بالعالم ) مع انها شكلها ممتعه بس ماقتنع فيها ام سوري
وعلى فكره اخوي عبدالعزيز للمعلوميه توقيعك مرفوع على جيران وجيران صايبته مشكله وكل شيء مرفوع عليه متحول الى تروجان وكل مافتح صفحه فيها احد رافع توقيعه على جيران يصرخ بوجهي كاسبر سو حبيت انبهك ان توقيعك مفرسن

ومشكور اخوي وحياك الله يالطيب

[اٍحساس حقيقي]

ما عليه بيطلبونها منك بعد كم يوم ^^ ..

من سنتين أو 3 بدت وزارة التربية و التعليم أطالب بهذي الشهاده من معملينها و مدسينها حتى المدرا إلي صكوا الـ 40 وفوق و إلي ما ياب هالشهاده تقاعد

بخصوص سؤالك .. اعتقد بالكهربا و الماي

و الله يوفجك بالوظيفه اليديه ^_^

لاحظي اللي بالاحمر
يعني الوزارة الزمت المدرسين والمدرا انهم لازم ييبون شهادة ICDL ..

يعني انا لا هو مدرس ولا مدير ولا فراش المدرسة ..

الكهربا والماي .. أظن نص الموظفين هناك ما عندهم ICDL .
الله يوفق ربيع اخوج في الحصول على الوظيفة ..

تسلمين والله .. الله يوفقج ^_^

اٍحساس حقيقي
اهلين خيو اقين
هدوي ايش محلها بالاعراب ؟
امم غريبه سامعه انها بنيوهرايزون 6 شهور يمكن الي قالتها لي غلطانه
مشكور خيو وحياك يالطيب

محلها من الاعراب
فاعل مفاعلتن مفعولن

بصراحة مدري كم مدتها بالضبط .. لأن اخوي الصغير اخذها قبل فترة يمكن سنتين .
وكان بسيط أما الحين صار متطور واصعب عشان كذا مددوا الفترة لأكثر من شهرين .

العفو ولو .. وحياج الله

[اٍحساس حقيقي]

مكرر مع الاعتذار !

[اٍحساس حقيقي]

مكرر مع الاعتذار !

[abdulaziz1]

هدهد ..

مهبوله انا ادرس ترم صيفي ؟

مدري عن(س) ..

عموماً .. وش رايـ (س) في الي ماخذين صيفي شبه إجباري ؟

وفي النهاية .. يمكن يجيبون الطعّة ويعيدون ؟

وعلى فكره اخوي عبدالعزيز للمعلوميه توقيعك مرفوع على جيران وجيران صايبته مشكله وكل شيء مرفوع عليه متحول الى تروجان وكل مافتح صفحه فيها احد رافع توقيعه على جيران يصرخ بوجهي كاسبر سو حبيت انبهك ان توقيعك مفرسن

وشّو ذا تروجان ؟ << خبر(س) بدوي عطوه لاب توب ..

زين بس إنّي فهمت الـ كاسبر << إي والله فهمته .. مهوب ذاك الجنّي الي كان يجي زمان ..

بعدين لعن بو حيّهم ذول جيران .. موب أنا إلي رافع التوقيع .. ومشوار لين أرفعه على شي ثاني .. بس شكلي بسوي "نيولوك" .. بروح أدوّر على واحد يصمملي توقيع ..

بالنسبة للدورات .. والله بيني وبينس مو كثير الي يحبونها .. أنا أشوفها جداً مفيدة .. رغم إنّي أتملل منها أحياناً .. وما أذكر إنّي دخلت وحدة تطوعاً .. ولكن كان عندنا كورس إضافي خاص بهالأمور .. والدكتور جزاه الله خير .. جاب لنا أشياء إضافية من عنده .. وسحب على إم الكتاب حقّهم .. أنا أشهد إنّه ذيب ! .. بس المشكلة إنّه كان يجيبنا بالليل .. ويطول الكلاس .. ورغم إنّي جبت العيد في أحد البرزنتيشنات .. إلا إني إستفدت ولله الحمد .. مع إن التقديم كلّه ضحك << ما أمسك نفسي .. والله أحس إني فعلاً داج .. بالله أحد قاعد يتكلم قدّام الناس ويلقي برزنتيشن .. ويفكها ضحك مع الموجودين ؟!

بس خل عن(س) .. تراها والله العظيم مفيدة .. وإسألئ مجرّب .. ^_^

[MiSs.ChiPs]

انصحك ب ICDL

وممكن دورة فوتوشوب ^^

والحلو دورة البرمجة العصبية ^^ ..

وإذا حابة تستفيدي بشي من تخصصك ,, خذي دورة محادثة انجليزي .. ترا اذا كانت جامعتكم زي جامعتنا .. تراك محتاجتها ...

هذا مافي جعبتي ^^ ,, والسلام^^

[G.F.S.L]

^_~

أختي أيش رايك بدورة اسعافات اولية.
>>مفاولة على شر!!.. ^_^

تبين الصراحة دورة IDCL هي أهم دورة لأنك تاخذين المختصر والمفيد في الحاسب الآلي

وانا أعرف أن مدتها 3 شهور وهي المطلوبة في التوظيف

وأذا أنت حابه تاخذين معها دورة ثاني فبرضو الفوتوشوب مفيد

وأبداً ابداً أختي لاتاخذين دبلوم لأنك راح ما تستفدين منه غير برامج الأوفيس وراح يعطونك كم برنامج نظري فأختصري على نفسك!!

وأما بالنسبة للمعاهد فأنا بأعتقادي أنه معهد نيوهرازين أو معهد العالمية فهم مع إنهم معروفين فالشهادة منهم أفضل في التوظيف .

وأتمنى أني أفدتك ..

>> آسفه على الرغي.. الكثير.. >> رغي= فلسفة زائدة, كلام كثير + ماله داعي.. +_+

سلاااااام..

[Ibrahim]

مع إحترامي للجميع شهادة ICDL ممتازة للمبتديء فقط و ليس لمن عنده خلفية و لو بسيطة في الحاسب . الحقيقة أنني دخلت الإختبارت و من دون حضور دورة و نجحت فيه أول مرة و نجحت فيه بزمن قياسي و تحسرت على المبلغ الذي دفعته للإختبار لأنني لم أتعلم شيء.


على العموم مشكلة الفضاوة في الإجازة معضلة لكثير من البنات و هذه مقالة في الوطن تؤكد ذلك
http://www.alwatan.com.sa/news/newsd...=2852&id=63081

[abdulaziz1]

مع إحترامي للجميع شهادة ICDL ممتازة للمبتديء فقط و ليس لمن عنده خلفية و لو بسيطة في الحاسب . الحقيقة أنني دخلت الإختبارت و من دون حضور دورة و نجحت فيه أول مرة و نجحت فيه بزمن قياسي و تحسرت على المبلغ الذي دفعته للإختبار لأنني لم أتعلم شيء.


على العموم مشكلة الفضاوة في الإجازة معضلة لكثير من البنات و هذه مقالة في الوطن تؤكد ذلك
http://www.alwatan.com.sa/news/newsd...=2852&id=63081

فعلاً .. حنّا عندنا بالجامعة فتحوا المجال لكل طالب يدخل يختبر وببلاش .. والي ينجح في 5 من 7 إختبارات .. أي يجيب أكثر 75% في الـ 5 .. يجيب الشهادة ويعطي للمدرس .. ويلغي الكورس الإبتدائي ..

طبعاً أنا رحت سجّلت وضبطت أموري وكل شي .. وفي الأخير سحبت عليهم ..

لأنّي داري إن ماعندي سالفة .. بروح أجيب العيد وأرجع ..

لا وورد فالحين فيه .. ولا باور بوينت .. ولا إكسل ولا غيرهم .. مع إنّهم سهلات !!

إلي يعرف في المايكروسوفت .. وناوي يختبر قدراته .. يروح يختبر .. وإن شاء الله مابيواجه صعوبة في أخذ الشهادة .. حتّى الداجّين الي مثلي .. لو يقعدونلهم على كل برنامج نص ساعة .. يمكن يجيبونها .. مايبيلها شي ترى !