السلام عليكم ...
اول شئ شكرا جدا لسؤالك عليا ... انا ان شاء الله فاضلى يومين و اخلص امتحاناتى ... ربنا يسهل و اخلص من السنة دى و اتخرج ان شاء الله
تانى شئ انا بحييك جدا جدا على سؤالك ... لان سؤالك ده من نوعية الاسئلة اللى بحبها لانى بتحتوى على الكثير من النقاش و التخيل ... و سؤالك ده بالذات تناولته المنتديات فترة طويلة و كان فيه اراء كتير متعلقة بالموضوع ده هحاول اقولهالك باختصار ...
اول شئ بخصوص ان ليه دايما بيعتبروا Arthas هو ال Lich King و بيتجاهلوا ذكر Ner'zhul فده اجابته بسيطة ... و هى لان اساسا مفيش اى حد فى Azeroth يعرف ان Ner'zhul لسة عايش ... مفيش اى كائن حى يعرف اللى عمله Kil'jaeden فيه
ال Burning Legion هما فقط اللى عارفين حكاية Ner'zhul عشان كدة هتلاحظ ان اى حد من ال Burning Legion لما بيتكلم عن ال Lich King بيقول عليه Ner'zhul مش Arthas ...
و غير كدة فيه حاجة كمان ... ال Lich King نفسه قبل ما يتحد مع Arthas برضه مكنش فيه اى حد يعرف عنه اى شئ غير مجرد حكايات و اساطير ... لان الكائن الحى الوحيد اللى قابل ال Lich King و هو محبوس فى ال Frozen Throne هو Kel'Thuzad
عشان كدة ال Lich King مكنش ليه اى هوية بالنسبة لعالم Azeroth و كان مجرد اسم ...
اما بعد ما اتحد Arthas معاه و بدأ يظهر ال Lich King للعالم ... الناس متعرفش غير Arthas بس ... لان فى الواقع هما اللى شايفينه قدامهم هو Arthas بس لابس درع و خوذة غريبة ... و يجهلوا اى شئ عن Ner'zhul و تحكمه فيه ...
الشق الثانى من سؤالك بقى فزمان كان فيه اراء و نقاشات كتير حول السؤال ده
فكان فيه رأي زى رايك بيقول ان Arthas مجرد وعاء يحمل ال Lich King و Arthas ملوش اى تحكم بعقله نهائى ...
بس الرأى ده اثبت عدم صحته و الدليل ان ال Lich King فى احداث ال Wrath Gate لما شاف ال Undead نطق باسم Sylvanas .. و Arthas فقط هو اللى ليه علاقة ب Sylvanas مش ال Ner'zhul
و كان فيه رأي تانى بيقول ان Arthas لما لبس الدرع و الخوذة Ner'zhul انتهى و طاقته اتنقلت ل Arthas
و ده طبعا رأي غلط تماما ... فبأى منطق يضحى Ner'zhul بنفسه و قوته من اجل Arthas !!
فيه راي تالت قال لأ كلكم غلط و انا شايف ان Arthas موجود لكنه محبوس جوا عقل Ner'zhul و بيحاول الخروج لكنه مش قادر يتحكم بنفسه
و الراي ده برضه صعب انه يكون صحيح لان مفيش اى اثر ظهر على ال Lich King يدل على وجود خير جواه
فيه راي رابع كمان بيقول ان روح Arthas و روح Ner'zhul الاتنين اختفوا و كونوا شئ جديد تماما ..
المهم فضلت تظهر اراء و نقاشات كتير فى الموضوع ده لحد ما Chris Metzen وضح النقطة دى تماما و قال :
"Arthas and Ner'zhul have become a perfect fusion of one being - Arthas' personality and body with Ner'zhul's wisdom, experience, power and EVIL."
و لكن النقاشات لم تنتهى لحد هنا ...
فالان ظهرت نقاشات جديدة حول النهاية المحتملة لل Lich King
ففيه راي بيقولك ان بعد ما نهزم ال Lich King فى ال Raid الاخير روح Arthas هتنفصل عن روح Ner'zhul و Arthas هيساعدك عشان تقتل Ner'zhul و فى الاخر Arthas هيرجع لعقله تانى و يرجع ك Hero من جديد فى صف ال Alliance
و لكن الراى ده ناس كتير رفضته ... و ده لان صعب Blizzard ترجع Arthas للحياة من تانى لانه لو رجع كل شعبه مش هيقدر يغفرله الجرائم اللى عملها حتى لو كان دون رغبته ... فهو دمر Quel'Thalas و Lorderon و قتل ابوه و قتل Uther و جرائم كتير لا تعد و لا تحصى مستحيل الناس تنساها ... عشان كدة صعب جدا انهم يرجعوه تانى
الرأى التانى بيقولك ان بعد ما تهزم ال Lich King روح Arthas هتتحرر و تنضم لابوه و روح Ner'zhul كمان هتتحرر و تنضم لاجداده ال Orcs
الراي الثالث بيقول ان روح Arthas هتظهر فى نص المعركة و هتشارك فى المعركة كمان و هتقلل قوة ال Lich King لحد ما تقدر تهزمه
الرأى الرابع بيقول ان بعد ما ال Frostmourne ينكسر فى المعركة ... Arthas هيقدر يتحكم الى حد ما بعقله ... و كل شوية هنلاقى ال Lich King و كأنه بيحارب نفسه ... ف Arthas بيحاول يمنعه انه يأذيكم فى المعركة و Ner'Zhul بيحاول يقتلكم
اما رايي انا الشخصى بقى ... فانا متخيل معركة ال Lich King بشكل تانى...
انا متخيل ان بعد هزيمة ال Lich King ... اه بالفعل Arthas هيستعيد وعيه ... و هيندم على كل اللى عمله و هيفتكر الناس اللى قتلهم و شعبه اللى دمره ... و هيفتكر ابوه ... و فى وقت ما هو ساجد على ركبته و الدموع بتنزل من عينه ..... فجأة نلاقى سهم من بعيد انغرس فى قلبه ... نبص هناك نلاقى Sylvanas و هى بتقوله
" I don't care u have a soul or not ... all I know that my only wish in this cursed life was to see u dead ... and now I will see to it ... this time my arrow didn't miss "
و ينتهى Arthas بس و هو بصورة بطل و بعد ما ندم على اللى عمله ... و بكده تكون Blizzard ارضت رغبة المعجبين ب Arthas و فى نفس الوقت مرجعتوش للحياة بصورة نهائية
نسيت اقولكم ان كل التوقعات دى كانت بسبب Quest موجود فى WoTLK يمكن بعضكم عملوه بالفعل و هو Quest بيقولك انهم شافوا حراسة مشددة خارجة من ال Frozen Throne و معاها صندوق محمى بشدة ...
و انهم بيعتقدوا ان الصندوق ده جواه قلب Arthas و ال Lich King عايز يدمر القلب ده لانه اخر حاجة بتحمل ذرة خير جوا Arthas و بالتالى تعتبر نقطة ضعف لل Lich King ..
و لو بعضكم لاحظ كمان فى ال Wrath Gate Cimematic لما ال Undead رموا ال Plague على ال Lich King ... حط ايده على قلبه ... و ده معناه انه مازال يحمل بداخله قلب بشرى ... و يمكن ده السبب الرئيسى اللى خلاه يحاول يتخلص من قلبه عشان ميبقاش نقطة ضعف ليه
ع العموم مسير الايام تقولنا ايه اللى هيحصل ... لان Blizzard رفضت تصرح باى شئ عن معركة ال Lich King
و لكنها اكتفت بانها قالت ان معركة ال Lich King هتكون اسطورية بكل المقاييس و هتكون لحظة هتتحفر فى ذاكرة كل محبين WoW