// أناشـيـد ( مغـبـره ) فـي ذاكــرتـنـا ... شـاركـنـا ^^

**أنــفــاسـ** · 20-10-2008, 06:26 PM

السلام عليكم ورحمة الله وبركاته

كيف الحال والأحوال

ان شاء الله تكونوا بخير وسلامه

هذا الموضوع المفروض انزله من رمضان

.. بس العجز وما يسوي

الموضوع هو عباره عن أناشيد قديمه ( مغبره )

كنت تسمعها وانت صغير والين الحين تذكرها ولها ذكريات بالنسبه لك

يعني تحط لنا رابط الأنشودة القديمة وعادي لو حطيت أكثر من انشوده <<< خلوكم كرما مثلي

ويكون أفضل لو كتبت تعليق عليها

يعني هذا الموضوع ما يصلح لصغار السن

راح أبدا بنفسي

//
\\
//
\\

¨°o.O ( ليس الغريب ..أضغط هنا) O.o°¨

إذا ما خانتني الذاكرة هذي أول انشوده سمعتها وحفظتها ....
وما اتوقع انسى هالمقطع :
صلوا علي صلاة لا ركوع لها ... ولا سجود لعل الله يرحمني
مؤثره بجد

¨°o.O (بقرآني وإيماني ..أضغط هنا ) O.o°¨

هذي اول مره سمعتها من بنت جيرانا يوم كنا في الابتدائية

..
أقلقتنا فيها خخخخ ...
كانت دايم ترددها لأنها بتقولها في اذاعة المدرسه .. ومن كثر ما ترددها حفظتها

اياام والله

¨°o.O (شــادي ..أضغط هنا ) O.o°¨

اذكر اول مره سمعتها في الفسحه لما كنت في الابتدائيه

كان يعجبني ( يحزنني غالبا ) المقطع لما يقول :
إني أسمعهم يحكون ....
عن بيتي عن وطني الغائب
عن كرمتنا والزيتون ...
وربوع ٍ صادرها الغاصب

¨°o.O (نناديكم (سراييفو ) ..أضغط هنا) O.o°¨

هذي أنشدتها في الاذاعه المدرسيه اظن بصف 5 او 6 ابتدائي ما اذكر بالضبط

بس كان لها ذكريات

.. وكان عندي الشريط ( ألبوم ) اسمه ( جراح سراييفو )
كان اروع مقطع يعجبني في الدقيقة 03.01 هو :

لنا في أرضنا نهر و ماء و روض في مرابعنا خصيبُ
لنا بيتٌ و أطفالٌ و لكن محت آثار منزلنا الخطوبُ

¨°o.O ( ياأيها الإنسان ..أضغط هنا) O.o°¨

هذي الانشوده من بعد ضمن شريط ( ألبوم ) ( جراح سراييفو )..
كنت من لفتره طويله أردد ( اليأس يعبث بالأمل ويهز كل كياني )
اذكر اني سمعتها بس موب عارف وين

لكن وانا ابحث عن الاناشيد اللي سمعتها زمان
اكتشفت ان هالمقطع هو جزء من انشوده سامعها زمان

¨°o.O ( إنما الدنيا فناء ..أضغط هنا) O.o°¨

هذي قديمه بس ما اذكر متى سمعتها

لكن اذكر كنت أحيان اردد بيني وبين نفسي

إنما الدنيا فنا .. ليس لدنيا ثبوت

غالبا لما كنت أتضايق عشان تخفف عني شوي

¨°o.O ( سنخوض معاركنا معهم ..أضغط هنا ) O.o°¨

هذي أول مره سمعتها لما كنت في أولى متوسطه
مسوي كبرت وصرت بالمتوسطه

.. عشان كذا عالقه براسي

وأذكر اللي انشدها في الاذاعه لابس نظارات بعد

¨°o.O ( الــقـلـب ..أضغط هنا ) O.o°¨

هذي قديمه حيل .. و بالنسبه لي مؤثره حيل

أقدر أقول انها اكثر انشوده تأثر علي رغم قدمها

القلب ينشط للقبيح .. وكم ينام عن الحسن .!
يا نفس ويحك ما الذي .. يرضيك في دنيا العفن .!
---
فأمامنا سفر طويل .. بعده يأتي السكن
إما إلى نار الجحيم .. أو الجنان : جنان عدن

//
\\
//
\\

فيه أناشيد ثانيه بحثت عنها لكن ما لقيتها

.. وبعد ما اتذكر اسامي الاناشيد زين

اتمنى عجبكم الموضوع

...
وان شاء الله ما سببت لأحد ازمه في التنفس بسبب الكميه الهائله من الغبااار

اتمنى مشاركتم في الموضوع المغبر

بالتوفيق

تحياااااااااااااتي

**shjoonal3in** · 21-10-2008, 02:32 AM

و عليكم السلام و رحمة الله وبركاته

هلا بك صالح (:
موضوع حلو الصراحة ... زكريات^^
...
بالنسبة للأناشيد القديمة اللي كنت أسمعهن وأقعد أنشدهن يا كثرهن والله عد واغلط
يعني أتعب وأنا أتذكر وأحط روابط ... كنت معجم أناشيد أيام الطفولة و المراهقة

<< تكفين يالعيوز
الأناشيد قبل غالبهن حلوات تضيع بينهن بس ألحين تنقى لك ...
اللي تأثير واللي ايقاع ... إزعاج
...
من ضمن الاناشيد القديمة اللي أتذكرهن طبعا اللي ذكرتهن انت ما عدا الأخيرة (القلب) أول مرة أسمعها
بحاول أذكر اللي أتذكرهن عالسريع:
شريط نداء وحداء كل ابوه !
نشيد أسائلكم (هذا كنت معلقة عليه على طول^^) ... (الرابط)
نشيد في حمى الحق ماذكر المنشد بس اعتقد هالصوت صوت محمد المساعد (الرابط)
شريط جباه شامخة لجاسم هجرس وبالذات نشيد "آه لو تدري بحزني والتياعي" (الرابط) ونشيد تأمل صنعة الباري (الرابط)
شريط أناشيد 94 << قديييم بس الشريط كله يعجبني (رابط الشريط)
بالذات نشيد يا صاحب الهم (الرابط)
أناشيد المؤثرة أكثر شي
نشيد صرخت وقالت (الرابط)
صرخت ولكن لا مجيب ولا أذن ):
وهناك ابني قد تشقق جسمه فكأنه شبح وليس له بدن ... هالنشيد كنت أسمعه وأقعد أتخيل وأبكي (تعذيب-_-)

وأخيرا على طاري الاناشيد الجهادية:
بارودتي بيدي (الرابط)
خندقي (الرابط) هالنشيد كلماته مؤثرة @@
دكي يا جبال(الرابط)

بس تعبت كل شوي أتذكر شي بقعد لبكرة ولا بخلص -_-
والله أيام ! يعطيك العافية صالح عالفكرة (:

**Wing_Zero0** · 21-10-2008, 06:28 PM

السلام عليكم

الموضوع جميل جدا

ولي ذكريات كثيره عن الاناشيد

حيث انني الان املك اكبر مجموعه وتشكيله من الاناشيد او ممكن تسميها موسوعه الاناشيد

وبالنسبه للاناشيد القديمه الي كنت اسمعها دائما

فهي كثيره

1- شريط اناشيد 94

2- شريط خندقي

3- شريط استيقذي

واول شريط شريته يوم العيد مستانس عندي فلوس وانا بذر خخخخخخخخخ شريط سرايفو

اشهد انه قدييييييييييييييييييييييييييييييييييييييييييييييييييييييييييم

ولا ننسى المنشد القدير (( عماد رامي )) كانت اناشيده رائعه بمعنى الكلمه لكن بالاخر حسيت انه يركز على الايقاع اكثر من الاهات للاسف

جميع الاناشيد المذكوره موجوده اذا حبيتم تسمعو نشيده قديمه حتى لو موموجوده بالنت احتمال 80 % تكون عندي

والسلام عليكم

**مـُـحـب العجمي** · 21-10-2008, 10:33 PM

السلام عليكم ورحمة الله وبركاته

وعليكم السلام ورحمة الله وبركاته

هذا الموضوع المفروض انزله من رمضان

.. بس العجز وما يسوي

صدق من سماك عجااااااز
كح
كح
كح
كح كح كح كح كح كح
وش ذا أنفاس
وش هالأناشيد
من جد أطنان من الغبار طلعت
تصدق أنااشيدك مثل أناشيدي شكلنا درسنا سوى وحنا مانعرف
بقول عن نفسي
أنشودة قديمة أعجبتني هي كانت في شريط أهداه لي زميلي
وعجبتني أنشودة وقفت اناجي
كنت أروح أنا وأخوي عند واحد من الشباب ياخذ الددتسن حق أبوه دتسن سبعينات
ونفرفر بالحارة على هالأنشودة : أروح يالجو

:
هذا الرابط
وقفت أناجي ـ أبو علي
**
من الأناشيد المفضلة لدي والأفضل عندي
هي أنشودة ويسألني عن الأخبار طفلي
سمعتها بعدما كانوا الشباب يجاملوني يقولون لي صوتك مثل أبوعبدالملك وانا من جنبها اجامل وأنا أصلاً ماعرف ولا منشد وقتها
أقول ايه انا اقلده اصلاً " من جنبها التسليك "
ويوم مرة أشوف اسمه على شريط مشاهد
وأشتريه ويوم أسمع هاالأنشودة جاني إدمان عليها وخلاص
ماعد تركتها
وهي افضل أنشودة لي
الرابط
ويسألني عن الأخبار طفلي ـ أبوعبدالملك

¨°o.O ( ليس الغريب ..أضغط هنا) O.o°¨

هذه مثلك أهداني إياها نفس الي أهداني الشريط الأول
بس كانت هذه مؤثرة نسمعها وحنا عاقلين مانفرفر

¨°o.O (بقرآني وإيماني ..أضغط هنا ) O.o°¨

ب _ ب
T__T
أنفاس صدقني كذه تقلب المواجع
أول مرة اسمعها كانت الظاهر بالإذاعه واشغلت البيت مانب حافظ إلا بقرآني وإيماني وبس

¨°o.O (نناديكم (سراييفو ) ..أضغط هنا) O.o°¨

هذه ماأنساها بالذات
كنا في رحلة مع التوعيه
وجابوا واحد كان يحرك فمه ومشغلين المسجل
وتحمس بالتحريك كانه هو المنشد متنا عليه ضحك لأانه سوى حركة تفشل منها

لكن كنا نتأثر بالنشيدة ونضحك على الرجال

¨°o.O ( ياأيها الإنسان ..أضغط هنا) O.o°¨

هذه ماراح أنسى المدرس الله يسامحه
جاب إثنين فيهم إعاقة الله لا يبلانا ويشافيهم وخلاهم هم الي ينشدون حركة مالها داعي منه صراحة

¨°o.O ( سنخوض معاركنا معهم ..أضغط هنا ) O.o°¨

من ما يعرفها هذه

يعطيك العافية أنفاس عالموضوع الرائع والي بالفعل يخلينا نتذكر أيام زمان ب _ ب
تـــمـــ الـــتـــثـــبـــيـــتـــ

**قلب الحياة** · 22-10-2008, 01:16 AM

السلام عليكم ورحمة الله وبركاته
أخي
أنفاسـ
والله حقيقةً عادت بي تلك الأناشيد
لزمنٍ فات ، وأعترف أني نشدتها عندما كنت صغيرا
في مدرستي..
أناشيد تستحق أن تبقى خالده في ذاكرتنا
أتمنى لك التوفيق أخي
ومشكور
أسعدتني والله
تسلم

**Mr.alOne** · 22-10-2008, 10:00 PM

The most beautiful voice I heard in my life

Thank you .. Saleh

**أنــفــاسـ** · 22-10-2008, 10:15 PM

هلا بك صالح (:
موضوع حلو الصراحة ... زكريات^^

هلا شجون
ما راح يكون حلو إلا بتواجدكم ومشاركاتكم ^^

اغلب الأناشيد اللي حاطتها ما اذكرها زين
بس الوكاد اللي اذكر هو

ونشيد تأمل صنعة الباري (الرابط)
دكي يا جبال(الرابط)

هذولي بس اللي اذكرهم من اللي حطيتي

وهناك ابني قد تشقق جسمه فكأنه شبح وليس له بدن ...
هالنشيد كنت أسمعه وأقعد أتخيل وأبكي (تعذيب-_-)

اتخيل شكلك وانتي عند المسجل وتصيحين خخخ
من جد تعذيب خصوصا لما تسمعها وانت صغير
يعني لو كنت كبير راح يكون وقعها غير

وأخيرا على طاري الاناشيد الجهادية:

وعلى طاريهم بعد

اذكر انشوده قديمه ..حاولت ادورها بس ماعرفتها
( يمه ويايمه هاتي الرشاشه .. طلبتني الجنه ..) <<< هذا اللي اذكر منها -__-
بس اذكر كنت معلق عليها

وفيه وحده ثانيه اسمها قعقعات الحرب T.T

هذا رابطها ( هنا )

بس تعبت كل شوي أتذكر شي بقعد لبكرة ولا بخلص -_-

على الاقل تحسون باللي حسيت فيه

حيااك شجون

بالتوفيق

تحيااااااتي

**أنــفــاسـ** · 24-10-2008, 01:04 AM

مجنون العجمي

يالله حيوه

صدق من سماك عجااااااز

أقول لا تسب

كح
كح
كح
كح كح كح كح كح كح
وش ذا أنفاس
وش هالأناشيد
من جد أطنان من الغبار طلعت

محد قالك لا تخش بكمامه

تدري ياجلال احس حل عشان محد ينكتم من الغبار
إنك توقف على باب الموضوع وتعلمهم ان الموضوع فيه اطنان من الغبار
بما انك المشرف طبعا

<<<< حتى فيه موضوعه معجز يوقف برا

تصدق أنااشيدك مثل أناشيدي شكلنا درسنا سوى وحنا مانعرف
بقول عن نفسي

والله ما يندرى خخخخ
ممكن ما استبعد

أنشودة قديمة أعجبتني هي كانت في شريط أهداه لي زميلي
وعجبتني أنشودة وقفت اناجي
كنت أروح أنا وأخوي عند واحد من الشباب ياخذ الددتسن حق أبوه دتسن سبعينات
ونفرفر بالحارة على هالأنشودة : أروح يالجو

:

خخخخخخ عليكم جو
قاعد اتخيلكم في ددتسن غماره وتتضابون من يركب جنب الدريشه خخخخ
بس فله

هذا الرابط
وقفت أناجي ـ أبو علي

ايه عرفتها اضن في شريط تلاقينا كان عندي الشريط
حتى لقد عندنا
رهيب @@ .. خصوصا صوت أبو علي مشاء الله
وابو مهند بعد @@
انا اكثر انشوده كنت اخش معها جو في شريط تلاقينا
هي : ياليل نديمك T.T ( اضغط هنا )
وكمان رحل الكرى T.T
( اضغط هنا )

سمعتها بعدما كانوا الشباب يجاملوني يقولون لي صوتك مثل أبوعبدالملك وانا من جنبها اجامل وأنا أصلاً ماعرف ولا منشد وقتها
أقول ايه انا اقلده اصلاً " من جنبها التسليك "

ههههه الله يرجك
اجل انواع التسليك

ذكرتني بايام الابتدائي .. كانوا مكبرين راسي
كان كل ما طلعت الاذاعه يمدحوني
واخوك من جنبها ههههه

ويوم مرة أشوف اسمه على شريط مشاهد
وأشتريه ويوم أسمع هاالأنشودة جاني إدمان عليها وخلاص
ماعد تركتها
وهي افضل أنشودة لي
الرابط
ويسألني عن الأخبار طفلي ـ أبوعبدالملك

اول مره اسمها ... بس من جد رهيبه ويمكن للحين سمعتها اكثر من 8 مرات

كل ما خلصت اعيدها
حلوه والله

هذه مثلك أهداني إياها نفس الي أهداني الشريط الأول
بس كانت هذه مؤثرة نسمعها وحنا عاقلين مانفرفر

خخخخخ اجل يوم عقلت
انا ما كنت اسمع إلا في البيت ما كان معي سيباره وقتها
بس الحين أمري ياكامري

أنفاس صدقني كذه تقلب المواجع
أول مرة اسمعها كانت الظاهر بالإذاعه واشغلت البيت مانب حافظ إلا بقرآني وإيماني وبس

خخخخ بس زكريات والله

هذه ماأنساها بالذات
كنا في رحلة مع التوعيه

خخ اجل كنت من حقين التوعيه
اذكر سجلت معهم مره في المتوسطه
كانت تروح الفسحه علي كله منهم ... فسحب عليهم خخخخخ
وبعدها تبت اسجل معهم

وجابوا واحد كان يحرك فمه ومشغلين المسجل
وتحمس بالتحريك كانه هو المنشد متنا عليه ضحك لأانه سوى حركة تفشل منها
لكن كنا نتأثر بالنشيدة ونضحك على الرجال

خخخخخ طيب ليه يحرك فمه .. كان ينشدها وخلاص
بس وربي شينه يتفشل بالمدرسه .. احس ما ينسونها لك XD

هذه ماراح أنسى المدرس الله يسامحه
جاب إثنين فيهم إعاقة الله لا يبلانا ويشافيهم وخلاهم هم الي ينشدون حركة مالها داعي منه صراحة

حركه مالها داعي بقوه .!
ومهما كانت نية زينه المفروض ما يسويها

الله يغفر له

يعطيك العافية أنفاس عالموضوع الرائع والي بالفعل يخلينا نتذكر أيام زمانب _ ب

تسلم يالغلاا ومشكور على تنويرك للموضوع والثتبيت

تـــمـــ الـــتـــثـــبـــيـــتـــ

تسلم

بالتوفيق

تحيااااااااتي

**أنــفــاسـ** · 24-10-2008, 01:22 AM

Wing_Zero0

السلام عليكم

وعليكم السلاام

الموضوع جميل جدا

بوجودك يكون اجمل ^^

حيث انني الان املك اكبر مجموعه وتشكيله من الاناشيد او ممكن تسميها موسوعه الاناشيد

حلووو والله ...يعني هي عندك على الجهاز او شلون ؟

واول شريط شريته يوم العيد مستانس عندي فلوس وانا بذر خخخخخخخخخ شريط سرايفو
اشهد انه قدييييييييييييييييييييييييييييييييييييييييييييييييييييييييييم

خخخخخخ اجل شريته يوم العيد
الناس تشتري بعيديتها ألعاب .. تروح الملاهي
موب شريط محزن خخخ
بس اياام حلو انك تذكرها ^^

ولا ننسى المنشد القدير (( عماد رامي )) كانت اناشيده رائعه بمعنى الكلمه لكن بالاخر حسيت انه يركز على الايقاع اكثر من الاهات للاسف

صراحه ما اعرفه .. انا ما كنت قبل اركز على المنشدين بقدر ما اركز على الانشوده نفسها
بس واضح من كلامك ان صوته حلو ^^

جميع الاناشيد المذكوره موجوده اذا حبيتم تسمعو نشيده قديمه حتى لو موموجوده بالنت احتمال 80 % تكون عندي

والله

مشكور وما تقصر

فيه انشود قديمه اذكر منها ( يمه ويايمه هاتي الرشاشه ... طلبتني الجنه . )
ما اذكر وش تكملتها

.. بس قديمه
ياليت لو تعرفها تعطيني رابطها

وانشوده ثانيه من كلماتها ( اللهي انت يارحمن .إله الكون ياغفار .. انير القلب بالايمان .وانصرنا على الكفار )

هذا اللي اذكره

وان شاء الله فيه اناشيد ثانيه بسألك عنها

<<< نشبه ما ينعطى وجه

حياااك

بالتوفيق

تحااااااااتي

**أنــفــاسـ** · 24-10-2008, 01:31 AM

قلب الحياة

السلام عليكم ورحمة الله وبركاته

وعليكم السلام ورحمة الله وبركاته

ما شاركتنا بروابط لاي انشوده كنت تسمعها قلب الحياة ... حتى لو وحده

<<< ياشين النشبه

عموما شكرك لمرورك وتعليقك ^^

حيااااك

بالتوفيق

تحياااااااااااتي

**أنــفــاسـ** · 24-10-2008, 01:37 AM

الوابل الصيب ... وراك قلبت انجليزي

what is your name ?

<<<<< سوا اعرف انجليزي انا بعد

انشوده حلوه خصوصا العُرب عنده حلوه ^^

حيااااك

بالتوفيق

تحيااااااااتي

**dr.jana** · 24-10-2008, 02:07 AM

مشكوووووووووووووووور اخوي حده ذكريات والله الاناشيد القديمه احلى بكثييييييييير من الجديده
من صج مشكور ونستني الاناشيد

**أنــفــاسـ** · 25-10-2008, 03:50 AM

مشكوووووووووووووووور اخوي حده ذكريات والله الاناشيد القديمه احلى بكثييييييييير من الجديده

العفوووو dr.jana
يمكن هي احلى لان لها ذكريات بالنسبه لنا
وعاشت معنا فيه فتره معينه من حياتنا
عشان كذا تعتبر بالنسبه لنا مميزه وما تنى

من صج مشكور ونستني الاناشيد

العفوو مره ثانيه
واتمنى لو شاركتنا او شاركتينا ببعض الاناشيد اللي تذكرها ^^

حياااك

بالتوفيق

تحياااااااااتي

**Wing_Zero0** · 25-10-2008, 07:56 PM