الوي جهاز يجيب المرض ويفجر الاجهزه ويسبب الخسائر الماديه!

[l)@RK-l)EVIL]

هههههه خوش علماء ودكاتره هذول والله مادري من وين جايبينهم؟

توني قاعد من النوم اتريق الصبح (الكويت) ولا اقره الجريده يوم خلصت شفت هذي الصدمه
شدعوه وين قاعدين مادري الجرايد العربيه من وين مصادرها لوووووووول حيل مبالغين
ولا فوق هذا اصلا صوره الجهاز المعروض من الوي لول بس حاطين معاه صوره ماريو
وبعدين انا اول مره اشوف اطباء ينصحون بعدم الحركه وبذل نشاط العاده يقولون تحركو لاتقعدون
وحاطين كلمه احذرو شكبرها باول الموضوع ;/

[خت فت]

زين انهم ماربطوه بالتسبب في الازمة المالية

[Jareeh AL-Ayaam]

والله يمكن صادقين الاطباء

و العلم عند الله

و مشكور على الموضوع

[SHINOBI-03]

...........................................................................................؟!


حد من جماعة الإكس بوكس أو بلاي ستيشن ناوي عليهم و لا شو؟!
في أحد يذكر سالفة مسكة الإكس بوكس العملاقة و تلفها لمفاصل الأصابع أو شي من هالقبيل؟!

و شو الي يسويه الجهاز عشان يقولون يتلف الأجهزة الثانية؟!!

"التوتر الشديد"؟! يمكن هذا للألعاب الي تتطلب تركيز جديد مثل Trauma Centre بس مب لكل شي!!

[rare games]

لوووووووول كل الكلام بصوب وصورة الجهاز بصوب باين ان نيس على شكل الوي

بالنسبة لكلامهم يمكن يقصدون انكم لا تقعدون عده ساعات وانتم تلعبون الالعاب الي تستخدم الحركه باستمرار

لازم وقت راحة تاخذونه


باتش اوت اليوم مجربها بين كل جوله في المباراة يقعدون الشخصية ويطلبون منك انك تضغط a اول ما ترتاح وتكون مستعد

[NiN RevO]

لوووووووووول .... او يمكن قصدهم انه يسبب انفلونزا الخنازير .. xD

[link_tumi]

قصدك يسبب انفلونزا الويي لول

[KasiH]

فلله الجرايد العربية فيها تطور واضح للمستقبل

[ienzo]

لوووووووووول .... او يمكن قصدهم انه يسبب انفلونزا الخنازير .. xD

وانا ما استغرب بعد كم يوم يقولون هالشيء وازيد عليك ان يقولون ان يسبب سارس للاشخاص اللي يلعبون الوي

[Super Shadow]

لوووول أرهب فقرة يوم يقول : كما أنها قد تسبب اتلاف الأجهزة الكهربائية الموجودة

مع الأسف شي مخزي لما نشوف جرايد عربية تكتب مثل ها الكلام بدون منطق أو دليل و المصيبة الأكبر أن في ناس تصدقها و خاصة الكاجوالز ، نفس رسائل الهوتميل على سبيل المثال

المشكلة أنهم ما لقوا الا جهاز الويي الموجه لكل الفئات العمرية و في نفس الوقت نلاقي ألعاب اباحية نفس جاد أوف وار و GTA تنباع بالأسواق و محد جاب سيرتها

[Mohammed]

^
و بالإضافة لكلامك، كل الصحف العربية بلا إستثناء تنتهج نظام النسخ و اللصق بدون التدقيق أو التأكد من صحة المحتوى، و يربطونه كما هو الحال في هذا الموضوع بصور و معلومات ما أنزل الله بها من سلطان ..

واقع متردي .!!

[l)@RK-l)EVIL]

^
و بالإضافة لكلامك، كل الصحف العربية بلا إستثناء تنتهج نظام النسخ و اللصق بدون التدقيق أو التأكد من صحة المحتوى، و يربطونه كما هو الحال في هذا الموضوع بصور و معلومات ما أنزل الله بها من سلطان ..

واقع متردي .!!

جريده الوطن بروحها ذكرت ان الممثل جاكي شان مات اكثر من 3 مرات على الاقل خلال ال5سنين الي طافت...

المشكله الرجال عايش ولو فرضنا ان فعلا مات شلون الشخص يموت اكثر من مره لول
تحس من كثر مايالفون كلام ينسون

[ahmadkb]

على الأقل حطوا صوره صح