نصحيه: اريد ان اشتري تلفاز HD

[Just1Punch]

اول مرة اسمع بpioneer kuro بس لو تخبرنا عن مواصفاته وسعره ومكان بيعه او وكيله ولك جزيل الشكر

[فوق المستحيل]

هذه الشاشه هي الشاشه الاولى عالميا حسب التصانيف والتجارب

اكثر صفه قويه بالشاشه هي قدرتها على عرض اللون الاسود

التلفزيون الي يقدر يعرض اللون الاسود بقوه..راح تكون جميع الالوان الثانيه قويه والتباين يصير اقوى

في كذا حجم لهالشاشه

42 و 50 واظن 60

حجم 42 موجود فقط بالجيل السابع والثامن...وانا انصح بالثامن لان السابع قديم

مواصافته HD READY

ولا تظن ولو للحظه ان الFull hd يفرق عن HD ready بحجم اقل من 50 وحتى حجم 50 لازم تكون قريب من الشاشه عشان تلاحظ الفرق

يعني الدقه مالها اي فايده....يكفي انها HD

التباين 16 الف...وهالرقم حقيقي..مو مثل شاشات LCD الي مايتجاوز تباينها الحقيقي 2200 حقيقي

اما سعره...فياريت تقول انت بااي دوله

اذا السعوديه اعتقد رفعوا سعره..لــ9600 بعد ماكان 8600 ريال ووكيله بادغيش..

وتستاهل اخوي ماسوينا شي

[Just1Punch]

تسلم عالمعلومات اخوي واخوك من الامارات..

التلفزيون يديد فالسوق ويحتاج وقت شويه حتى ينافس ويثبت علو كعبه..لكن مستغرب انه بتقنية بلازما..هل هي بداية العودة الى الواجهة من جديد للبلازما علما اني سمعت بوجود تقنية قادمة تعمل بالليزر واخرى لا اتذكرها مع سوني.. عالعموم لك جزيل الشكر ولاتحرمنا من جديدك حتى يصبح الموضوع متجدد باستمرار

[فوق المستحيل]

ياهلا فيك وفي اهل الامارات...وماسوينا شي تستاهل كل خير

لا اخي الشاشه ليست جديده بالسوق..لكن المشكله ان شركة بايونير ماسوقت للمنتج عدل فعشان هالشي مو معروف

الشاشه مايحتاج تنافس..لانها اثبتت نفسها وانتهى الموضوع

اما بخصوص شاشات الليزر او شاشات سوني Oled

فالحقيقه احنا لحد الحين مااستفدنا من HD ready ..فكيف راح نستفيد من التقنيتين الجديدات

علما باان اسعارهم نار نار نار...وشاشات الليزر حسب مااظن احجامها 60 و 70 على عكس OLED الي ماتتعدى حجم 12 او 14 بوصه...فضلا عن الغلاء العالي

ميزة البلازما انها هاديه للعين ممتازه للافلام بسبب سرعه الاستجابه..الغاز الي فيها اسرع من السائل الي بالLCD وممتاز جدا مع قنوات البث
التلفزيوني والالعاب ماعليها كلام ايضا رائعه

ملاحظه : البلازما لما تشوفها بالمعارض الالكترونيه تقول انها شاشه باهته.والسبب يعود الى الاضاءه القوية للمعارض..لان البلازما مصممه للاستخدام المنزلي...يعني انارة منازل..على عكس LCD الي اضائتها قويه وتعور العين

[Just1Punch]

والله ياخوي كنت مع شاشات LCD وبعد معرفتي لهالمعلومات انقلب مخي الحين هههه..مااقدر افضل الالعاب عالافلام او العكس..ان شاء الله نختار الي يرضي الطرفين

[فوق المستحيل]

البلازما افضل خيار للاحجام الكبيره...وبالالعاب مافيه مشكله لكن لازم تكون من ماركه قويه..مثل بايونير كورو الجيل الثامن...

[التتان]

السلام عليكم

كيف حالكم شباب

بصراحة ابي اشكر أخوي || فوق المستحيل ||
على ثقافته ومجهوده الجبار في هذا الموضوع،

انا حاليا مخطط اشتري لي تلفزيون جديد والميزانيه بين ٣٠٠٠ ريال لين ٣٥٠٠ ريال
ابي اخذ لي شي في حدود ٣٢ بوصة !
بس شو تنصحون ؟
سامسونغ ؟
سوني؟
فيلبيس شلون ؟؟؟

وشنو الفرق بين الـ Full HD أو Ready HD

وشلون اقدر اقارن بين الـ HD وبين الدقة العالية ( الكونتراكز ) يعني كيف طريقة المعادلة بين جهازين لو كان هذا اعلى من ذك

وآخر شي، هل الإلتزام بالماركات من سوني وسامسونغ او اقدر مثلا اجرب تلفزيون BENQ الي شعارهم على فانيلات الريال ؟


طبعا الإستخدام بيكون للسوني ٣ وللأفلام ( وعندي دي في دي HD فيلبس ) وهم بعد للستلايت ( دريم بوكس )


وشكرا جزيلا

[Just1Punch]

اخوي فوق المستحيل

ماهي الاحجام الكبيرة الملائمة للبلازما وما هي افضل شركة تنتج تقنية بلازما؟

[فوق المستحيل]

اخوي التتان اشكرك على الاطراء الجميل واحنا ماسوينا الا الواجب

حجم 32 بوصه...مايحتاج Full hd فلا تفكر بهالميزة وخلك بعيد عنها واذا هالميزه بتزيد سعر التلفزيون فشيلها من بالك

اهم شي بالتلفزيون هو التباين..كل مازاد التباين كل ماكانت الشاشه افضل بالالوان ودقتها

اما بخصوص الافضل..فبالالعاب كلهم يؤدون نفس الغرض لكن انا اميل للسامسونج اكثر بالالعاب لان مافيها مشكل بالسرعه..والسوني اميل لها بالافلام اكثر لان البكسلات جدا صافيه

ويبقى الاهم هو الي تشوفه قدامك والي ترتاح له

اما فيلبس ماعندي علم فيها

اخوي just1punch

اقصد بالاحجام الكبيره هي 40 فما فوق

بهالاحجام البلازما يتفوق على LCD ..البلازما اقل حجم يتوفر فيه هو 42 بوصه

افضل شركه للبلازما هي pioneer دون منازع..الجيل الثامن فقط هو الي فيه حجم 42..حتى السابع فيه لكن السابع قديم

اما الجيل التاسع فااقل حجم فيه 50 بوصه..واسعاره غاليه جدا !

[التتان]

تسلم يا أخوي
ماقصرت يا فوق المستحيل الله يجزيك الف خير،

أخوي عندنا عروض بالبحرين على التلفزيونات مثلا التوشيبيا شرات الـ ٢٠٠٠ ريال خصم من سعره وجيه !
هل تنصح بهذي الشي او اكتفي بالماركات الأفضل من إل جي و سامسونغ و سوني؟

وتسلم يالغالي

[فوق المستحيل]

انصحك بين سوني وسامسونج...وبالتوفيق