السلام عليكم
هلا بالحلوين ^_^
أخباركم ؟؟ إن شاء الله فل الفل ؟؟
بمناسبة أن باقي شهر على نهاية الدراسة و بداية الإختبارات .. و بما أني رح أجيب العيد بالإختبارات غصباً عن خشتي .. فقلت خلني أكتب موضوع << وش دخل
لا بس الصراحة توني راجع من الجامعة و فيني نوم بالعين و ماودي أنام عشان مايخرب نومي ^_* فقلت خلني أكتب لي موضوع منها نمرن أصابعنا شوي عشان مايجيها شد عضلي بالمستقبل و منها نغير جو شوي
المهم الموضوع و مافيه أني بحط صور لأول تشريح لي بحياتي ^_* عاد تصدقون وناسة لما تشرح بس المشكلة لا جتك ريحة تحك مخك شوي بتكره حياتك وقتها *_*
يعني لو يجيبون لي وش ماعندي مشاكل أشرحه و أرقص معه بعد بس ياخي الريحة مشكلة و الله *_* و مشكلتي بعد أن حاسة الشم عندي قوية للأسف ( خشمي مسوي كلب هو و وجه << دققوا على وجه خشمي ^_* )
يعني تصدقون أول ماخشيت الكلاس قلت فيه ريحة غريبة و خياس *_* و حتى قبل لا نبدأ التشريح و أنا أشم روائح تجيب المرض و الله .. عاد الصراحة كنت شاك بإلي جنبي P: و مستحي أقوله يابو تراك فليتها و عميت عيوننا يلعن شكلك
بس مع الوقت أكتشفت أن الريحة من الجثث و أنا ظالم الرجال ^_^
دققوا على كلمة " جثث " مدري أحسها تجيب الحماس عشان كذا قلتها *_*
بس لا تصدقون أني شرحت جثة و لا هم يحزنون .. تونا بدري على الجثث ^_^ إلي شرحته هو عبارة عن " أرنب نصب على دكتورنا و قاله أنا فار صديق " << صديق لأن الدكتور باكستاني
يعني من جد يقولون هذا فار .. و لو تشوفون حجمه تقولون رجل دبسي ( كلمة مشفره ) .. يعني حتى لو يقولون جرذ أقول صعبة و الله
المهم .. بدينا الدرس و كان عن الجهاز الهضمي في الفار .. و قام يشرح لنا الدكتور ساعة و يرسم على الصبورة و أنا الريحة تحك مخي و جابت لي المرض و الله *_* و بعدين لما خلص شرح قال يالله بنشرح فار ألحين *_*
عاد أناظر على إلي حولي من الطلاب .. كلهم معهم أدوات تشريح و لاب كوتات ( جمع لاب كوت ) و كمامات عشان الريحة .. و أنا جايب معي قلم و دفتر و لله الحمد ^_*
المهم قمنا عند الدكتور و أحلى شي الريحة و الله ^_^ أحسهم لما اختاروا الفار قالوا له لازم تخيس قبل لا نشرحك .. و لا الفار أستلعن و لما عرف أنهم بيذبحونه قال لخويه يفلتها عليه P:
يعني من جد ريحة تجيب النوم .. المهم أستحملنا الريحة مع أني كنت توي فاطر للأسف *_* بس قلنا يالله مافي مشاكل
لما خلص الدكتور التشريح قال أثنين ياخذون لهم فار و يشرحونه ^_* عاد الشباب كلهم راحوا يتسابقون و أخذوا أحسن فياران ( خخخخخ و الله صدق تصدقون حتى الفار الميت فيه منه أنواع .. في نوع يكون ميت زين .. و نوع ميت ماعليه .. و نوع ميت ملعون أبو جده )
طبعاً نوع الميت الزين و الميت إلي ماعليه خلصوا .. و ما بقى إلا نوع واحد و هو نوع الميت الملعون أبو جدفه أبو كلب أبو ريحة مضاعفة P:
أقسم بالله كان فيه بلى الفار إلي أخذته .. مدري أحسه له ميت خمس سنوات .. و لا ريحته و الله تجيب النوم كأنها ريحة حمام مسجد و أنتم كرامة P:
المهم بدينا التشريح و بالبداية طبعاً الريحة سببت لي قلق .. لا تقولون دلع و مدري وش *_* بس قلت لكم الشم عندي أس ثلاثة و الله *_* يعني شمي قوي مرة و الفار حقنا كانت ريحته خايسة أس خمسة
المهم أخذت لي دقيقة عشان تعودت علي ريحته و بديت أشرح فيه ^_* و مع أني بديت أخر واحد بالكلاس لكني خلصت من أول الناس ( مبسوط ) .. يعني لعنت بليس الفار المخيس و علمته يتروش مرة ثانية قبل لا نشرحه ^_*
المهم صراحة التشريح كان وناسة ^_^ و هل ترم كله تشريح بتشريح .. يعني كل يوم أربعاء بنشرح لنا شي و نتعرف على جهاز جديد
عاد أخليكم مع الصور .. و يارب ماتسبون ^_*
قلت لكم إلي مايحب يشوف الصور المخيسة لا يناظر .. مب بعدين تقولون ماقال لنا ..
صورة أكبر
و أخيراً أشكركم على حسن إستماعكم أخواني الطلاب و أبائي المعلمين كان معكم فصل 3/3 << يازينها من أيام بس
و نشوتكم على خير
أخوكم :: EZOO TAKA
بيس أوت
.. والله جد كااان قررف يوم معمل علم الحيوان ,,
رد: البنات و ضعاف القلوب و دبسي لا يخشون ^_* أول تشريح لي
