المشاركة الأصلية كتبت بواسطة uae 22 uae
عندي فيفا ...صراحه لعبة عجيييبة الاونلاين افضل بمليون مرة من pes2008 والجرافيكس خطيير وواقعي
لكن بمجرد انك تتعمق في اللعبة بتكتشف ان فيها واايد عيوووب ... بذكر بعضها
يوم تكون الكورة عند الخصم مؤشر اللاعب مايكون على اقرب واحد للخصم ..يعني تحاول تضغط L1 ومايوصل المؤشر للمدافع القريب من الخصم ويتم المدافع القريب يطالع الخصم مثل الاهبل
الحااارس غبييي أحيانا وأحيانا يكون سوبر مان ... احيانا المدافع يرد الكورة للحارس يتم يناظر في الكورة وتشوف المهاجم راكض ويشوتها على القول وهو بعده يطالع ... ويوم تشووت برى منطقه ال18 يمسكها الحارس ولو تكون التسديدة صاروخيه من دون ماتفلت الكورة !!!! لين الحين ماقدرت اسجل من خارج منطقه الجزاء
الحكم يرفع الضغط .. احياننا احد يعرقلك ويستلمها لاعبك ويطلع مؤشر اتاحة الفرصه لكن بمجرد انك تاخذ خطوتين او ثلاث يصفر الحكم ويقولك رد الكورة لمكان الفاول ..حركه تقهر
وفي شي مادري اقدر اسميه عيب ولا لا .. ان التحكم يكون انالوج ..واذا بغيت تغيره لل d-pad لازم تدخل على الاوبشن وتغيره .. حركه مزعجة صراحة لان يوم نلعب ونكون شباب كثيرين لازم تضغط ستارت واوبشن وتغيره كل مرة
لكن رغم هذا بتم العبها صراحه ..الباسات فيها حلوة والفنيات لين الحين ماأحترفتهن ...واحلى شي حركات الاحتفال بالاهداف دوم اقهر ربعي يوم اسجل عليهم D:
انا انتقدت برد سابق الفيفا وانحزت للبروايفوليشن
ولكن انا برد على بعض النقاط اللي انتقدتها في فيفا
اؤيدك بشدة في مسألة اتاحة الفرصه من الحكم... مضحك جدا ومستفز.
يعطيك مجال وبمجرد ماتقرب من مدافع الخصم بمترين يصفر!! شدراه انها بتنقطع يمكن بعدي ياخي.
اما مسألة التسديد..
صحيح انها مش واقعية 100% ولكن لاحظ انه تحسن
انته تقول ماسجلت ولا من خارج المنطقة
هاللعبة فيها شيء جيد انه مش اي لاعب يسجل من خارج المنطقة مثل فيفا 2008.. كل اللاعبين يسجلون اهداف من برع وبسهولة.
انا ماقدرت اسجل من خارج المنطقة الا باللاعب جيرارد.. وكلنا نعرف انه جيرارد من افضل لاعبي العالم بهالشيء ان ماكان افضلهم.
معناتها انهم عدلوا هذا الشيء.
كمثال توريس لاعب تصويبه جيد.. وان سددت من برع.. راح يشوتها بالزاوية المناسبة ولكن قوتها غير كافيه وبيمسكها الحارس او يبعدها لركنية.
السلبية..
ان مثلا هداف مثل توريس.
صعب يضيع داخل منطقة الجزاء... نسبة التسجيل 99%.
وهذا الامر ينطبق على معظم الهدافين مثل نستلروي وغيرهم.
ولكن انا العب بليفربول ولذلك اتكلم عن لاعبينهم بشكل مفصل.
التسديد متى يكون سيء.. مرات يكون اللاعب مش بوضعية تسديد.. ولكنه لما يسدد .. تطلع التسديده سليمة بنسبة 80%.
عكس الويننغ اليفن اذا سددت ونت مش بوضعية تسديد.. بتحصل نسبة نجاح التسديده مايتعدى ال 20 % وهذا يعطي للعبة صعوبة وواقعية.
الامر الايجابي بقيم بلاي فيفا كذلك.
ان التمريرات صعبة وليس كالسابق
المضحك قبل ان فيفا.. اي تمريرة توصل للاعب ومافي مشاكل.. بالتالي اصبحت لعبة حفظ اكثر من انها لعبة فهم وذكاء<<< متأثر بسوالف الدراسة زمان.
ولكن الآن التمريرات تقطع واصبحت تقطع..
واذا استلمت الكرة ونته تحت ضغط .. راح تقطع منك بنسبة كبير.
وهذي من الاشياء القليلة اللي تفوقت فيها فيفا على بروايفوليشن بالقيم بلاي.
الخلاصة.
مقارنة بين القيم بلاي في فيفا وفي بروايفوليشن.
فيفا 8 من 10 .. نسبة الى التطور الرهيب.
بروايفوليشن .. 9 ونص من 10... لانك بالقيم بلي تمتلك كل شيء.
الجرافيك في فيفا ماقدر اعطيه اقل من 9,8 من 10. لانه ظلم اطلب من لعبة اكثر من هذا !!
بالبروايفوليشن اعطي الجرافيك 7 من 10. مقارنة بفيفا.
الاوبشن والاون لاين والامور الاخرى
فيفا 10 من 10.
بروايفوليشين .. بالكثير 6 ونص من 10.. لانه مافي مقارنة صراحه بالاون لاين وغيره.
بالمجمل قد تتفوق فيفا.
ولكن القيم بلاي برأي هو أهم شيء ولذلك سأفضل بروايفوليشن ..
وان شاء الله مايكون في لاق حتى مايكرهونا باللعبة.
لانه مرات اللعبة تكون جيدة ولكن مثل ماتعرفون الاونلاين يكرهك فيها.
K a k a 
