أي سؤال أو أي أستفسار عن أي شي في فاينل فانتسي 8 تجدونه في موضوعي و أنا تحت الخدمة

**Majid Ali** · 22-02-2002, 12:43 AM

مشكور تيدوس على هالحل الغزير

وبالنسبه لايرفين انا اعرف كل اللي قلت بس مشكلتي اني ما اوادي ان يروح من اي ايتم

يعني بالعربي اي ايتم اخذه يبقى محفوووووووووووووووووووظ لاخر اللعبه الا في بعض الحالات اللي لازم عاد

والسبب ان هذي طبيعتي بهالالعاب علشان اذا وصلت اخر شي واثري مريش وبعض الاحيان اخلص اللعبه وانسى استخدمها

**Fly_Batman** · 22-02-2002, 12:58 AM

طيب كيف اعرف المواد المطلوبة في تطوير الاسلحة وكيف اعرف ان سلاحى تطور

**Fly_Batman** · 22-02-2002, 01:20 AM

هههههههههههههههه اما شنو الحلو بايرفين ههههههههههههه انا كنت مثلك قبل كان ايرفين بعيني حق بنات و انتهت السالفه حاطينه يلطف الجو بس باللعبه بس .......
انت عمرك قويت السترينجث حقه و بدلت SHARP SPIKE ب AP AMMO و سويت ال LIMIT BREAK و ضغطت على R1 عمرك سويت هالحركه ؟؟؟

يكون فعلمك لولا هالحركه ما نهيت فاينل خير شر ........

و لو تبي تشوف العدو يتنتف قدامك سو هالحركه و طالع شيصير تقريبا فوق اكثر من 15 او 17 ضربه بوقت واحد و كل وحده منهم 9999 مع اني ادري ان ليون هيرت اقوى بس هذي ثاني اقوى حركه باللعبه كلها فلو حطيت ايرفين راح تفوز بسرعه و ما تحتاج لسيلفي ........ هذي وجهة نظري انا احب الهجوم و الاثاره اكثر من الدفاع و احب يكون اللعب صعب

كيف اسوي الحركة التى تكلمت عليها

مع العلم انى مافهمت شئ من الاسامى

وعندى سؤال انا لما اروح محل الادوات الاقى ادات على شكل مسدس بس ايش فايدة هذه الاداة":"
وارجو انى ماازعجتك":"

**Tidus** · 22-02-2002, 09:36 PM

كتب العضو (majid Ali)
مشكور تيدوس على هالحل الغزير
وبالنسبه لايرفين انا اعرف كل اللي قلت بس مشكلتي اني ما اوادي ان يروح من اي ايتم يعني بالعربي اي ايتم اخذه يبقى محفوووووووووووووووووووظ لاخر اللعبه الا في بعض الحالات اللي لازم عاد
والسبب ان هذي طبيعتي بهالالعاب علشان اذا وصلت اخر شي واثري مريش وبعض الاحيان اخلص اللعبه وانسى استخدمها

العفو و بعدين هي مو تستخدمها هي تستبدلها بال AMMO RF الي عند IFRIT و تاخذ بدالها AP SHOT و هي الي تخليك تستخدم ال LIMIT BREAK ل IRVIN .............استخدمها تحطيم الحركه ترى نتف مناتف

**Tidus** · 22-02-2002, 09:51 PM

كتب العضو (fly_batman)
طيب كيف اعرف المواد المطلوبة في تطوير الاسلحة وكيف اعرف ان سلاحى تطور

انت لو اخترت اسم الشخصيه كما هو موضح في الاعلى

و اخترت السلاح راح تطلع قائمه مكتوب فيها الادوات المطلوبه و انت كم عندك اداه منهن الى الان ........

مثلا ليون هيرت لو اخترته يطلعلك هالشكل :

Adamantine :
0/2
Dragon Fang :
5/4
Pulse Ammo :
3/6

هذا طبعا مثال ندرس هالحاله الحين ":"

طبعا هذي الادوات الي لازم تجيبها عشان تطور سلاحك الى ليون هيرت ......ادات Adamantine لازم تجيب منها 2 و انت حاليا عندك 0 يعني شي سيء لازم يكون عندك اثنين دور عليها و رد

ادات Dragon Fang انت عندك خمس

هم يبون منك بس اربع شفت شلون انت شاطر الحين ما يحتاج تدور عليها عندك انت ماخذها بس انا متاكد انك ما تدري من وين هههههههه

ادات Pulse Ammo هم يبون منك سته انت عندك للاسف بس 3 يعني لازم تجيب ثلاثه ثانيات

و بعد ما تجيبهم لازم تكون عندك الفلوس الكافيه عشان تطور السلاح اما من ناحية شلون تعرف ان السلاح متطور فمن شكله سلاح ليون هيرت شكله عجيب غريب يضيء بشعاع ازرق و شكله حلو حيل

و فيه طريقه ثانيه و هي انك تشوف عداد السترينجث و انت تاخذ السلاح فلو اشر باحمر يعني انت عندك احسن منه و ما يحتاج تطور اما لو كان اصفر فانصحك تاخذه عشانه احسن اما لو كان ابيض فنفس السلاح هذا موجود عندك حاليا

اتمنى انك تكون فاهم شرحتلك بالتفصيل الملل

**Majid Ali** · 22-02-2002, 09:58 PM

كتب العضو (Tidus)

العفو و بعدين هي مو تستخدمها هي تستبدلها بال AMMO RF الي عند IFRIT و تاخذ بدالها AP SHOT و هي الي تخليك تستخدم ال LIMIT BREAK ل IRVIN .............استخدمها تحطيم الحركه ترى نتف مناتف

اي نو
بس انا مايهمن اي شي
اكبر همي ان ادواتي ماينقص منهن ولا حته الا بالضروره وهذا طبعي

وتبي الصراحه انا اذا بغيت انتفهم، زيل +اورا مايقصرون

وسكوال بعد

**Fly_Batman** · 22-02-2002, 10:27 PM

طيب من فين اجيبها

من اي نوع من الاعداء

**Majid Ali** · 22-02-2002, 10:39 PM

كتب العضو (fly_batman)
طيب من فين اجيبها من اي نوع من الاعداء

يقولون الابتسامه بوجه اخيك صدقه وانت ماشالله هالبتسامه دااااااااايم شاقتن حلقك

وبالنسبه للادوات انواع كثيييييييييييره ما نقدر نقولها بس انت قل اي اداة معينه وراح نجي موقعها لك انشالله ، ايضا ان كنت تعلمت كارد مود لا تنسى تجرب تحويل الكروت لادوات لانها ممكن تطلعلك ادوات قويه
واي عدو تشوفه حط ببالك انه يجب عليك انك تسرق منه قبل لا يموت
وايضا رح لخيار تحويل الادوات عندك وناظر يمكن تقدر تحول بعض الادوات اللي عندك لاداة ثمينه ، هذي الخانه هي الابيليتي ان كنت ماني ناسي

**Fly_Batman** · 22-02-2002, 10:40 PM

وترانى في الدسك الاول

وخلصت اختبار الرتب الثلاثين كلها

**Fly_Batman** · 22-02-2002, 10:43 PM

هذى الأدوات وانا في الدسك الاول

Adamantine :
Dragon Fang :
Pulse Ammo :
(((وكيف اسرق من العدو الأدوات)

**Majid Ali** · 22-02-2002, 10:54 PM

كتب العضو (ريـــنــــوا)
بالنسبه لتطوير الاسلحه ... هذه هي الاسلخه الاخيره لكل الشخصيات و المكان الي تلاقيها فيه.
سلاح سكوال Lion Heart :
تحتاج :
1 Adamantine و تلاقيها بتحويل بطاقه Minotaur ( واحد من البرذرز ).

4 Dragon Fang اسرقها من Blue Dragon وحش موجود في جزيره كلوسس تو هيل.

12 Pulse Ammo حول 3 Energy Crystal الى 12 Pulse Ammo.

سلاح رينوا Shooting Star :
2 Windmill اسرقها من Thrustaevis الموجود حول تيمبار أو حول بطاقة Abyss Worm.

1 Regen Ring تلاقيها مع Chimera ( الوحش الي شكله مثل النمر ) و تلاقيه في منطقه ايسثار ( بعد ما ترجع من الفضاء ) أو انك تحول بطاقه Chimera كل عشره منها الى وحده Regen Ring.

1 Roce Armlet و تلاقيها مع ايدايا لما تحاربها مره ثانيه و مع وحش أسمه Ochu أظن تلاقيه في غابات تيمبار.

Energy Crystal تلاقيها مع وحش أسمه Elnoyle تقدر تلاقي هذا الوحش في الشريط الثالث في مدينه ايسثار لو دورت بالمدينه تلاقي جندي لابس أسود كلمه و تدخل معركه مع Elnoyle و عشان تقتل الوحش بسرعه أربط ديث مع سلاح شخصيتين عندك. أو أنك تحول عشره من بطاقاته ألى واحد Energy Crystal.

سلاح زيل Ehrgeiz :

1 Adamantine و تلاقيها بتحويل بطاقه Minotaur ( واحد من البرذرز ).

4 Dragon Skin تأخدها من Blue Dragon بعد ما تفوز عليه.

1 Fury Fragment تسرقها من Blue Dragon و تأخذها من Red Dragon و Blue Dragon بعد ما تفوز عليهم.
و ممكن تحول كل 4 بطاقات من Blue Dragon الى وحده Fury Fragment.

و عشان تجيب هذه الاسلحه لازم يكون عندك مجلة Weapons Mon 1st و مجلة Weapons Mon Mar .... ولو ما عندك أقول لك مكانها.

صح أكمل باقي الاسلحه بعدين..

شباب هذه ردي الـ 1000

كتب العضو (ريـــنــــوا)

كلام صديقك صحيح ... بس السلحفه هذه نادرا ما تجيب لك الايتم Adamantine فأسهل لك لو حولت بطاقه Minotaur بس لو ما عندك البطاقه .... حاول مع السلحفه

**H.warrior** · 22-02-2002, 11:07 PM

شباب انا في الدسك الثالث وتوي الحين
منقذ رينوا من الفضاء ونزلت للسفينة
والحين كل ما امشي يجيني وحوش الوان واشكال
الاحمر والاخضر والازرق وماعرفت اسوي شئ
فلو سمحت دلوني

**Majid Ali** · 22-02-2002, 11:14 PM

كتب العضو (stone could)
شباب انا في الدسك الثالث وتوي الحين
منقذ رينوا من الفضاء ونزلت للسفينة
والحين كل ما امشي يجيني وحوش الوان واشكال
الاحمر والاخضر والازرق وماعرفت اسوي شئ
فلو سمحت دلوني

هبلوبك

انا مثلك اول ما شفتهم

بالسفينه الراجنا روك 8 وحوش ملونين 4 الوان يعني كل وحشين لون
لازم تقتل الوحشين من نفس اللون ورا بعض لاعلى طول من دون اي فاصل من لون اخر يفصل بينهم كذا يخلصون بعدين روح لغرفة القياده

**H.warrior** · 23-02-2002, 12:53 AM

شكرا علي الحل

**Majid Ali** · 23-02-2002, 01:03 AM

العفو

الموضوع: أي سؤال أو أي أستفسار عن أي شي في فاينل فانتسي 8 تجدونه في موضوعي و أنا تحت الخدمة

أدوات الموضوع

ضوابط المشاركة