مساعدة شباب

[11khaldi]

السلام عليكم

انا من اشد المعجبين بالموقع

متابع من سنة ونص معكم

مالكم بالطويلة

اتمارن على فترة متقطعه من 2سنتان وزني كان متذبب يطلع 95 مع التمرين وينزل 65 وقت الدراسة
اخذت كورس بالصيف وكان وزني قبل الكورس 81
بعد الكورس 95

قبل رمضان وقفت تمارين ونزل وزني 90مع شحم بالكرش
مع رمضان اكل مالذ واطب لئن اخر شهر لي بالسعودية
على العموم طولت عليكم
يوم16 من رمضان بديت اجري 30دقيقة قبل الفطور الين قبل العيد بيومن وقفت

والحين لي اسبوعين العب بالجم اجري من 30 الى 45 دقيقةسباحة 15دقيقة والعب كوكتيل ظهر صدر
اخذlipo6x4حبات باليوم بعض الايام 6حبات
بداء الجسم يرجع مثل قبل

طولي 177
وزني 88 عمري 24بعد شهرين بكون25

تنصحوني اخذ مكملات ولا انتظر
عندي شهرين قبل لا اشترك بالجم لئن هينا الاشتراك بعقد 12شهر
والجم الي عندي بالسكن كويسة بحول انزل صور لها
ابي قبل ماابدء مع مدرب اكون جهاز جسم مشدود ولياقة عالية
وعلى فكرها امشي باليوم اكثر من 3ساعات رايح الجامعه وجاي رايح

النصائح

[AmiTy Ville]

أهلا وسهلآ فيك عزيزي ان شاءالله تستفيد معانا وثم تفيد

اولا بالنسبة لـ الليبو6 اكس عزيزي الجرعه هي 4 حبات فقط حبتين حبتين ولاتحط نفسك في مشاكل انت في غنى عنها

وفي مواضيع كثيره تحدثنا فيها عن الليبو بأنواعه << خذ لفه عليهم

ثانيا دام انت من النوع اللي بسرعه ينزل وزنه فا الافضل انك تكمل على اللي انت فيه حاليا وتنزل عشره كيلو ودام عندك شهرين حلو راح تنزل الوزن المطلوب مع شد الجسم بالمشي والمشي السريع والهروله والسباحه واذا تاخذ تمارين سويديه راح يكون افضل لك اكثر

بالنسبة للجري اذا تقصد هروله فا ممتاز اما جري جري لا تجري

سخن مشي وبعدين مشي سريع وبعدين هروله وبعدين ارجع مشي سريع ورد مره ثانيه هروله يعني بين هاذيلا وانت قسمهن على حسب ماتحب

والسباحه 15 دقيقه لاتكفي زيد شوي والسباحه ممتازه جدا جدا

ولين ماتنزل للوزن المطلوب راح تتوصل للياقه جيده جدا اذا انت مستمر بأنتظام مع مراعاة نوعية التغذيه اللي تاخذها فا ابتعد عن الدهون والكوليسترول وكثر من البروتينات والكاربو هايدرات

عزيزي انت ماشي صح بس كمل بجهد وامورك طيبه

والعمر كله ان شاءالله

بالتوفيق

[11khaldi]

مشكور على سرعة الرد

تنصحني اشتري بروتينات%الكاربو هايدرات مكملات تساعدني

ولا اخلية طبيعي

[AmiTy Ville]

الافضل طبيعي عزيزي لكن بشرط وجباتك تكون ممتازه واهم شي التغذيه اهم من المكملات
واهم شي تركز على انك لازم تنزل الـ10 كيلو

بعدين وبعد ماتنقص وتوصل للوزن المطلوب بتدخل جيم بتلعب شامل مدة ثلاث اسابيع وبعدها بتنتقل لجدول وتكمل شهر بعدين تبدا تاخذ مكملات

بالتوفيق

[11khaldi]

مشكور على الرد

ممكن اخذ امينو مع و مكملات
لئني مابي اخسر العضل
تنصحني بشي

[AmiTy Ville]

ماراح تخسر عضل عزيزي انت راح تخسر دهون وبعد ماتنتهي من الليبو6 وتسجل بنادي وتكمل شهرين بعدين المكملات اخوي وخطوه بخطوه وان شاءالله الامور طيبه

[11khaldi]

يعطيك العافية

[11khaldi]

كيف الحال مرةثانية

وزنت بتاريخ 7%10%2009
كان 88 اللة يكرمك كنت لبس الجزمة طولي 177
والحين تاريخ 27%10%2009
85 بدون الجزمة 175
2حبيتن xليبوا الصبح
حبيتن الساعة 3 العصر
الكرش واللة الحمد راح منها النصف مع الخواصر
بروز عضلات الكتوف والصدر على خفيف
شرايك
ماشي صح انا الحين ولا
سؤالي ابي انزل بسرعة كيف الحين
بياضة الصبح مع موزة وتفاحة
الغداء فول مع موزة وتفاحة او كيوي
العشاء حمص تفاحة او سطلة خضراء
حليب وكرونفلكس خيار لي اغيرابالفطور
الغداء اغير فاصوليا بدل الفول
والويكند افتح بالاكل
شريك