موضوع كامل للطلبات والاستفسارات .. تمارين .. مكملات .. تغذية !!

[مجهووووووووول]

السلام عليكم...

اخ البرسا اشتريت البروكمبليكس كم اسكوب اخذ باليوم يكفي واحد والا اثنين ..

بخصوص الكرياتين هل لما اوقف استخدامه نهائيا هل تقل اوزان اللي اشيلها ؟وكذلك بخصوص الواي؟

بخصوص الليبو 6 هل يفيد فعليا في تخفيف الوزن مع الريجيم؟؟وفي خلال كم الاحظ ذلك؟وكيف طريقه الاستخدام الصحيحه؟

[khzzar]

أخوي حياك الله .. وشكرا على الدعم ..

هذا البروتين اللي استخدمه .. وفي الواقع هو gainer
http://superpowertech.com/moduser2_b...20Turbo%20Size

وقلت لك اسم الكرياتين اللي استخدمه اللي علبته بنفسجي فوسفاجين إليت ..

السؤال هل يمكن الجمع بين الاثنين .. ؟؟

والف شكر لك يا غالي ..

[homaid]

كابتن البرسا للضخامه احسن الواحد يستعمل وي بروتين اوبتمم لو الجينر لنه يقولون ذاك بروتين صافي ما بساعدك على الضخامه مثل الجينر شورايك بهالكلام
واذا كان للضخامه شو احسن جينر في تشوفه بخصوص قياسات الماي والبودره والسكوب كيف الواحد يعرف القياسات المطلوبه مره سكوب ييك بلا قياسات ومره فيه قياسات ممكن تشرحلي هالنقطه مع الكربوهيدرات اللي في المشاركه اللي قبل وتسلم كابتن

[SKiLLLeT]

أخوي انا عندي سؤال. انت دكتور تغذية ؟؟ ولا مدرب خاص ؟؟ وجم سنة صارلك لو انك مدرب خاص أو دكتور تغذية

[steelz]

اخي البارسا

- في فتره التقسيم هل تنصح باستمرار اخذ الكريتين ام التوقف عنه.

- هل تنصح ايضا ب فات برنر ALLMAX Nutrition™ CLA95 وهل هناك تأثيرات جانبيه من استخدام فات برنر .

شكرا اخي البارسا

[روضان]

السلام عليكم
اخوي البرشا شلونك حبيبي شخبارك
اول شي يعطيك الف عافيه على نصايحك المستمره للأعضاء
واناا الحين خلصت الاغراض اللي قلت لي عنهم اللي اهم الانابولك هالو والنانو فابور والبروتين اللي عندي
لكن ما اقولك حصلت نتيجه وااو لكن الحمدلله
في شي بسيط لكن حاالياً شنو تنصحني اسوي استمر في النادي بدون شي او اشتري شي ثاني ؟؟ وشاكر لك تعاونك

وانا موجود على النت للساعه 11 تقريباً انتظر ردك
شكراً لك

[AI_BARCA]

السلام عليكم ورحمه الله وبركاته

مشكلتي هي كبر المؤخره والارداف والفخذين

بختصار الجزء السفلي من الجسم

علما بان وزني 103 كيلو وطولي 176 تقريبا

الكثير نصحوني باستخدام جهاز الدراجه لازاله الدهون

اتمنى ان اجد الحل عندكم

الاكل مع نظام غذائي ذو 2000-2500 سعرة حرارية + الكارديو اللي هي تمارين الحرق سواء الدراجة الهوائية او جهاز المشي او غيره .. ولكن 5 مرات في الاسبوع على الاقل لمدة لاتقل عن نصف ساعة على الاقل في المرة الواحدة

مع تمارين الحديد وتقدر تاخذلك ملتي فيتامين ووي بروتين وكريتين لو حبيت

--------------------------------------------------

الاخ khzzar بخصوص الكريتين اظن جاوبتك

وبخصوص البروتين تاخذه مرتين في اليوم 3 سكوب في كل مرة

نعم يمكن الجمع بينهم

---------------------------------

homaid قلتلك وسبق وشرحتلك يوم اتصلتي اخر مرة بخصوص الجنير والوي وانه السعرات تختلف وممكن تستخدم الوي حق قبل النوم وتستخدم الجنير الصبح وبعد التمرين لانه سعراته عالية

بخصوص الكاربوهيدرات اقرء اللنك اللي وضعه لك الاخ العنيد

وبخصوص السكوب كل منتج تشتريه مكتوب عليه الحصة كم سكوب وكيف تستخدمه .. وكل منتج لازم داخله سكوب والسكوب يعني الملعقة الموجودة كاملة اللي داخل العلبة او الكيس

ويختلف من نوع لي نوع

-----------------------------------------

الاخ SKiLLLeT

انا لا دكتور ولا خبير تغذية ولا مدرب

انا خريج مدرسة التجربة ومدرسة الحياة والممارسة

ومدة لعبي ما يقارب سنتين ونصف ليست متواصلة ولكن تقريباً سنتين ونصف فيها تقطع شهرين مرة وشهر في رمضان اللي فات بسبب ظروف الدراسة ولكن اللعبة جزء لا يتجزء من حياتي

-----------------------------

الاخ مجهووووووووول

بخصوص البروكومبلكس اولاً في نوعين في العادي وفي الجنر اذا كان العادي اللي سعراته ما يقارب 280 سعرة في الحصة

وبخصوص الكريتين لا اكيد ماتقل وحتى لو تركت الوي بروتين دام انك محافظ على وجباتك وتمرينك

وبخصوص الليبو 6 نعم يساعد في ازالة الدهون وانقاص الوزن مع النظام السليم والكارديو وطريقة استخدامه راجع كذا صفحة في الخلف ستجد طريقة مفصلة له

------------------------------

الاخ steelz

الكريتين مفيد في التضخيم والتقسيم .. بالعكس انصح فيه ولكن طبعاً كما نوهنا الكريتين ينأخذ 8 اسابيع كحد اقصى ويتم ايقافه 4 اسابيع واتكلم هنا عن البيور كريتين

بخصوص الفات بيرنر هالنوع اللي كتبته ما اعرفه حسب ما اعرف احسن نوعين عالمياً وفي السوق الليبو 6 والهايدروكس كات من شركة مسيل تيك

----------------------------------
الاخ روضان

هلا فيك حبيبي

طبيعي احنا قلنا هذي امور مساعدة يعني مش شي وااااااو بتشوف تغير جذري

بس اظن في فايدة وتغير صح مع انه صارلي يمكن نصف شهر اذا لم تخني الذاكرة من استخدامهم

لذلك استمر باستخدام نفس الامور لمدة 6 اسابيع

يعني لو صارلك اسبوعين من استخدمتهم واصل بعد 4 اسابيع

لو صارلك 3 اسابيع من استخدمتهم كمل 3 اسابيع اخرى

وبتشوف نتايج احسن ان شاء الله

بس ياريت تخبرنا شو النتائج اللي حصلتها وهل حسيت في فايدة او لا وفي تغيير او لا وكم المدة اللي صارلك منذ استخدامهم

تحياتي

[al3neeed]

تنويييييييه مهم للجمييييع

لن يتم الرد على استفساار او أي سؤال تمـ طرحه سابقاً وتمت الاجابة عليه..

ياجماعة تعبوا نفسكمـ شوي وابحثوا واقروا من من بداية الموضوع ..

يعني والله أغلب الاستفسارات تم الإجابة عليها .. ف بـتلاقو كل اللي يفيدكمـ ان شالله

ومشكوورين ..

[روضان]

هلا حبيبي
صارلي تقريباً 15الى20 يوم معاهم
وفي تغيير بس بسيط جداً
والحين خلصتهم كلهم
هل اشتريهم مره ثانيه وابدا من جديد فيهم ولا فيه مضره ؟

[AI_BARCA]

الاخ روضان اكيد بتحس بتغير بسيط جداً مقارنة بالمدة يعني اسبوعين تقريباً ما بتحس بفرق كبير بس دام حسيت في تقدم واستفادة يعني شيء حلو

ايوه اشترهم قلتلك يعني لمدة 6 اسابيع استخدمهم النانو والانابوليك هلو

بعدين توقفهم يعني الحين واصل عليهم لين تخلص كامل 6 اسابيع منذ اول مرة استخدمتهم

تحياتي

[prouder]

السلام عليكم

اول شي يعطيكم العافيه

انا عندي مشكله ابيكم تفيدوني

انامتين<< يعني بطه سويت رجيم من قبل ضعفت 12 كيلو بس بعدين وقفت بسب الامتحانات انا الحين يمكن وزني 133 وطولي 184 انا مكرش وفي ترهلات في منطقه الصدر والارداف كل
ابي اضعف وشيل الكرش وانا عمري18 يعني توني شباب

حبيتكم تفيدوني انا بدخل نادي << جيم ابيكم تقولولي شسوي يعني شكثر امشي بالنادي العب حديد ولا لا جم ساعه امشي بالقاري اكل بروتين ينشف الدهون الي فيني اوو يعني شسوي
بس ابيكم تقولولي

شسوي كل يوم تعطوني جدول او شي اني اضعف

وشكرا

وكتبو كل شي تعرفونه بس سااعدوني

[EVIL KNIGHT]

اخوي اذا ما عليك امر حاب اسئلك كم سؤال ولد عمي توه عمره 15 سنة ويلعب حديد من 6 شهور تقريبا فاحاب اسئلك هل في مضرة اذا لعب في عمره هذا اذا لعب حديد وهل يجوز ياخذ بروتينات اذا يجوز ويش تنصحه ياخذ

[al3neeed]

اخوي اذا ما عليك امر حاب اسئلك كم سؤال ولد عمي توه عمره 15 سنة ويلعب حديد من 6 شهور تقريبا فاحاب اسئلك هل في مضرة اذا لعب في عمره هذا اذا لعب حديد وهل يجوز ياخذ بروتينات اذا يجوز ويش تنصحه ياخذ

هلا أخووي ..

ممارسة الرياضة وتقوية البدن حلوة .. وحلو يوم انه دخل يلعب وهو صغير ..

توه الناس عليه على سوالف المكملات والبروتين ووو .. اكل سليمـ وتمرين حلوو وراحة

والله كل المكملات مكتوب عليها .. 18 سنة .. و أفضل له إنه يستمر بدون أي شي ..

[JUDYAR]

كيفك اخويه العزيز

ان شاء الله بخير

بالنسبة هل فتره
=
امتحانات واكيد واحد يقطع اايام . فهل من شئ يساعد على عدم اهمال العضله ؟؟؟

=

وبالنسبة بعض الاحيان مايكون عندي مجال لكذا عضله هل ثاني يوم العب العضله ليومها او العب الي نسيتها ؟؟؟

=

[al3neeed]

كيفك اخويه العزيز

ان شاء الله بخير

بالنسبة هل فتره
=
امتحانات واكيد واحد يقطع اايام . فهل من شئ يساعد على عدم اهمال العضله ؟؟؟

=

وبالنسبة بعض الاحيان مايكون عندي مجال لكذا عضله هل ثاني يوم العب العضله ليومها او العب الي نسيتها ؟؟؟

=

هلا اخووي .. بالتوفيق احنا خلصنا

المهم .. تقدر تقلل عدد ايامكـ اللي تروح فيها للجمـ .. مثلاً الجمعه والسبت تروح تلعب full body ... .. او انك توقف وتستمر ع الاكل .. وتقدر تسويلك تمارين push up و aBs في البيت .. وتمارين خفيفه المهم تحرك نفسكـ .. او توقف عادي الجسم مابيتأثر من اسبوع .. ناس وقفوا اللعب شهور ورجعوا .. لاتخاف .. استمر ع اكلكـ المهم .. واذا تروح ايام الإجازة الجم حلوو