حدث هذا مباشرة ,, بعد مبادرة الأمير عبدالله ( المفاجئة ) على الأقل للرأي العام العربي والعالمي
بعد هذه المبادرة وخلال الأيام الأخيرة ( اختبصت ) الأمور في دولة عربية شقيقة
واصبح زعيم هذه الدولة في حيص بيص واليكم تفاصيل ما حدث :-
واذا حدثت أزمة دبلوماسية بين البلدين فاعلموا انني بريء .
اليكم التفاصيل من مراسلكم في القصر الجمهوري ( فرفشة ) :-
المكان : مكتب الريس ...... الزمان : العاشرة صباحا
بينما كان سيادة الريس ( يحتسي ) كوباً من الشاي ( الكشري ) في مكتبه وهو يقلب أوراق وتقارير خاصة بحادث احتراق القطار اذ استأذنه معاونه الخاص( يمنع منعاً باتاً ذكر اسمه )
المعاون : يدق الباب
س. الريس : ايوووووه جاااااااااي ,,( عفوا ما نبي نخربها من أولها ,, صار قهوجي مهوب رئيس ) نعيد نعيد من جديد
س. الريس : أدخل
المعاون : صباح الفل سيادتك ,,, سيادتك ما عرفتش ايه اللي حصل
س. الريس : فيه إيه تاني
المعاون : أص أص أص أصل ال...
س.الريس: حتأصأص لي , أصل ايه ما تنطق ,, قول ,, فيه ايه ,,, أطر تاني ولع ولا ايه
المعاون : لأ لأ الحمد لله سيادتك كل حاجة ماشية تمام بعد ما زحلأنا الوزير وادينا صاحبه صابونه
س. الريس : أُمال فيه ايه سيبت ركبي
المعاون: ســــــــــــــــــــــــمووو الأمير عبدالله ...
س. الريس ( واقفاً ) : مين ؟؟ ســــــــــــــمووووو الأمير عبدالله ؟؟ عالتلفون ؟؟ ما توصلني بيه ,, أوااااام يخرب بيتك
المعاون : سيادتك هو مش عالتلفون
س. الريس : أمال فين ؟؟ ماله ؟؟ ,, شوف حتنطأ ولا اديك ألم ما تحطش بعده منطىء
المعاون : أصل سيادتك , الأمير عبدالله النهارده أعلن مبادرة للسلام في حوار لجرنان الواشنقطون بوصط في حديس مع فريدمان
س. الريس : مبادرة سلام !!!!! الامير عبدالله !!!!! واشنقطون بوصط ايه دي اللي تعمل مع الأمير عبدالله حوار , ده بدوي ما يعرفش انجليزي ,,,
المعاون : سيادتك تشوف ايه
س. الريس : شوفة الندامة ,,, كان يوم أغبر يوم ما شغلتك عندي ,, أنا من ساعة ما قلت لي أن الأطر مولع وانا عارف ان اخرتها معاك حتبقى طرشي .
س. الريس : اتصل بالسفير الأمريكي , وقوله له ( زير إز صم سينق رونق يا حضرت ) وقول له ان الريس عايز اكبر جرنانجي فأمريكا , اعمل معاه حديس صحفي , بس ما يكونش النيلة فريدمان الله يخرب بيته , واطلب لي جلال دويدار في الأخبار عشان يعمل معايا حديس صحفي برضه ,, احنا وضعنا كده بقى صعب جدا .الله يعكر دمك يا ابن أم فريدمان زي ما عكرت دمي . ( وفعلاً تم اجراء حديث معه لجريدة واشنطن تايمز وجريدة الأخبار المصرية )
س. الريس : واطلب لي ياسر عرفات دلوقت عالتلفون
المعاون : بس على الله الخط يلأط ,, سيادتك عارف ان الحالة هناك مطينة أوي
عند الاتصال : عرفتوف ,,, ان جميع الخطوط مقصوفة فضلا حاول مرة أخرى ,, شــــالوم ,, طوط طوط طوط
وبعد محاولات عديدة
عرفات : ألو مين
س. الريس : أنا حسني يا حوستي
عرفات : مين ؟؟ سيادة الرئيس ( المبارك ) حسني مبارك !!!!! اممممواه اممممواه امممواه امممواه اموووواه
س. الريس : يا راجل كفاية هريتني بوس ,, حتى في التلفون ؟ هو انت ما بتعتقش
عرفات : يا أهلا يا أهلا يا أهلا بسيادة الرئيس المبارك حسني مبارك,, والله بتعرفش كديش مشتاك لك يا سيادة الرئيس المبارك ,, كيف الأولاد ,, كيفه جمال وكيفه علاء وكيفها السيدة المباركة ؟
عرفات : يا سيادة الرئيس المبارك ,, أحب أطمنكم أن شعب الجبارين صامدون ,,, وأننا نقدر جهودكم في معركة سلام الشجعان ,,, وأننا كما أعلنا ونعلن دائماً أن القدس هي عاصمة أبدية , عربية مسيحية اسلامية عالمية , واللي مش عاجبه يشرب من البحر .
س. الريس : بحر ايه وزفت ايه , هو انت فاكرني جاي اعمل معاك لقاء صحفي
عرفات : اذا سيادتك بدكش يشربوا من البحر , نخليهم يبلطوه أحسن
س. الريس : يبلطوه ؟ والله أنا اللي باين حبلط لك أفاك ,, اسمع ,, انت عندك فكرة قبل كده عن مبادرة الأمير عبدالله
عرفات : والله والله والله يا سيادة الرئيس المبارك اني بعرفش , كبل شوي بس شفت الخبر عالجزيرة ,
س.الريس : أمال الراجل البدوي ده بيشتغل من ورانا ولا ايه . ( الريس قطع الخط )
عرفات : الووو ,, الووو,,, يا سيادة الرئيس المبارك وين روحت ,, باكي لك بوسة .
الريس الآن يكلم المعاون
س. الريس : اطلب لي ملك الأردن حالاً ,, ولا بلاش ,, قولو له يجي هنا بكرا
وفعلاً حضر ملك الأردن عبدالله في اليوم التالي الى القاهرة
الملك عبدالله : خير ان شاء يا فخامة الرئيس ؟؟ كونت بعيِد مع الأولاد في المزرعة واجتني رسالة عالنكال مكتوب فيها احضر فورا لمصر حياً أو ميتاً ,, بصراحة كلكلت
س.الريس: معلش جلالتك ,, جبناك على ملى وشك ,, أصل الحكاية مستعجلة أوي
س.الريس : طبعاً جلالتك سمعت عن المصيبة اللي أعلنها الأمير عبدالله من يومين
الملك عبدالله : أي مصيبة ؟ الزلمة ما كال شي جديد ,, وبعدين احنا وانتو مخلصين و مظبطين حالنا مع اسرائيل من زمان ,, وهذا هو مطلب كل العرب , لكن لشو المصيبة ؟
س. الريس : مظبطين ايه يا روح أمك ( زعيم يمون على زعيم ,, عادي لا تستغربون )
الملك عبدالله : لك شو هاظ يا زلمة , شو مفكرنا كاعدين عالكهوة , وطي صوتك
س. الريس : المصيبة يا كنق ان القضية كده اتبعزقت ,, ضاعت أونطه , بكره لو اتحلت القضية وطبعو مع اسرائيل احنا حنروح في الكازوزه , ويكتبوها في التاريخ ان البدو بتوع الخيمة والجمل هما اللي حلوها ,, واحنا نطلع من المولد بلا حمص .
الملك عبدالله : اي والله ما خطرت على بالي هاي ,,, يعني شو بدنا نساوي
س.الريس : الواد فرفشة يقول لك ,, أهو عندك اسأله.
فرفشة : .............. تششششششش ( معطو السلك )
-----------------
كل ما هو مكتوب في هذا الموضوع هو من خيال فرفشة وان ارتبطت بعض احداثه بالواقع .
ملاحظة : أرجوا أن لا يفهم هذا الموضوع بشكل خاطىء فأنا أكن كل الاحترام لجميع الدول العربية التي وردت في المقال .
وتقبلوا تحياتي (فرفشه)
