المرأة في الشعر الشعبي
أنِت الســر وأنت الـبر في دنيـــتنا* أنت ِالسلـــم وأنـت الفــــــتــنه* أنت عدونا وشمعتك ضوّتنا
السر
أنـِت ســــــر كـــل قصــــــيــــــده** وأنِت أسطــــوره دايمه ألترديــــده
أنتِ حـــياة العمــــــــر وتقــــاليد**ه زهرة جنيـــــنه في دارنا زهّــــتنا
ترجّع حــــــياة العمر تبدى جديد**ه لكل من يقول القافـــــــله فاتـــــتنا
أنتِ الحيـــــاة أســــــاســــــــــــها** وأنت الطبيعه الزاهيه بحْــــساسها
وأنتِ سقيتي للحياره كاســـــــــها** وقدّاش من حــــيران قال سقـــــتنا
أنتِ الحيا بعطورها وأنفاســـــــها** متواصله ومتعــــــــــديه وفاتــــتنا
معــــــــــنى المعــــــــــــاني أنتِ** سوى أم والاّ أخــــت والابنــــــتي
وكانك عشيقه شوف وين سكنتي** في وين مجرى دمـــــــنا وعيشتنا
تصونك جواجي القلب كانك صنتي** وحرصك على روحك أمـل غايـــتنا
شنــــهو الحـــــــــــيا قيمتـــــــــها** من غير سلــسه باهيه طلعتــــــها
سر الحــــــيا في جرينا في جرّتها** وفي جريها في عقابنا وتـــــــبعتنا
ربي خلق حـــــــوّاء نفخ صورتها** لآدم هديه جابــــــــها وجابتـــــــنا
البِر
أنـــــــتِ الام وخفـــــــــــاياهـــــــا** في حنانها وفي حـــــــبها لضناها
أنتِ نبع ميّه بارده ذقــــــــناهـــــا** لتوْ ديْننا موجود في حســــــــبتها
عليك الوصيه باينه شفــــــــــناها** آيـــات فــــــــي قــــــــــرآنا ورّتنا
أنتِ ألّي بـــــــــــينا عنـــــــــــيتي** تســـــــهر في طول الليل ما مليتي
رعيتي سنين الـصغر ياما شقيتي** حملتــــــــي مخاطـــر لأجل تربيتنا
لبيك كان يوم اللزز نـــــــــــاديتي** على قد ما ليد الكريــــــــمه سقتنا
أنت الفــــــــــاديه المغـــــــــــياره** وحظن الحنان وساقيه مـــــــدراره
عود المحبة معــــــــــدّلات أوتاره** عزفنا عليه بلحــن معزوفـــــــــتنا
أنت البِر كان البر عنده أمـــــــاره** أنت الأم وأنت الــــــنص في أمّتنا
السلم
قالـــــــوا علـــــــــيك السلـــــــــم** وقالوا عليك الامــنيه والـــــــــحلم
وقلب ألمحـــــــــبه ما يحب الظلم** يغرس جناين حـــــب فـــي تربتنا
بخصوص لوردتي بحور العـــــلم** وشلتي علينا الحمل فـــــــي عيّتنا
أنت ســـلم في معــــــــناهـــــــــــا** كانك رعيتي الـــدار وألّــــــي فاها
أنت خواطر خاطري شـــــــــاهاها** في حِفظ الكرامة العالية ألعـــــلتنا
كان صنت صنت العايله بكــــماها** وكان خنت مكبر عارنا وخيــــبتنا
كان صنت صــــــنت أمــــــــجادك** إعليتي علا قدرك وقـــــدر أولادك
بلادك مع عبادك يــــــــوفوا زادك** وبيك نفخروا ونرفرفوا رايتـــــــنا
وكانك أصيله يشهدوا شهــــــّادك** بأنّك بنيتي النص فـــــي بنيتــــــنا
الفتنة
أنــــت فتــــــــــــنة ألّي تابــــــــوا** بعد إن تعدى العمـــــر قلنا شابــوا
وقـــــــداش منّك تايبين إذنـــــابوا** وقداش عين الماضيه شلطــــــــتنا
وقدّاش ما العقّال سكروا غابـــــوا** منينك طلقتي إبليس في ساحــــتنا
أنت فتـــــــــــنة الما توصــــــــى** ويا ما طلقتي فتن درتي غــــــصّه
ويوم إن خلقتي مسجّلتــــلك قصّه** ما بين زوز إخوت في روايتــــــنا
قابيل في هابيل سجّل نصّـــــــــــه** أول قتـــيل الـــــــواقعة ورّتـــــــنا
أنت إفتــــــــــن ما تـــــتْتــــــــقى** بخصــوص لدخلتي مابين الشٌّقــه
هذا كلا هذا وغــــــــبّر حقـــــــــّه** وشوف سلفتك كي غارمت وجفتـنا
وأمّك تحفّر طول تحت الرّقــــــــه** خياب قلبها عل ذرنا وكــــرهتنــــا
يعـــــني مثـــــــــــل قدّمــــــــــــته** على لعوب من حوّاء وما نجّمتـــه
تخميــــــم هكّا في خاطري خممته** وسر الفتن لوكان ما سمعـــتنـــــا
وكانك شمتّي شمتتك بالشــــــمته** مدفع ضرب في دارنـــا وشلتتــــنا
العدو
أنت العــــــــــــدو في بــــــــــيتي** لو كان ما صنت الســـر فشيتــــي
يحتار فكري نخاف عل ذريـــــتي** تقابل مخاطر لافــــــيه دهــمتنــــا
يدخل عدونا لدارنا ومادريــــــتي** يخرّب البــيت الطاهــره ولمّتنـــــا
أنا المــــــــــــال وأنت الخــــــزنه** أنا الدلو وأنت الجابيه المتـــّزنـــه
وهذا مع هذا نــــــــــــــقولوا فزنا** تظل راكحه ومتعدّلـــــه كفّتنـــــــا
وكانك نقبتي الجابيه خــــــــــززنا** صرتي عدونا يسير فــــــي جرّتنا
صرتي العـــــدو في مســــــــيري** ويكثر شقـــايا وليعــــتي وتكديري
بخصوص لغلّـــــــبت عني غيري** تبدي عــــــدو في دارنا عـــــدوتنا
ووين ما بغيتي تسير بري سيري** وبيدك تخيّـــــــــر نارنا وجنـــــّتنا
الشمعة
أنت شـــــــــمعـــــــــتي في داري** مادمت تحفظني تصـــون أسراري
أنت حبــــــــــيبة درب أم صغاري** أنتِ نور نوّر عـــشنا وسـكــنتـــنا
يوم تمرضي تمرض معاك أفكاري** ولاتعــــوضك بنتي ولا جـــــــارتنا
المــــرأه نظـــــــام محـــــــــلـــها** بتنظيـــــــــفها وترتـــــيبها لعملها
ببسمه ظريفه تـــــــــقابله راجلها** تجلّي علينــــــــا الهم في عيـــــّتنا
تخفف مشاكل ولفها حاملـــــــــها** يحس الخواطر طــايبه لطيـــــبتها
هي الحــــــــياة أنــــــــــــــوارهــا** ونبع الصفاء بجنايــــنه وأزهارها
وهي مدرســه تقدر تعد أصغار ها** وبيهم تعلّي في العــــلا رايــتنــــــا
وهي فتنة الـــشاعر الولعت نارها** وهي قصدنا ومقصودنا وغايــــتنا
هي درسنــــــــــــا المـــتمــــــــدد** وموضوعنا المــا فيه ما يتـــــحدد
ومهمانحاول في القصيـــــــد نعدد** تبقى زوايا خافــــــــــــيه فاتــــتنا
ونبقى نعاود إسمها ونـــــــــــردد** وتبـــقى أسرار الكون في دنيــــتنا
ننهــــــي قصــــــــيدي نكمّــــــــل** وخلي السامع ينــــقده ويتـــــأمل
ورغم الجــــفى من واجبي نتحمّل** لجمهور حب الشعر في جــرّتـــنا
ويا شاعري خمـــــّل دباشك خمّل** لوكان ناس الشعـــــر ما فهمتــــنا
(تمت)
