موضوع كامل للطلبات والاستفسارات .. تمارين .. مكملات .. تغذية !!

[homaid]

اخوي البرسا هل البروتينات والمواد اللي طريتوها مضره للصحه

[fabre]

اخي الـ بارسا

استفسار اخييييير

مثل ما قلتلك ان التمارين للعضلة الكبيرة ككل ما تزيد عن 10 وللعضلة الصغيرة مثل البطات والباي والتراي ما تزيد عن 3 والتكرارات ما تزيد عن 6-8

قصدك عدد الـ تمارين ما يعدي الـ 10 تمارين للـ عضله الـ كبيره و 3 للـ عضله الـ صغيره

او عدد الـ جلسات للـ تمارين ما يعدي 10 للـ عضله الـ كبيره و 3 للـ عضله الـ صغيره


ارجو الـ رد بسرعه

تحياتي

[al3neeed]

اخوي البرسا هل البروتينات والمواد اللي طريتوها مضره للصحه

لا ياخوي هاي منتجات طبيعية 100% .. ليش لها اي ضرر أو اثر على صحة الانسان .. حتى ان في اشخاص يستعملون البروتين وهم مايلعبون حديد ..

المهم ليس لها اثر على المدى القريب او البعيد ..

[al3neeed]

اخي الـ بارسا

استفسار اخييييير

قصدك عدد الـ تمارين ما يعدي الـ 10 تمارين للـ عضله الـ كبيره و 3 للـ عضله الـ صغيره

او عدد الـ جلسات للـ تمارين ما يعدي 10 للـ عضله الـ كبيره و 3 للـ عضله الـ صغيره

ارجو الـ رد بسرعه

تحياتي

أخوي حسب المعلومات اللي عندي والمتعارفة في عند كل اللاعبين والمواقع ..
أن تمارين العضلة الكبيرة ( الصدر والظهر والاكتاف .. الخ ) من 5-6 تمارين فقط .. والعضلة الصغيرة ( البايسيبس والترايسيبس والـ calves .. الخ ) تمرنها من 4-5 تمارين فقط ..
والمتعارف ان الـ Reps تكون من 6-8 بـ 3 او 4 جلسات لبعض التمارين

[al3neeed]

السلام عليكم
الف شكر على المجهود الجبار لي بس كم سؤال
صارلي تقريبا 3 شهور العب و لعبت من قبل سنه و نص شهرين بس ما كان لها فايده بسبب قلة الخبره بالأكل و لكن هي الاساس,ندش بالموضوع كان وزني 50 اول ما دشيت و الحين وزني و لله الحمد 58 و في تقدم , قاعد آخذ Super Gainers Fuel Pro
ttp://www.bodybuilding.com/store/tl/super.html
بالنسبه لسؤالي هل في ناس اجسامهم طبيعي ما تقبل الفات ؟ البروتين فيه 33 جرام دهون ولا تقريبا اثر على مدى شهرين كلمت مدرب قالي يمكن جسمك ما يقبل فات.مع العلم الكل قالولي انه بيمتنك حيل و منهم اخوي يلعب حديد لحوالي 9 سنوات قاعد اخذه مرتين فقط قبل التمرين بساعه تقريبا و قبل النوم و قاعد اركز على اكلى حاليا , زيادة وزني تباطئت من وصلت 57 بس الحمدالله معتبر اللعب هوايه بشكل رئيسي و صحة, و قاعد افكر استخدم كرياتين بعد قرائتي انه لا يوجد له تأثير ضار على مدى 5 سنوات بس متردد شكله فيه تعقيد بالجرعات او اضرار و ما ودي بشي يعطي نتايج خياليه بسرعه ما راح يحسسني بطعم اللعب,هل تنصحني فيه,و هل له اي تأثيرات جانبيه ؟ وما هو تأثيره على الاوزان سمعت انه يصل الى زياده 50% في بعض الاوزان, السؤال الاخير ادري شكلي قاثك كنت داش جدول جيد لمدة شهر و نص و بديت بجدول ثاني كملت فيه تقريبا شهر و نص هل له تأثير على الجشم العوده للجدول الاول اعني تعود العضله او يفضل اسوي جدول جديد ؟ اخذ راحتك في الرد و الله يعطيك العافيه و آسف على الاطاله

هلا فيك اخوي
Super Gainers Fuel Pro .. اووف فيه30 جرام فات ..!!
مايصير جذي .. .. بدل ماتزيد دهون وتوصل لحالة انك زيادة نسبة الفات في جسمكـ .. زيد وزنك عضل .. سالفة ان الجسم مايتقبل الدهون .. في ناس يكون عندهم سرعة الحرق سريعة جداً .. فتلاحظ ان ياكل ااااااااااككككل ومايسمن .. جسمه طبيعي يحرق بسررعه .. واذا فيك هاي الصفة حلو ترا .. يعني تمرن بشكل سليم وكل جيداً .. خذلك بروتين الـ pro complex او nitro tech الاول فيه 60 جرام بروتين للحصه والثاني 20 ونسبة الفات فيهم 1 جرام .. يعني الناس يبحثون عن المكملات قليلة الدهون وانت تبحث عن المنتجات عالية الدهون ..
وحلو تستعمل الكرياتين معاه .. والف مرررة كررنا انه ماله اضرار لا حالياً ولا بـ المستقبل ..
اهم شي الاستعمال الصحيح له .. والطريقة كررناها عدة مرات وبتجدها في الردود السابقة .. ...
عن الجدول اكيد لازم تغيره كل شهر تقريباً .. اولاً لك عشان ماتمل .. وللعضلة عشان ماتتعوود ..
فنوع في اساليب تمارينك وترتيبها والتكرارات .. ...
عن تأثير زيادة الوزن نعم الوزن اللي تشيله له تأثير على نمو العضلة .. بس اهم شي تطبق التمرين بالطريقة الصحيحة وماتغش نفسك لانك بهذي الطريقة تضر عمرك ومابتستفيد شي ..

تحياتي لكـ ..

[AI_BARCA]

لي عودة في لمساء اكيدة ان شاء الله

تحياتي

[al3neeed]

أخوي حسب المعلومات اللي عندي والمتعارفة في عند كل اللاعبين والمواقع ..
أن تمارين العضلة الكبيرة ( الصدر والظهر والاكتاف .. الخ ) من 5-6 تمارين فقط .. والعضلة الصغيرة ( البايسيبس والترايسيبس والـ calves .. الخ ) تمرنها من 4-5 تمارين فقط ..

والمتعارف ان الـ Reps تكون من 6-8 بـ 3 او 4 جلسات لبعض التمارين

عذراً على الخطأ ..
للصغيرة من 3-4 وللكبيرة من 4-5

[sikorex]

أنا أبلغ من العمر 21 سنة و طولي 1.75متر و وزني 64 كيلو و أتناول extralevure ستة حبات في اليوم 2 قبل الفطور 2 قبل الغداء 2 قبل العشاء أريد أن أصل الى 75 كيلو هل هدا ممكن أم لا
مع العلم أنني أمارس كمال الأجسام مند أسبوعين

[مذووب]

انا العب حديد من 3 شهور تقريبا .... بس انا مشكلتي في زيادة الاوزان ... الاوزان خفيفه واذا على كذا يبغالي مية سنه لين اوصل اوزان كبيره

هل تنصحوني بنوع بروتين او اكله تقوي العضلات

وهل فيه اكله معينة تعطي طاقه ونشاط في التمرين غير الكرياتين

[OnlineGmaes]

• Whey Protein (pre/post workout)
• Creatine (daily/post workout)
• Simple Carbs (post workout only)
• Multi-Vitamin (every morning)

( Pre/post workout) يعني قبل + بعد التمرين أم إما قبل أو بعد التمرين واذا قبل التمرين قبله بكم أو بعده بكم ؟؟

ممكن تعطيني أنواع ممتازة مثال : Whey Protein
ELITE GOURMET WHEY PROTEIN


يعني اذا كا ن هناك انواع من شركات معينة تعتقد انها افضل ياليت ما تحرمنا من خبرتك


وعندي سؤال بسيط

Reps + Sets اللي في الجدول المقصود فيهم
reps 11 يعني اسوي التمرين احدعشر مرة و sets 2 يعني اسويه احدعشر مرة مرتين صح ؟

اذا كان كذلك فهل هناك فترة صغير راحة بين الـSets أم الراحة هي فقط فترة التنقل من تمرين الى آخر

[steelz]

اخي البارسا هل تنصح بمنتجات حارق الدهون وهل هناك نوع معين يمكن استخدامه عندي قليل من الدهون في منطقه البطن اريد التخلص منها بسرعه

اجد تقدم واضح من استخدام نترو-تك مع سيل-تك وجلومتين في بنامج التضخيم خلال اسبوعين الماضيين واخطط للمتابعه لمده 8 اسابيع مع هذه المنتجات سويه قبل ايقاف سيل-تك

[vip01]

اخي البرسا ارجو منك المساعده عندي whey

وايضا عندي n.o.xplod
اريد المساعده في كيفيه الاستعمال الاصح وجزاك الله خيرا وسامحني لاني اتعبتك

[al3neeed]

• Whey Protein (pre/post workout)
• Creatine (daily/post workout)
• Simple Carbs (post workout only)
• Multi-Vitamin (every morning)

( Pre/post workout) يعني قبل + بعد التمرين أم إما قبل أو بعد التمرين واذا قبل التمرين قبله بكم أو بعده بكم ؟؟

ممكن تعطيني أنواع ممتازة مثال : Whey Protein
ELITE GOURMET WHEY PROTEIN


يعني اذا كا ن هناك انواع من شركات معينة تعتقد انها افضل ياليت ما تحرمنا من خبرتك


وعندي سؤال بسيط

Reps + Sets اللي في الجدول المقصود فيهم
reps 11 يعني اسوي التمرين احدعشر مرة و sets 2 يعني اسويه احدعشر مرة مرتين صح ؟

اذا كان كذلك فهل هناك فترة صغير راحة بين الـSets أم الراحة هي فقط فترة التنقل من تمرين الى آخر

pre ـعني قبل التمرين .. post بعد التمرين .. تستعمله قبل التمرين بـ 30-45 دقيقة للأغلب .. في مكملات قبل التمرين بـ 15 دقيقة ..
الوي بروتين عندكبروتين مصل الحليب الاول عالمياً حسب موقع bodybuilding والاكثر طلباً وهوو Optimum 100% Whey Protein



وفي اللي بعده بالترتيب واستعمله شخصياً .. MuscleTech Nitro-Tech Hardcore




تفسيرك صحيح عن الـ rep & set .. بين الـ جلسة والثانية تريح من 30-60 ثانية لا أكثر .. وبين تمرين وتمرين دقيقتين

[AI_BARCA]

كابتن شو جدولك اليومي في الاكل

الشوفان هلو يضاف ويا الحليب ويشرب ولا مع شي معين
والشابوره شورايك فيها

وشو المطرود
وتسلم الكابتن

والله شوف مالي جدول معين للأكل لأني ما احب الالتزام بوجبات في اوقات ونوعيات معينة

اعرف الـ 12 نوع من الاطعمة اللي لازم التزم فيهم ويكون عندي في الثلاجة مثلاً الخضار والزبادي والحليب والجبن قليل الدسم والتركي وصدور الدجاج والفواكه والخ الخ الخ

وعلى الرف موجود البيض والشوفان وزبدة الفول السوداني والتونة والخ الخ الخ

جاء وقت الوجبة اشوف نفسي لايش تميل وايش تتقبل فأعرف مثلاً قمت الصباح اخذلي 5 بيضات مسلوقين بياض بس وممكن واحدة مع الصفار + مثلاً توست بزبدة الفول السوداني وممكن اضيف التركي في بعض الاحيان + كاسة حليب وياها قليل من الشوفان

تجي فترة قبل الظهيرة ممكن اخذلي تفاحة خضرا مع موزة وقليل من المكسرات مثلاً

وجبة الغداء ممكن اكلي صدر دجاج او علبة تونا + بطاطا حلوة مسلوقة + زبادي قليل الدسم + سلطة وان ما كان في سلطة يكون جزرة وخيارة

قبل التمرين اذا في منتج استخدمه استخدمه مافي اخذلي امينو اسيد او حاجة فيها سكر وكاربز وانا رايح للتمرين

اخلص تمرين على طول بروتين

بعدها بساعة وجبة العشاء ممكن قطعة دجاج او تونة + بروكلي مسلوق + كوب حليب مع الشوفان + موزة

قبل النوم بروتين

انتهى ...

بس مافي التزام يومياً كذا يعني اعرف شو اكل وانا اقرر ايش اكل في كل وجبة لانه ممكن احط ببالي باكل تونة على العشا ما يكون لي نفس اكل دجاج وهكذا

بخصوص الشوفان وطريقته .. ماله طريقة .. كيف تتقبله انت اخذه .. يعني لو تقدر تاخذه ناشف كذا اخذه .. تقدر مع حليب اخذه .. تقدر مع شي ثاني اخذه .. انا بصراحة ما اقدر على طعمه بس اتغصبه مع الحليب لانه مفيد فأعمل نفسي مش حاس فيه ^_^

بخصوص المطرود هي شركة سعودية اظن لصناعة الرغيف

انا اقصد السندويش او احنا نسميه الروتي يعني ^_^ مالهم ممتاز من النخالة وفيه الحبوب الكاملة مثل بذرة الكتان والسمسم وهكذا

------------------------------------------------

اخوي arbeh

آمين آمين آمين

وبخصوص جيتك للبحرين اللي في السيف ما سمعت عنه بس يمكن يقصدون عطار او شيء ففي اختلاف

في محلات مثل بيج ماسل .. وفي رويال ماجستي .. وفي بيت الطاقة .. يعني في كذا محل

وممكن لو جيت البحرين تتصل فيني لو تحتاج حاجة او محتاجة او اني ادليك المحل

وبخصوص موقعي فهو يخص برشلونة ^_^ وليس كمال الاجسام

---------------------------------------

اخوي Freezard

شوف مافي شي اسمه جسمك ما يقبل الفات .. فهذا كلام غير منطقي .. جسمك يحرق بسرعة ممكن ولكن انه ما يقبل الفات شوي قوية قولها لمدربك ^_^

الجسم يحتاج دهون يومياً لذلك ليس كل الدهون ضارة .. صحيح انت مثلاً ممكن ما تلاحظ انك ضفت دهون او كذا .. ولكن وزنك يزيد وتزيد الدهون معاه ببطئ بس كونك ضعيف يمكن ما تلاحظ .. يمكن تشوفها على المدى البعيد لما يزيد وزنك اكثر

لذلك البروتينات الجينر انا شخصياً افضل استخدامها صباحاً اول ماتصحى وبعد التمرين .. قبل النوم فيها كاربوهيدرات وايد ودهون الجسم ما بيقدر ياخذها صح بتتحول لزوايد ودهون زائدة

بخصوص الكريتين من قالك بتصير خيالي !! ^_^

ومن اللي قص عليك وقالك بتشيل 50% في يوم وليلة ولا اسبوع !!

الكريتين يساعد في بناء العضل ويساعد في الطاقة والقدرة على التمرين ولكن ليس شيء خيالي .. بخصوص استخدامه هو لازم اول خمس ايام يسموه التحميل .. بس بعدين تستخدمه مرة او مرتين في اليوم ولا معقد ولا حاجة

بخصوص الجدول المهم كل شهر او شهر ونصف تغير الجدول اياً كان .. وتغير ترتيب العضلات كذلك لو كنت تلعب صدر مع باي في الجدول الاخر ممكن صدر مع تراي .. بعدين ممكن الجزء العلوي يوم والجزء السفلي يوم وهكذا
-------------------------------

الاخ homaid نعم طبيعية ومافيها ضرر من يوم ما انوجدت الوي بروتين والكريتين والملتي فيتامين لم يُسمع لهم ضرر ولا احد اصيب بشيء منهم .. ولكن دائماً هناك تحذيرات للاشخاص اللي فيهم امراض او قلبهم مش مضبوط او امراض اخرى انهم ما يستخدمون هالامور لانها بتأثر عليهم .. ولكن الشخص الطبيعي وفوق 18 سنة لا ضرر ان شاء الله

-----------------------------------

الاخ fabre

اقصد مثلاً للصدر لو لعبت ثلاث لعبات مثلاً تكون لعبة 4 جلسات ولعبتين 3 و 3 كم بيصير المجموع عندك 10 تمارين او جلسات ككل صح هذا ما اقصده والتكرار يكون من 6-10

بخصوص الباي والتراي للعضلة الوحدة ماتزيد عن 9 جلسات لو لعبت ثلاث العاب للتراي مثلاً تقسمها 3 جلسات لكل لعبة يعني ممكن والباي نفس الشيء والتكرار يكون من 6-8

تحياتي

[AI_BARCA]

الاخ sikorex

أنا أبلغ من العمر 21 سنة و طولي 1.75متر و وزني 64 كيلو و أتناول extralevure ستة حبات في اليوم 2 قبل الفطور 2 قبل الغداء 2 قبل العشاء أريد أن أصل الى 75 كيلو هل هدا ممكن أم لا
مع العلم أنني أمارس كمال الأجسام مند أسبوعين

اولاً ممكن طبعاً مع الاكل السليم والتمرين السليم ممكن .. بخصوص ما تستخدم لاعلم لدي عنه بصراحة

ممكن تزيد كربوهيدرات في اكلك وخاصة مثل البطاطا والرغيف الاسمر والخبز الاسمر والرز الاسمر والخ من امور وتأكل بطريقة 6 وجبات يومياً

وممكن تستعين بالبروتين + الملتي فيتامين + الكريتين

--------------------------

الاخ مذووب

انا العب حديد من 3 شهور تقريبا .... بس انا مشكلتي في زيادة الاوزان ... الاوزان خفيفه واذا على كذا يبغالي مية سنه لين اوصل اوزان كبيره

هل تنصحوني بنوع بروتين او اكله تقوي العضلات

وهل فيه اكله معينة تعطي طاقه ونشاط في التمرين غير الكرياتين

بخصوص الاوزان ايضاً مش في اسبوع راح ترفع وزن زيادة

اولاً اكلتك قبل التمرين لازم تكون مليانة كاربوهيدرات علشان تعطيك طاقة للعب

بخصوص الاوزان انت المفروض كل اسبوعين او ثلاثة تحاول تزيد ربع كيلو مثلاً في البنج ولو ماتقدر تخلي المدرب او حد يساعدك وتحاول تكمل الجلسات اللي تقدر علشان تقوي العضلة عندك ومع الوقت بيصير عندك الوزن عادي وبعدين برضوا تضيف ربع وهكذا

يعني لاتفكر انك كل اسبوعين راح تزيد وزن ^_^

بخصوص امور الطاقة راجع بعض الكتابات او الشباب يفيدونك بالخلطات وجذي اللي انا حطيتهم قبل

او الشوفان مع وجبة الغداء + البطاطا المسلوقة تعطيك كاربوهيدرات عالية للعب بنشاط في التمرين

----------------------------------------------

الاخ OnlineGmaes

بخصوص قبل وبعد اجابك اخونا العنيد اعتقد

بس بخصوص الوقت يعتمد كل منتج يختلف ويكتبون عليه دايماً متى تاخذه قبل التمرين ومتى بعد التمرين

ولكن البروتين معروفة بعد التمرين مباشرة في مدة لا تتعدى 30 دقيقة

بخصوص الست جاوبك العنيد ايضاً وبخصوص الراحة بين الجلسة والاخرى من 30-60 ثانية وبين اللعبة واللعبة 60-90 دقيقة

بخصوص انواع البروتين في النوع اللي انت حطيته ممتاز في الاوبتيمم اللي موجود في الردود هنا ممتاز في النترو تيك اللي حطه العنيد ممتاز في كذلك



وعندك البرو كومبلكس كذلك

-------------------------------

اخوي steelz حسب ماهو واضح انك تقوم بعملية تضخيم فمن الطبيعي وجود بعض الدهون وتتخلص منها وقت التقسيم بالكارديو افضل من ان تستخدم فات بيرنر

ومن احسن انواع الفات برنر الموجودة الليبو 6 والهايدروكس كات من نفس شركة مسيل تيك

--------------------------------------

الاخ vip01

بخصوص الوي بروتين اول ماتصحى + بعد التمرين مباشرة + قبل النوم مباشرة

لو حبيت ممكن قبل التمرين بساعة بس مش لازمة اوي على قولة اخواننا المصريين

بخصوص النو اكسبلود دامك تستخدم لا تستخدم بروتين قبل التمرين

فاستخدامه قبل التمرين بـ 30-45 دقيقة

ابدء اول اسبوع بواحد سكوب في الاسبوع الثاني تقدر تزيد إلى 2 سكوب

ولو تضيف وياهم غلوتامين حق بعد التمرين يكون تمام

تحياتي