السلام عليكم
اتمنى يكون الجميع بصحه وسلامه
هذي الابيات اخر ما كتبت .. اتركها لقلوبكم النقيه
واعذروني على قسوتها
قـولـوا لـه لا يـجـيـني ... ما أبـيـها تـشـوفـه عـيـني
ضاعـت بجـنـبه سنـيـني ... وضـاقـت الـدنـيا بزمـانـي
قـولـوا لـه.. اكـتـفـيـت ... وعـنـد بــابـه انـتـهـيـت
مـايـهـم لـونـي هـويـت ... ومـايـهم من كـان جـانـي
قـولـوا .. ما بـعـده أحـــد ... ويـاخـذه مـنـي وعـــد
هو بـس يـبـقى الـوحـيـد ... ومـا أبـي أحــب ثـانـي
ولا يـفـكـر إنـي أرجــع ... وفـي قـراري يـوم اخـضع
الـرجـوع ما عـاد يـنـفـع ... يـكفـي اللي مـنـه جـانـي
قـولـوا لو يـبغى الحقيقـة ... الـعشق ما عاد أطـيقـه
عشت في همن وضيـقه ... وكـل وقتي كنت أعـانـي
قـولـوا لو صدفـه لقـيـتـه ... يـنسى إحساسن عطـيتـه
وكــن عـمـري مـا هـويـته ... ولا يـقـرب من مكـانـي
بالتوفيق
تحياااااااااااااتي
المشاركة الأصلية كتبت بواسطة أنــفــاسـ
