فكرة التجارة في Wow ؟

[fahadwow]

بسم الله الرحمن الرحيم
السلام عليكم

ياجماعه انا درست هذي الفكرة انا معا صاحبي

نفتح محل خاص لل WOW فقط

وعبارة عن مداليات .. تي شيرتات .. قيم كارد ..كل مايخص الWow

وطبعا غييرها من الأغراض

وطبعا قاعدين ندرس فكرة بيع القولد او الأكاونت

وانا شفت بصراحه العرب مجانين Wow

وخاصتا الخليج

فقلت اطبق الفكره على محل صغيير وانشوف الوضع



هل انتم تأيدون هذي الفكره ؟

والي حاب يضيف بعض الأفكار يتفضل




سلام عليكم

[StromScale]

الفكره حلوه بس تدري شنو المشكله

المشكله ان احنا العرب نفيد الغريب اكثر من القريب

بس الفكره قمه بالروعه وبيني وبينك انا كنت مفكر فيها بس مافي سيوله وابعد عن سالفه القولد عنك

واحد يصير بلوك على الاكاونت ماله يبلشك انت وممكن تسوي طريقه ثانيه ان الواحد يحط الاكاونت عندك وتبيعه له وتاخذ ربحك هالطريقه حلوه والكل يدور اكاونت للبيع خصوصا اذا انعرف المحل بسرعه وانشهر وطبعا شباب wow بكل دوله وبكل منطقه يعرفون بعض والحجي يوصل ان هالمحل عنده كل ما يخص اللعبه

بس طبعا تقدم ضمانات للبايع ان الاكاونت ماراح يصيرله شي وبالطريقه هذي ماراح تخسر شي

go ahead and good luck

[Smart Player]

فكره حلوه والله , بس المشكله المشروع مؤقت
يعني كلها سنتين ولا ثلاث وخلاص راح تختفي وور كرافت P:
( طبعاً المعلومه هذي جبتها من عندي لووول)

انا هذا رايي طبعاً , وموفق ان شاء الله ^^

[m6aa6]

اخوي الفكرة ممتازة ونفس الكلام كنت افكر فيه بس بشكل اكبر مثل انك ... تفتح محل لو عشرين جهاز وتحليه مخصص للوركرفت و الور همر وطبعا يكون محل مضبوط بديكور

والافضل انك تتخصص بثلاث اللعاب او اربع مثلا ور كرفت وور همر و اي لعبه ماشي سوقة هالايام

عشان على قوله الشباب ما يكون مشروع مؤقت يكون مشروع دائم

تقبل تحياتي

<< واسف على الحماس الزايد

[kunu]

محل شوي كثير حتي تبيع اداوات واو مثل الشيرت والجيم كارد الخ

لو تسوي موقع علي النت ويقبل فيزا وباي بال وحواله بنكيه الخ يكون افضل بكثير واسرع واسهل لك .

اما لو بتسوي محل مخصص فقط لالعاب الاونلاين ... اضمن لك راح يكون ناجح جداا خاصة بالمدن الكبيره مثل جده الرياض ... لكن راح يكلفك مبلغ كبيرر جداااااااا جدااااا جداااااااا ( فووق ال 200 الف ريال ... واذا بموقع تجاري وحلو الميتين راح تكون ايجار المحل بسس )

[evilest]

انا أشوف تفتح مقهًًى انترنت بس القيم تجيب لك اجهزه محترمه واتصال وتحط فيها واو كونتر
وكم لعبه معروفه
هذا اقتراحي

[.SaMo.]

^^^

مقهى صعبه يا شبااب .. هو يقصد قولد وقيم كارد واشياء بسيطه ..
عمومن فيه بعض مقاهي الرياض يكون فيها واحد يبيع قولد وبنقل ويبيع قيم كارد ومثل كذا ..
يعني لو تبي تشتغل رح لمقهى معروف وخلك هناك وبتلاقي زباائن كثاار << متعوب عليها زبائد

[naxxer]

السلام عليكم

شباب انا تعاملت مع موقع jinx.com المحل اللي يصمم تيشيرتات و سوالف ووردكراف لبليزارد نفسهم و شريت منه كميات من المداليات و التيشيرتات الخاصه بالهورد و البيع كان فوق الخيال و الاسعار مناسبة يعني المدالية كنت ابيعها على 5 د.ك و التي شيرت على 10 د.ك طبعا اول مره كانت الكمية بسيطة يعني تقريبا 20 حبة من كل نوع و خلصوا كلهم باقل من 10 ايام و المشكله كانت انها تعتمد على المعارف لكن اذا كانت محل ممكن تحقق نجاح كاسح ... و بصراحة انا كان بخاطري اسوي هالفكره بس فيها مخاطره يعني بعد فتره من محد يفكر بهاللعبة مثل ما قالوا الاخوان ..

عموما اي واحد يفتح له محل خاص باللعبة يبلغني راح اكون اول الزوار D=

[MR.HM]

ياخوي مافي بناء بأساس ضعيف .. لازم تكون مجهز للمشروع من حيث العماله والخبره والمعارف والموارد المالية ..
والأهم الثقه وحسن التعامل مع الجمهور ..
وثاني شيء ماله داعي تبدأ بمحل تجاري .. ممكن توفر السلع المعروضه بالإضافة لكروت الشحن وهذا كله عند طريق النت .. يعني تروح لمنتديات البيع والشراء وتعرض فيها سلعتك وأقل شي تحط السلعه + السعر + رسوم التوصيل ..
هذا حتى تقدر تسوي راس مال .. بس نصيحه لا تسوي شي لين ما تعرض وتشوف قابلية الناس وتجاوبهم مع سلعتك , وبعد هذا تطلب السلع وتحاول توفرها بأقرب وقت ..
والإقتراح الثاني أنك تسأل عن الألعاب الثانيه مثل سلك رود روز ألاين ....ألخ هذه الألعاب يكون فيها سلك يعني ممكن تحرك نفسك وانته في بيتك .. مثلاً أنا اتعامل مع ريال أطرشله فلوس على رقم حسابه البنكي وأحصل على سلك للعبة سلك رود ..
والشيء الأخير لازم ربعك يوقفون وياك .. يعني كيف ينشهر الشخص ..؟؟ أكيد بالسمعه لازم ربعك ينشرون عنك السمعه الطيبه والمصداقية في التعامل ..

[fahadwow]

اول شي حاب اشكركم على التفاعل

اخواني بالنسبه إني افتح كافيه اوول شي الكافيهات منتشرره وموجوده بكثره ثاني شي يعتمد على موقعك ثالث شي لازم تشتري اجهزه وغييرها وهذا مشروع كبير وفوق طاقتي


مثل ما قلت لكم انا مشروعي صغيير وخفييف واهو عبار عن ميدليات تي شيرتات .. الخ

والفكره ناوي اطبقها بالكويت في مجمع الرحاب اشوف انسب مكان حق الفكره واهو عبارة عن (كوشك) صغيير خاص حق سوالف وورد اوف وير كرافت

انا خذيت هالفكره من صاحبي بس صاحبي مطبقها على كره ( تي شيرتات لاعبيين - كورة - ميدليا )

بس انا ابي اطبقها على وورد ويير كرافت

وبالنسبه للشباب الي يقولون كلها سنتين او ثلاث وتختفي لعبه

ما اتفق معاكم على هالنقطه لأنه لحد الآن لعبه صارلها فتره طويله ولحد الآن ناس تلعب فييها

وانا اشوف عليها اقبال كبييير من الناس

كل مالها وتزييد وحتى لو كان مدة المشروع 3 سنين انا مشروعي صغيير اساسا مدته 3 سنين ^^

إذا شفت المشروع ناجح اكييد راح يكبرر وراح تزيد المده

[naxxer]

موفق يا اخوي فهد و الفكره حلوه و تقدر تتفقلك مع موقع jinx او اي موقع يوردلك هالسوالف و ان شاء الله نشوف مشروعك قريب

و على فكره .. طبق المشروع بسرعة لا ابوقه منك P:

[fahadwow]

حلال علييك يا اخوي تستاهله والله إذا تبي اطبقه طبقه مافي شي يمنعك بالعكس اتمنالك الخيير

والله لي الحين قاعد اضبط اموري

وقاعد اسأل ناس عندها خبره في مجال التجااره عشان افهم لعبتها ....

^^

[Q8DeviLz]

موضوعك حلو بس سؤال صغير ماحطيت في بالك في يوم من الايام Wow Game Over ???

او انتهت اللعبه وقتها شنو راح تسوي ؟؟؟

وبالتوفيق

[4Kill]

قبل الكلام .. اقولكم لا تسكرت فاينل فانتسي تتسكررر واو لوووول

سوبر ماريوو للحين ينبااع بالاسواق يعني لا تخافون لوووووووووووووووووول

بالنسبه للمشروع ..

عسى الله يوفقك .. ويرزقك مقدماا ..

أنصح لو اتخليه محل قيمزز .. حلوو مثلا اممم تقوول ميزانيه اقولك مو شرط جميع انواع القيمز مثل مانت شايف .. لا مشروعك اللي ذكرته كله يكون فيه .. بس طبعا بدون شغل القولد والباور لفل لانها تسبب لك مشاكل وانا جربتها في محلي .. والله أهل القولد ماخلوني حتى اناام لدرجه اني شريت لي تلفون جديد لوول .. وفوق هذا تحصل ناس تقولك ماستقبلنا وكذا وكذا وتنجبر انك تحول مره ثانيه .. ويمكن تسبب لك خسايررر

اقولك فوق مشروعك هذا اعرض اكاونتات للبيع .. مو بس عن طريق اللاعبين لا عن طريقك انت .. وطريقة البيع علشان محد يقدر يضرك بشي وانت تريح ضميرك وضمير اللي يشتغل معاك .. بإنه يجيب له اكاونت اهو مسويه .. وتسوي عمليه دمج من الاكاونت اللي تبي تبيعه للاكاونت اللي عند الزبون .. وبهذي الطريقه اتكون الشغله افضل للبيع (( والله ان هالحركه اليوم تعلمتها عن طريق الاخوان في هالمنتدى :] )) ..

وبنفس الوقت تشتري ألعاب وار كرفت وغيرهاا .. الاقوى اللي ماشي الحين واعرض بيع فيهم .. يعني بكل لعبه لك مربح حلووو .. وبنفس الوقت انت بإذن الله مطلع ..

انك تسوي اكثر من فيديوو للموبايل .. على الاقل تعتبر خدمات بس ايكون فيديو على مستوى ...

مع جم حمايه اصليه .. وجم ويندوز أصلي .. ولا تنسى كيبورد واو ..

بعض الامور اذا انت فعلا جاد أتوقع حسب معلوماتي التجاريه إنك أول أشهرك راح تتعب لكن بمجرد انك تستغرر على حصد الأجار على الأقل .. تقبل سيل النجاح بإذن الله .. بس تأكد إن التجاره هي توفيق من الله سبحاانه .. فأخلص في عبادته وكثرة الإستغفارات وكثرة العمره فــكثرة العمره من مكتسباتها هي فتح باب الرزق بإذن الله .. والله أعلم

وعسى الله يوفقك ..