الأخ ~> H.A.M.M.O.D.I .. رد حول افضل صالات الاحساء

[عشــق البطــوله]

من بعد اذن الأداره اسمحولي على الموضوع وكل الشكر لكم

اخوي انا من اهل الخبر بس ادرس بالحسا ...

خلص اشتراكي الجيم بالخبر وحبيت اكمل العب حديد بالحسا ..

وش احسن جيم برايك اذا ماعليك كلافه ..

في البدايه اعذرني على الرد في موضوع عام اضطريت ماقدرت ارد عليك برساله خاصه نظرا لقلة مشاركاتي ..

فالموقع يطلب ع الأقل 500 مشاركه عشان ترسل رساله خاصه لأي عضو ..!!!

عموما اخوي ياهلا وسهلا .. وابد مافيه ازعاج ولا شي افا عليك بس حاظرين لك يالغالي ..

وتشرفنا وتنورنا في الحسا بوجودك طال عمرك..

بالنسبه لأفضل جيم بالحسا اللي هو صالة القوه او الغزال هي افضل صاله لأن فروعها كثيره بالحسا وبالشرقيه

بشكل عام يعني فيه لها فروع في الخبر وفي الدمام وفي القطيف .. يمكن يختلف اسم الصاله بس مالكها شخص واحد ..

وفيها ميزه حلوه يعني تقدر تدفع مبلغ رمزي وتقدر تلعب بأي فرع من الفروع ..
يعني مثلا انت تلعب بالصاله اللي بالحسا واذا رحت الخبر تقدر تلعب حديد بفرعهم اللي بالخبر مقابل هذا المبلغ الرمزي ..

وانا شخصياً في صالة القوّه على شارع الستين قريب من دوار خط قطر يمكن تعرفها .. بصراحه الصاله ممتازه وسعرها معقول ..

واذا تحب اي معلومات ثانيه انا حاظر يالغالي ولاتتردد

بالتوفيق

[عزه النفس]

هلا بشباب ديرتي شباب الاحساء

والله كلامك حلو يا جديد بغراطيسي


بس احسن صاله بالحسا هي صاله الالمبيه الي على خط الستين


واذا ماعنده فلووس خله يروح الكواسر اضن التسجيل بالسنه 500 او 600

[fares allil]

حركات والله يا جديد بقراطيسي

أنا بنفس هذي الصالة وطبعا انا مبتدئ و توني مكمل أسبوع و نص تقريبا فيها...لازم نشوفك هنااااك..وناخذ من خبرتك يا اخوي لأني من جد معلوماتي قليلة...طبعا الصالة ممتازة لأبعد الحدود بس مشكلتها أن الجداول مافيها تمارين بطن..
عشان كذا انا بعد ما أنهي التمارين اللي في الجدول أرقى فوق..في صالة تمارين البطن اللي جمب صالة السويدي..وأقعد أتعفط هناك لحالي أسوي تمارين بطن وحتى ما أدري إذا أنا قاعد أسويها بشكل صحيح ولا لا
لأنه مافي مدربين فوق يعلموني تمارين بطن..

[عشــق البطــوله]

هلا بشباب ديرتي شباب الاحساء

والله كلامك حلو يا جديد بغراطيسي


بس احسن صاله بالحسا هي صاله الالمبيه الي على خط الستين


واذا ماعنده فلووس خله يروح الكواسر اضن التسجيل بالسنه 500 او 600

ياهلا فيك اخوي عزّة النفس

وبالنسبه للصاله الاولومبيه هي نفسها صالة القوه ولكن الاولمبيه هو الأسم القديم لها ..

صحيح الكواسر رخيصه جداً ولكنها مزحومه وصغيره ..

نورت اخوي عزّة النفس واتشرف بمرورك يالغالي

[عشــق البطــوله]

حركات والله يا جديد بقراطيسي

أنا بنفس هذي الصالة وطبعا انا مبتدئ و توني مكمل أسبوع و نص تقريبا فيها...لازم نشوفك هنااااك..وناخذ من خبرتك يا اخوي لأني من جد معلوماتي قليلة...طبعا الصالة ممتازة لأبعد الحدود بس مشكلتها أن الجداول مافيها تمارين بطن..

عشان كذا انا بعد ما أنهي التمارين اللي في الجدول أرقى فوق..في صالة تمارين البطن اللي جمب صالة السويدي..وأقعد أتعفط هناك لحالي أسوي تمارين بطن وحتى ما أدري إذا أنا قاعد أسويها بشكل صحيح ولا لا
لأنه مافي مدربين فوق يعلموني تمارين بطن..

ياهلا فيك اخوي ..

لو تحب نلتقي انا اجي دايم العصر واطول بالصاله .. واتشرف بمعرفتك وافادتك بأي شي تحتاجه

وبالنسبه لتمارين البطن فعلا الجداول مافيها تمارين بطن لكن تقدر تتمرن فوق مثل ماقلت وبالنسبه للطريقه شوف اي كبتن وقوله يطلع وياك فوق ويعلمك .. وماعتقد انه راح يمانع

واذا احتجت شي انا حاظر وياهلا وسهلا فيك

[fares allil]

ياهلا فيك اخوي ..

لو تحب نلتقي انا اجي دايم العصر واطول بالصاله .. واتشرف بمعرفتك وافادتك بأي شي تحتاجه

وبالنسبه لتمارين البطن فعلا الجداول مافيها تمارين بطن لكن تقدر تتمرن فوق مثل ماقلت وبالنسبه للطريقه شوف اي كبتن وقوله يطلع وياك فوق ويعلمك .. وماعتقد انه راح يمانع

واذا احتجت شي انا حاظر وياهلا وسهلا فيك

تسلم والله ما تقصر

أنا بعد أجي وقت العصر بالعادة و إن شاء الله نتقابل هناك
بس لا هنت لو تعطيني أي شي أميزك فيه عشان أعرفك ^_^
طويل أو قصير..أو وش راح تكون لابس اليوم..إلخ

[H.A.M.M.O.D.I]

بالنسبه لأفضل جيم بالحسا اللي هو صالة القوه او الغزال هي افضل صاله لأن فروعها كثيره بالحسا وبالشرقيه

بشكل عام يعني فيه لها فروع في الخبر وفي الدمام وفي القطيف .. يمكن يختلف اسم الصاله بس مالكها شخص واحد ..

اولاً الف شكر على ردك ..

والصاله هذي شفتها اكثر من مره شكلها جيده ...

بس حبيت اسألأك في واحد يقولي عن صاله عند طريق النجاح ..

جنب سوبرماركت اليحيا .. على كلامه يقول هي الأفضل ..

بس المشكله انها بعيده عني ..

[عزه النفس]

صحييح كلامك يالاخ هي بنهايه الحسا اضن

انا ساكن بالهفوف بالخالديه واشوف لامانع قريبه جنبي صاله الغزال الي على خط الستيين

واذا كنت ساكن جبن الخالديه وتبي صاله قريبه رح الكواسر ورخيصه كمان



وشكرا

[عشــق البطــوله]

اولاً الف شكر على ردك ..


والصاله هذي شفتها اكثر من مره شكلها جيده ...

بس حبيت اسألأك في واحد يقولي عن صاله عند طريق النجاح ..

جنب سوبرماركت اليحيا .. على كلامه يقول هي الأفضل ..

بس المشكله انها بعيده عني ..

لاشكر على واجب يالغالي ..

وبالنسبه للصاله اللي تقول عنها اعتقد والله اعلم انها ايضاً من فروع صالة الغزال

لأن فروعها كثير عندنا ولكن مسمياتها مختلفه ( ياليتك ذكرت اسمها في الرد )

بالنسبه لجميع الصالات عندنا هي من فروع صالة الغزال بإستثناء صالتين ( الكواسر - والذهبيه) على حد علمي

بس ياليتك ذكرت مقر سكنك او الجامعه اللي تدرس فيها عشان افيدك بالصالات اللي قريبه حولك

ولي عوده بعد ردك

[H.A.M.M.O.D.I]

^^

انا ياطويل العمر بجامعه الملك فيصل وساكن عند السجن

اما اذا بالنسبه للرخص ماهمني واجد انا بالخبر مشترك في ال

فيتنس تايم ...

اهم شي مكان محترم ومافيه زحمه ومدربين ممتازين ...

[xxx1409]

عشق البطوله رد رائـــع لا بل أكثـــــــــــر من رائــــــع على المدعــو مستر حديدوز
أنا أول ماقرأت الكومنت حقه فور لي دمي ويوم نزلت وقريت ردك قسم بالله كأنو أحد رشني مووويه بااارده
وفعلا ردك أهانه وفي نفس الوقت بأحتــرام وهذا أهل الأحســـا خاصه محترمين مايغلطون على أحد ولا نرضى أحد يغلط علينا
محدثكـ : من الأحسـاء -المزروع

[عشــق البطــوله]

^^

انا ياطويل العمر بجامعه الملك فيصل وساكن عند السجن

اما اذا بالنسبه للرخص ماهمني واجد انا بالخبر مشترك في ال

فيتنس تايم ...

اهم شي مكان محترم ومافيه زحمه ومدربين ممتازين ...

اذاً عزيزي انصحك بصالة القوّه على شارع الستين

واذا تبي وصفها انا حاظر

وبالتوفيق لك وان شاء الله نلتقي فيك ذات يوم

[عشــق البطــوله]

عشق البطوله رد رائـــع لا بل أكثـــــــــــر من رائــــــع على المدعــو مستر حديدوز
أنا أول ماقرأت الكومنت حقه فور لي دمي ويوم نزلت وقريت ردك قسم بالله كأنو أحد رشني مووويه بااارده
وفعلا ردك أهانه وفي نفس الوقت بأحتــرام وهذا أهل الأحســـا خاصه محترمين مايغلطون على أحد ولا نرضى أحد يغلط علينا
محدثكـ : من الأحسـاء -المزروع

تسلم حبيبي الله يعافيك

وياهلا فيك ولد الديره

[H.A.M.M.O.D.I]

يعطيك العافيه شكلي عرفته هو الي جنب مطعم جوده ...

ان شاء الله بمر عليه يوم السبت اشوف ..

[عشــق البطــوله]

يعطيك العافيه شكلي عرفته هو الي جنب مطعم جوده ...

ان شاء الله بمر عليه يوم السبت اشوف ..

ايوووه ! بالضبط مثل ماقلت .. جنبه جوده وكودو ومملكة المعجنات ..

ولكن الصاله قبلهم بشوي ..

بالتوفيق لك يالغالي