انا راح اتكلم عن اللعبة بصفتي محب للجزء الأول وايد من الناس ما قد سمعت اللعبة ولا تعرف لها حتى
اهي لعبة اربيجي اكشن غربي الي صممه فريق lion head على راسهم الأخ مولينكس =p لحد يقولي شلون اسمه بألأنجليزي المهم اللعبة حصرية راح تكون عال360 حالها حال الجزء الأول الي كانت حقوقه تحت يد micro$oft الناشر للعبة , اللعبة قد تكون فكرتها بسيطه ولكن عميقة في محتوياته .. قصة الجزء السابق ما كانت قوية لكن جو اللعبة العام يحلي القصه بذاتها ..حيث كان قصة الجزء الأول حسب ما فهمت .. انه فيه مجموعة من الأشرار يسرقون الناس
الضعيفه .. وكان بينهم الزعيم الأخير اي لابس قناع كان عنده سيف الشر الي كان يتميز بقوته ..
وانت دورك من جهة الخير انك تقضي عليه وعندك نهايتين اما تكمل مسيرتك على مسار الخير او تأخذ سيف الشر وتتحكم بالناس وتسد الديمقراطيه وتقتل وهني نقدر نقول اختبار مثل الفقير الي طاح بيده فلوس قام يكبر عالناس فهني عطوك قوة خارقه الي اهو السيف بهذا السيف محد يقدر عليك فهل راح يغريك .. وهذي هي فكرة اللعبة من الأساس وهي تلخيص شخصيتك العامه حسب تربيتك او اخلاقك .. البعض يقول انها مجرد لعبة صحيح بس فيه ناس تدش الجو حسب شخصيتها فعلا..
اللعبة فيها سيئات وحسنات على كل شغله تسويها تقدر تشتغل بالحلال او الحرام ..تقدر تصرف فلوسك عالحرام مثل اللعب بالقمار او تساند في الجمعيات الخيريه باللعبة نفسها.. وكذا شغله تسويها
في الجزء الثاني القصة تبدأ بعد 500 سنه من الجزء الأول .. شاليديد فيه
انه الأن الناس صارت اكثر حيويه ونشاط في حياتهم عن الجزء الأول والي كان رائع
وهالمره راح يكون عندك كلب يلهيك وهم تربيه في مغامرتك في الحياة
غير جذي اللعبة صارت اكثر ضخامه ومساحه عن قبل
وفيه حركات وميزات اكثر .. وكستمايز اكثر للشخصية بشكل عام
ولا ننسى الco-op الأون لاين ..
راح تبدأ وانت صغير كالعاده وتكون نفسك مع الوقت ..
الشخصيه بحد ذاتها تأخذ وقت كثير باللعب .. تسوي upgrade للhealth للstealth وغيرها
ومن ناحية ثانيه عندك الmagic انواع كثيره منها وعلى لفلات مختلفه .. خلنا نقول الصاعقه مثلا في بدايه تقدر تسوي صاعقة وحده فقط بينما على اخر ليفل .. تقدر تسوي 8 صاعقات ولا بعد تفجر رؤسهم بعد.. , هالتطويرات عالشخصية تفيدك في سهولة اللعبة مع اعداء اصعب , وايضا الجسم.. فمثلا فيه سيف في احد المناطق داش في الصخره ما تقدر تطلعه الا لما تقوي بدن شخصيتك وتقوي عضلاته
جربت اطلعه مافي فايده.. فرحت اقاتل الوحوش في منقطة الdark forest او الوحوش الصغيره
الي سكنها يكون في الكهوف العاده , الكستمايز فيه منوع يمديك تصنع شخصية لحالك سواء تبيه ساحر او فارس او حرامي .. الخ يعتمد على شنو انت تركز في تطوير شخصيتك .. او تقدر تكون منوع مثلي .. , كيف تميز شخصيتك من الشر والطيب .. كل ما تكثر سيئاتك تدريجيا راح تتحول الى شيطان ويطلعلك قرون حتى تصل الى اخر لفل الي اهو الdevil عيونك تكون حمره .. اذا مريت عالمدينه بهذا الشكل الناس راح تخاف منك وما تسلم .. والعكس الصحيح لما تكون طيب راح تلاحظ الناس تحييك بالمدينه طبعا يعتمد من شخص الى اخر .. بختصار اللعبة حالها حال حياتك الي انت عايش بس في زمن
قديم شوي ..
About me حق الي يهمه قصتي الخاصه لول
بديت وانا صغير وكان شغلتي اني احافظ على كراتين وما اكسرها
بس للأسف خذيت اول سيئة وكسرتها لول ونحشت لأنه صاحب الكراتين عصب
ومع مرور الوقت رحت القلعه وقعدت ادرب نفسي عالأسهم ثم السيف
بعدها دشيت في فتره ال20+ .. من هني اللعبة عطتني صلاحية اني افتر بكل اللعبة
مو بس في مدينه معينه .. , فكل ما اشغل اللعبة اروح احط حرتي في الوحوش الصغيره
لأنه الي في الforest -_-" ما اقدر لهم للحين .. توني في بدايتي والليفل ما يساعد
ايه .. فمع مرور الوقت .. قمت اهتم الحين للبوابات السريه في أماكن منتشره
كل باب له شرط معين .. انا احاول ألبيه وارجع للباب عشان يفتح واشوف الكنز الي داخل
العاده يكون سلاح عجيب او مجرد كستمايز اضافي , بعد مده طويله من اللعبة المستمر
شخصيتي كبرت وصار رجال .. فقررت اتزوج .. اي نعم اللعبة يصير تتزوج 4 ..بس
انا حبيت اقعد بس ويا وحده .. ويا حلاتي شلون كنت وفي وياها لوول .. اطلع الصبح
وحزة العصر امر اسلم عليها واييب لها هديه مرات تكون مو بالبيت طالعه تفتر بالمدينه
.. ومرات لما اكون مو فاضي لها مشغول في تقوية شخصيتي ..ارد اخر الليل
بس حضرتها طايحه تشخير -_-" .. , بعد ما نهيت قصة اللعبة وخذيت سيف الشر
الي كان يذبح الوحش بطقة وحده او طقتين .. كان السالفة سهله حيل , فقمت وحولت
على الحراميه ..اذبحهم واخذ فلوس ... ليما يمعت شوية بيزات وصار عندي خير ..
ما بعت بيتنا القديم ..بس طولت وصار احلى وحطيت صور داخله.. والباقي شريت
يمكن 3 بيوت ثانيه في مدن مختلفه وحولتها نظام rent .. فكل ما ارد البيت انام
واقوم الصبح امر عالبيت .. يمشيلي bank account .. وانا مرتاح لول ..
وبس من بعدها صرت تاجر باللعبة .. انقط فلوس وانا ماشي لول .. وخلصت حياتي باللعبة.
لي رجعة حق الجزء الثاني الي راح ينزل في 21 اكتوبر
هذا راح يكون الموضوع الرسمي للعبة .. حق الي بيسولف عن حياته في الجزء الثاني
وبدايته او المواقف الي حاشته او يرفع صورة شخصيته باللعبة نشوف ستايله .. الخ , الموضوع راح يموت اسبوع بس راح ارفعه من يديد لما
اشتري اللعبة واحط انطباعاتي لول ..انشاءالله
،، عادي حالنا حال بعض هالاعضاء اللي عنده عضويتيين 
المشاركة الأصلية كتبت بواسطة ايوب الحسن
