الراحــة النفسيــة والطمأنينة والحرية كانت معـاي ***** قبل لا أمســك هالغضب الملعون اللي ينــادوه موبايل
يوم أطلــع مــن البيت علشـان الأهل أحمله وياي ***** مع انــه كــل دقيقتيــن غــاثني برنه كأني من الهبايل
واذا قفلتـه ألاقي على باب البيت أبــوي لي جاي ***** ويقــول لــي أهــلا يادوب والله لأعمــل فيــك عمــايــل
طبعا يومها علشان هالمــوبايل رحــت بــاي بــاي ***** اكلــت العصــا والشبشــب وطبعــا ما ننسـى الصنادل
حتى وانا في البيــت نايــم والتلفــون تاركـه وراي ***** ما أسلــم مــن شــره وازعــاج رفقــاء الســوء الخبـايل
يتصل الواحد فيهم ألف مرة يرن وانا اقول يا مولاي ***** تقول يبــي فزعــة ولا بيمــوت او واقــع بهوشــة قبــايل
المشكلـة اني مليت من هالشي لكن مو برضـاي ***** بحملــه مثــل اسمــي فـي كـل مكان واتحمل الهوايل
في عيد ميلادي كل ما دق تلفوني انط اقول ياااي ***** يمكــن يهنــوني ولا يبــاركـوا بيــوم الميــلاد هــالزمايل
واكتشــف اللي يقـول لي ابي منك خدمة يا مناي ***** وهو صار له سنة قاطع ويمكن رقمي حاطه مع الزبايل
إلهي يجيــك السكــري والضغــط وانفلونــزا الدياي ***** مدري ليش أحمل هالتلفون وانا ادري ان فوايده قلايـل
طقيتــه طـق انطقت الأرض من طقتي له ورجـاي ***** اني بعد الطـق اللي طقيتــه وانطقــه يعطينــي بدايــل
ما تحملت وجع الراس والقرف ومابي افقد صبــاي ***** ويشيــب راسـي قبــل المشيب واكون لعكازتي شايل
الحل مثالي اني ارميه وانسى الدنيا واروح هاواي ***** فتــرة نقــاهه أعتــاد فيــها مــا احمـل هالشي المايل
ونصيــحة للسامعيــن والقراء واللي يتابع محتـواي ***** لا تتعود عليه وابعد عن الندم وكلمة يا ليت منت لها قايل