اتوقع كلكم تعرفون وش اقصد بعنوان الموضوع.. اللي يفكّر انه يشتري قرية واقعياً اقولها له من الحين .. يطلع براسك نخل
طيب خلوني اوضّح لكم السالفة اكثر ..
فيه لعبة اسمها ترافيان و صارت منتشرة بين العربان , الدرجة وصلت من تبادلني بقريتك إلى بيع و شراء بأسعار أغلى من كمبيوتري المخيس
اذكر كنت مشترك فيها , و لعبت فيها حوالي اسبوعين و كلها كم ضغطة و انتظر ساعات و بعدها كرر الضغطة و .. الخ
إلى أن يظهر اشخاص اسمهم التتار و يهدمون قريتك .. و اذا كنت اخر واحد تهدم قريته تعتبر الـKIng , يعني تعبك و سهرك كله يروح عبث
الخلاصة ..
انا بعرف بس ذولا وشلون يفكرون !! او بالأصح من وين يفكرون
الناس طايحين على هاللعبه !! مدري على وش ؟؟http://abdulaziz.store.googlepages.com/TravianVisitor.jpg
والله اعرف واحد يقوم من النوم ولا يغسل وجهه على طول يدخل على اللعبه !!
وياليت انها لعبه فلاشيه عشان تتحمس وتلعب ،، لا !!
صوره واقفه !! وكل شوي تتغير يايزيد خشب او طوب او سراميك
يعني تروح تنام وتصحى الا زادو عدد سكانك !! وكبرت المدينه !!
وكل ما تنام اكثر كل ما تتوسع مدينتك ويكثر شعبك !!
وش هالعبه اللي ما افوز فيها الا اذا نمت !!
اعرف واحد مشتري له حبوب منومه عشان ينام اكثر يبي مدينته تتوسع
وواحد ثاني انتحر لأن النوم ماجاه وخسر في اللعبه !!
هاه .. وش رايكم انتم ؟
صورة مع التحيّة لكم
احم احم
