موضوع نقاش لعبة Street Fighter IV

[Dukefleed]

الحين من فترة كاره اللعبة بسبب اللاج -_- ما دخلت من يومين على البي اس 3.. ولعبت كم جيم ويا ربيعي على الاكس بوكس امس وكان لاج مع انه اصفر.. مادري ليش. قهر

انا الصراحة يقهرني شي واحد عن العرب.. ومعظم الناس بعد مب بس العرب. كلهم ياخذون كن ! ليش مادري. المشكلة ما بقول شي لو يعرفون يلعبون ب كين لكن طريقة لعبهم موول ما تساعد للأسف.. ويا ريت يحاولون يتعلمون بعد. واللي يقهرني زيادة وزيادة انه يوم تغلبه، ياخذلك ريو او اكوما، على اساس انهم كلهم نفس الشي يعني في نظره.. وهالكلام الصراحة مب صح. (ما اقصد اضايق حد بهالكلام، لكن الصراحة اللعبة تحلى يوم الواحد يعرف يلعبها.. )

أنا أتضايق لما اشوفهم لسبب واحد.. كلنا نقدر نتعلم.. شوفوا أكوما اللي غلب Daigo مثلاً.. ليش اللي يلعب اكوما ما يتعلم منه؟وليش اللي يلعب ريو ما يتعلم من دايجو؟ وعندك ناس والله يلعبون بكين بطريقة حلوة.. ما اقول تعلموا كل الحركات لكن شوي شوي.. انا واحد ناوي العب هاللعبة لفترة طويلة وأتمنى ما اشوف العرب موقفين لعب من الحين.. ولا شو رايكم؟ أدري انه فيه ناس تلعب اللعبة عشان تستانس وبس ومب ناوين يتعلمون ويتعمقون في اللعبة.. وما اقصد هاذيل في كلامي.

واسمحولي على الاطالة.

[RogerM]

الرانكد مالعبه وايد، كله مع ناس أعرفهم.
صدقني أي لاعب كين ممتاز ما تتمنى تلعب ضده، خاصةً الـ <-+mk لول
بس بشكل عام زانجيف و آبل : (

تعديل:
Dukefleed
معاك حق، في لعيبة بكين في يوتيوب، بالنسبة لي دايماً أتجنب الشخصيات الي يختارونها المبتدئين،
بصراحة أهم شي تشوف ناس لعيبة بالشخصية الي إنت تختارها، صدقني بتفيدك كثير، أنا محلل كل فيديوهات RX في يوتيوب حتى الي نزلت من كم يوم :P

[Lonely Hunter]

انا الصراحة يقهرني شي واحد عن العرب.. ومعظم الناس بعد مب بس العرب. كلهم ياخذون كن ! ليش مادري.

للتشكيل على ادوكن و شوريوكن الناريه XD

[Dukefleed]

دام الموضوع اللي في منتدى الاكس بوكس خلاص مات.. كنت حاط رد فيه فيديو لـEdMa يلعب بكن.. وهذا هو:


وهالفيديو الثاني لدالسيم اللي فاز في وحدة من اكبر البطولات ضد ساجات في الفاينل، مع انه مثل ما تعرفون .. ساجات = S tier .. الأول والأفضل في هاللعبة.. ودالسم ما يعتبر حتى B أظن (هو زاد الرانك ماله بعد هالبطولة، يعني اظن كان مع جايل وربعه وارتفع كم خطوة فوق)


طبعاً هالفيديوز قديمين شوي لانه قبل ما تنزل اللعبة على الكونسولز.. لكن للحين اشوفهم كول

[hell-bottom]

كلامك صح 100% dukefleed >.< المشكله اللعبه صارلها hype كبير و صار كثير ناس يلعبونها و هم اصلا ما لهم في الFighting games انتظر فترة بسيطه و تشوف كثير من هذولا اللاعبين quit يعني مو قادر يستوعب شلون يضيع وقته انه يقرى عن اللعبه وعن الاستراتيجيات, ماخذ اللعبه fun و online و arcade و بس.
انا صراحتا اكره العب fighting game online مهما كانت سرعة الاتصال تعقدت من tekken/soul calibur الاونلاين حقها مخيس+2 .

على فكره انا الى الحين نوب xP بس اتعلم.

[Lonely Hunter]

^
سول كاليبور كان الاون لاين فعلا زفت -_-

الا اذا لعبت مع واحد من نفس الديره يالله يخف الاق ...بس ستريت فايتر اشوف الاون لاين ممتاز خاصه (بالنسبه لي) اذا لعبت مع اللي بالكويت و الامارات ( 3-4 شخوط)
السعوديه مادري ليش شخطه وحده و قليل شخطتين ...بس الاق يكون نادر معاهم

وهالفيديو الثاني لدالسيم اللي فاز في وحدة من اكبر البطولات ضد ساجات في الفاينل، مع انه مثل ما تعرفون .. ساجات = S tier .. الأول والأفضل في هاللعبة.. ودالسم ما يعتبر حتى B أظن (هو زاد الرانك ماله بعد هالبطولة، يعني اظن كان مع جايل وربعه وارتفع كم خطوة فوق)

اممم ممكن سؤال

شنو تصنيفات شخصيات ستريت فايتر ؟

[RogerM]

^
كل ما كان تصنيف الشخصية أعلى كل ما كان نسبة الفوز لمصلحتها
و بعض المرات تحصل جدول فيه أرقام مثلاً في سوبر توربو ساجات 9 و زانجيف 1
يعني ساجات يفوز على زانجيف 9 مباريات من أصل 10 ، طبعاً محرتفين يابانيين يضعون هالجدول

[Dukefleed]

^
كل ما كان تصنيف الشخصية أعلى كل ما كان نسبة الفوز لمصلحتها
و بعض المرات تحصل جدول فيه أرقام مثلاً في سوبر توربو ساجات 9 و زانجيف 1
يعني ساجات يفوز على زانجيف 9 مباريات من أصل 10 ، طبعاً محرتفين يابانيين يضعون هالجدول

صح كلامك. والزين في ستريت فايتر 4 انه على الاقل حالياً.. التصنيفات مب لهالدرجة بعيدة من بعض.. يعني عندك ساجات اكثر شي عنده 7-3.. ومافي 9-1 مثل ما تقول. الشخصيات نقدر نقول عنها تقريباً balanced اكثر من معظم الالعاب الموجودة في رايي. الجدول تحصلونه هني.. هو حالياً بدون شخصيات الكونسلز. الجايد الرسمي مصنف كل الشخصيات.. بحاول مرة آخذ صورة واحطها (الجايد موجود تورنت في هالموضوع).

[RogerM]

^
أنا قصدت في سوبر توربو مش الرابع،
بعدين أكثر لعبة الـ tier مأثر عليها هي ستريت فايتر :@
ساجات في الرابع لا يقهر إذا واحد ماسكه صح، و الثلاثي كين و تشن و ين في الثالث و " أولد " ساجات في سوبر توربو

[Dukefleed]

^
أنا قصدت في سوبر توربو مش الرابع،
بعدين أكثر لعبة الـ tier مأثر عليها هي ستريت فايتر :@
ساجات في الرابع لا يقهر إذا واحد ماسكه صح، و الثلاثي كين و تشن و ين في الثالث و " أولد " ساجات في سوبر توربو

يمكن كلامي ما كتبته بالشكل المطلوب.. ادري انك كنت كاتب عن سوبر تيربو.. كنت اقصد انه 4 احسن من سوبر تيربو من ناحية التصنيف، لكن شكلي ما اخترت الكلمات الصح!

وصح كلامك.. الtiers مأثر عليهم وايد.. خصوصاً في ثيرد سترايك انه 3 بس هم اللي تشوفهم في البطولات أكثر شي. شوف ستريت فايتر 4 .. بالعكس وايد ناس يلعبون شخصيات مختلفة.. وأكبر دليل فوز دالسم بالبطولة

[RogerM]

^
إنت اصبر كم سنة وبتشوفهم كلهم محولين على ساجات و زانجيف و التوب تير الباقيين، في ناس وايد من ثيرد سترايكز حولوا على كين و تشن و ين، و أكبر مثال توكيدو لاعب urien حوّل على تشن لي، و في ناس وايد تحوّل أيام البطولات بالتحديد ^^.

بلاك: دام أنّك بتشتري ديفي دي SBO ، سمعت أن RX وصّل النهائي، وانهزم قدام فريق كورودا، يا ليت تأكد هالكلام أول ما يوصل ^^.

[devante]

ginuwine idp

[Black_Berserker]

^
إنت اصبر كم سنة وبتشوفهم كلهم محولين على ساجات و زانجيف و التوب تير الباقيين، في ناس وايد من ثيرد سترايكز حولوا على كين و تشن و ين، و أكبر مثال توكيدو لاعب urien حوّل على تشن لي، و في ناس وايد تحوّل أيام البطولات بالتحديد ^^.

بلاك: دام أنّك بتشتري ديفي دي SBO ، سمعت أن RX وصّل النهائي، وانهزم قدام فريق كورودا، يا ليت تأكد هالكلام أول ما يوصل ^^.

مممممم معاك حق هالشي يصير وشفته يصير في الايفو بالذات....بس في ناس تثبت على شخصيتها وأنا عن نفسي ثابت على تشن لحد الحين وإذا بفكر ألعب بشخصية ثانية فبتكون ساكورا...

الدي في دي مفروض يوصل هالشهر...بس الكلام الي تقوله مب مضبوط...هالشي صار في بطولة 2007 مب 2008 وكورودا خذ البطولة مع فريقه هالسنة والفيديو موجود في اليوتيوب....أما آر إكس فماعرف شو سوا

بس الحق ينقال....كورودا لو بوصف لعبه بكل الشخصيات بوصفه بكلمة وحدة.....جونقر أما أكوما معاه ف إنسى تحس إنه مزود أو مسوي هاك

^
^
^
توني منتبه إنه في كلام عن الtiers

ممممممم بصراحه في حالة old sagat أتفق حتى حاولوا يسوون عليه باند في اليابان

بس فكر فيها...ستريت فايتر ثيرد سترايك...من اللاعب الوحيد الي محصل S rank في ال ranking battles ؟؟؟ كورودا...يلعب بأكوما وأكوما تعرفه في ثيرد سترايك كيف وضعه مقارنة بالثلاثي المرح
شغلة ثانية أول بطولة منو فاز فيها؟؟ واحد يلعب ب ماكوتو ومش الثلاثي المرح...حتى كان مغرور شوي لأنه شايل الفريق كامل
الحين لو نرجع لبطولات ثيرد سترايك الفردية في اليابان تحصل آر إكس+كوكوجين+لاعب ب ريو + يوكي أوتوكو فايزين بكم بطولة وعلى لاعبي يون وكين وتشن....حتى كورودا ب Q مسوي بلاوي ونازل في هالثلاثي المرح جلد
المشكلة هذي بطولة لازم أعصابك حديد + فريقك حديد...تخيل إنت الأخير ولازم تفوز على 3 ...كيف الحسابات بتكون!!

بالنسبة ل ستريت فايتر 4 فاللعبة جديدة....صح ساجات عنده أفضلية كبرى عالآخرين بس شفنا لاعب dhalsim يغلبه + لاعب أكوما يغلبه..هالشي يتطلب مستوى ومهارة وتفكير أعلى من الخصم....هذي الطريقه الوحيدة الي أشوفها حاليا...لو كنتوا انتوا الاثنين نفس المهارة والتفكير والمستوى...عاد هني لازم تطور مستواك زيادة....

[Dukefleed]

عاد صراحة العاب الفايتنج مال الواحد ييلس ويا ربعه ويلعب.. حتى مب أونلاين للأسف ماعرف ناس "جيمرز" انا حظي زفت يمكن!

المفروض نتيمع كل فترة هههه. وعلى طاري التجمعات.. يبالنا بطولة يوم يتعدل اللاج عندنا؟ كتجربة اولية يعني.. بما انه معظمنا للحين لعبه ما تطور وايد.

[RogerM]

الدي في دي مفروض يوصل هالشهر...بس الكلام الي تقوله مب مضبوط...هالشي صار في بطولة 2007 مب 2008 وكورودا خذ البطولة مع فريقه هالسنة والفيديو موجود في اليوتيوب....أما آر إكس فماعرف شو سوا

أدري أن RX وصل نهائي 2007 مع روشي ( لاعب يانغ ) و لاعب نسيت اسمه يلعب بنكرو ( بصراحة الفريق هذا أعتبره أفضل فريق ثيرد سترايكز! بس الحظ ما حالفه في المباراة النهائية :@ ) لكن سمعت أن RX وصل نهائي 2008 بعد و كان مع كنزو أو KO و لاعب ثاني .. هذا الي سمعته مب متأكد من هالشي : (

بس الحق ينقال....كورودا لو بوصف لعبه بكل الشخصيات بوصفه بكلمة وحدة.....جونقر أما أكوما معاه ف إنسى تحس إنه مزود أو مسوي هاك

شكله بدّع في SBO 08 ، أنتظر الفيديوهات على اليوتيوب للحين ما نزلن

بس فكر فيها...ستريت فايتر ثيرد سترايك...من اللاعب الوحيد الي محصل S rank في ال ranking battles ؟؟؟ كورودا...يلعب بأكوما وأكوما تعرفه في ثيرد سترايك كيف وضعه مقارنة بالثلاثي المرح
شغلة ثانية أول بطولة منو فاز فيها؟؟ واحد يلعب ب ماكوتو ومش الثلاثي المرح...حتى كان مغرور شوي لأنه شايل الفريق كامل
الحين لو نرجع لبطولات ثيرد سترايك الفردية في اليابان تحصل آر إكس+كوكوجين+لاعب ب ريو + يوكي أوتوكو فايزين بكم بطولة وعلى لاعبي يون وكين وتشن....حتى كورودا ب Q مسوي بلاوي ونازل في هالثلاثي المرح جلد
المشكلة هذي بطولة لازم أعصابك حديد + فريقك حديد...تخيل إنت الأخير ولازم تفوز على 3 ...كيف الحسابات بتكون!!

هم محترفين و لهم سنين و سنين يلعبون على ال" هاي لفل " مب مثلنا بالقو تحصّل لك واحد أو اثنين تعرفهم يلعبون ، بعدين لازم تقر أن الـ Tier مأثّر وايد على ستريت فايتر ( بكل أجزائها ) لو بتقارنها بألعاب قتالية ثانية. SBO >> باقي البطولات ، بطولة ولا أروع، يكفيك الجمهور الياباني

ستريت فايتر4 قائمة الـ Tier بتتغير كثير في السنين اليايّة، فايبر كانت زبالة و الحين روح شوف كم حاطينها في لائحة SBO هالسنة ( ادخل شوريوكن.كوم )