بصراحه كوين
اشوف ان المدرب مو غلطان
يعني داخل من دون اعداد
وفي مجموعه فيها فريقين متطورين جدا
البحرين وعمان
وفريقين سريعين
يعني لو هجم الكويت اي مرتده لهم 70% هدف
لازم يدافع لازم يسكر
خصوصا ان المنتخب الكويتي بدنيا لج عليه
يعني ما يصير يطلب منهم دفاع ونفس الوقت هجوم
جذي مبارتين
تشوفين اللاعبين منتهين
لأنهم ما اعدوا بشكل جيد
بصراحه انا اشوف
ان المدرب مو غلطان لكن كان خواف شوي
وما الومه لأن اي غلطه يعني الكويت لن يتأهل
خصوصا ان واااجد جاهزين للنقد الغير بناء وان اهو مدرب نوادي مو مدرب منتخب
والفريق كان فيه الروح والاداء القوي
خصوصا الدفاع والحارس
تقولون الحبسي ووليد ما يدخل فيهم هدف
عدوا الهجمات اللي ابعدهم الخالدي
واجمعوا الهجمات اللي ابعدهم الحبسي ووليد عبدالله
وشوفوا منو اكثر
الخالدي دخل عليه هدفين واحد غير صحيح
وواحد ما يتحمله أهو
والدفاع والله ما قصروا
نهير يمكن اخر مباراة خارها شوي
لكن والله وحوش
المنتخب كل بدع ما عدى ولد العم بو عجب للأسف
وان شاء الله يرجع لمستواه
وبما ان الروح موجوده والجماهير مع المنتخب
ان شاء الله البطولات الجايه نشوف تحضير جيد
مباريات وديه مع منتخبات ذات مستويات عاليه
وان شاء الله نشوف الازرق من اقوى منتخبات الخليجيه
الخطأ يتحمله الاتحاد الكويتي
يعني شنو ضره لو طلع الفريق يتحضر ويستعد حتى لو ما شارك بكأس الخليج
ان شاء الله احمد الفهد قدها ويبيض وجيه الجمهور الكويتي
ومشكوره كوين على الرد