اعـــلان لعبة World oF Warcraft قيلد عربي في .>Server Kilrogg >Allince

[heero999]

سلام عليييييكم ,, حبيييييت اخبر لعشاق وار كرافت انه احن مجموهة من الشباب من الامارات سوييينا قيلد عربي في سيرفر كلروج اليوم من البداية احن بس 8 لعيبة وكلنا مخلصين كل الرايدات وعندنا لبس وكلنا قداما نلعب وار كرافت من 2004 يعني نعرف كل شي عن اللعبة واغلبنا مخلص 25 مان هيروكس بعد
سبب انه سوينا ها القيلد بصراحة ملييينا من ذل الانجلييييز نبا نلعب ونستانس ونلعب على راحتنا
يو غير جذه انه وقتهم غير عن وقتنا يعني مثلا احن نبدا الرايد الساعة 10 فليل توقيت الامارات على توقيتهم تقريبا ساعة 6 ونخلص ساعة 1 ساعات ساعة 2 فليل
وبعد كم تسوى انك تلعب ويا عيال بلادكم سوالف وضحك ونتكلم عربي يعني بصراحة ملييييت انا من الانجليييييز
انا كنت واحد من احسن تانكس في السيرفر وفي احسن قيلد والحين ابا اسوي هالقيلد وكلنا عرب
لانه لازم حد يبادر ويسوي قيلد عربي قوي ولا في حياتنا بنتم مذلولييييين من الانجليييييز
انا حبيت افتح هالموضوع لاني متاكد في وايد ناس يتمنون يكونون في قيلد عربي واولهم انا
انا بسوي هالقيلد بس حق الوناسة مب هاردكور يعني ضحك وسوالف وفي نفس الوقت نحصل لبس
وبنسسسساعد بعض طبعا
واتمنى اني احصل ناس تتنمى تلعب ويا ناس عرب طبعا احن شباب من دبي
شخصياتنا
Heero - warroir Protection
Reemon - Holy Paladin
Rayner - Hunter
Darkniss - mage
Lion - resto Shaman
Wali - Resto Druid
Herye - Mage
Haard - Retri Paladin
worknights - Death knight
Server Name
Kilrogg
Allince
English
واي معلومات او اسئلة ثانية
اتكلموا وياية
عالايميل
bloodycute _heero @hotmail.com
او في اللعبة

HEERO
ولا
Lion

عندنا فنتريلو
وكل شي يحتاجه اللعبة

والسموحة منكم

[Daiboken]

والله كان ودي
لاكن انا في blackrock ماقد دخلت في قلد عشان اللغه والتوقيت

[Qatarpirate]

السلام عليكم ,

بالتوفيق إن شاءالله , لكن دام هناك جيلد عربي بدى في الـ Grim Batol وأشوف ماشاءالله الشباب هناك لعبهم ممتاز ليه ماتدخلون معهم وتسـوون بروجريس قوي في السيـرفـر بدل الـ Normal mode Bosses ?

تحياتي لكم

[Daiboken]

والله كان ودي
لاكن انا في blackrock ماقد دخلت في قلد عشان اللغه والتوقيت

[rogue the best]

بالتوفيق ان شاء الله
واتمني لكم التوفيق

انا بضيف رد ولكن خارج عن موضوعكم
شباب انا حاولت احط موضوع ويرفض يقول لازم 500مشاركه وبعدها وصلني كلام انه لازم تسجل بمجموعه الالعاب الي تبعها هذا المنتدي ,وسجلنا قبل شهر,المهم قبل 3ايام حاولت احط موضوع ولا يرفض يقول 500مشاركه
انزين ابي ارسل رساله للاخ هت مان وشوف الموضوع عنده وش الحل الا ترد علي الصفحه لما اضغط ارسال
يقول 500 مشاركه لازم,,,, انزين قلت خلني ارسل رساله للاخ الي حاط القوانين الي اشوفها في منتدي واو
الا يقولي لازم 500 رساله!!!! اخاف باجر اذا بسوي رد علي موضوع يقولي 500 مشاركة بليز (ولا يكثر)!!!

الحين انا قمت اشوف فيلم 300محارب بس بطريقه مختلفه والسبب 500 مشاركة!!!!!

ادخل رابط فيلم 300محارب وشوف هل تعتقد انك شعرت بالاختلاف الي انا حسيته ولا لا؟
http://www.youtube.com/watch?v=0V8we...eature=related


واسف يا صاحب الموضوع
ولكن كلام ودي اقوله
وسلام عليكم
ملاحظه:
انا يمكن شفت دريد وياهم دقيقة1:04

[Fepo]

السلام عليكم ورحمة الله وبركاته ,,,

اخوي heero999

موضوعك حلو
وتم سبقك عليه من قبلنا فى سيرفر Grim Batol

سوينا قلد عربي بنسبه 80% كلنا عرب من جميع الدول السعوديه وقطر والامارات والكويت وليبيا

ومازلنا نحاول نجيب عدد اكبر عشان نبدأ ريدات ال 25 man

يشرفني عن طريق هالمنتدى ادعوك انت واخوياك للانضمام لنا فى سيرفرنا
وعندنا vent خاص فينا

اعلى بروقرس سويناه الى الان totgc 10 47 try
icc 10 4/4

اتمنى تكون دعوتي مقبوله عندكم
منها على قولك اذا اجتمعنا بتكون وناسه وفله للجميع
ومنها نكون قيلد عربي حلو



واذا فكرتي مالها قبول عندكم السموحه
بس حبيت اشارك يوم شفت موضوعك ولقيت انكم 8 اعضاء الى الان
حنا نتشرف بوجودكم معنا

ودمتم بود

[veona]

بالتوفيق يارب لكم
وان شاء الله نكون مع بعض على طول
تحياتي لك ولموضوعك
بالتوفيق للجميع....

[fahadwow]

والله تفكيرك سليم 100 % انه يكون الريد ضحك وناسه وهم بنفس الوقت قاعد تلبس

والله مشكله بعض شباب الي ياخذون واو بجديية 100%

[.::RaK_BoY::.]

ليش ما تيي سيرفرنا Skullcrusher
وتحولون هورد

هالسيرفر فل عرب ومن الامارات بعد

انا صار لي فترة ادور قيلد يسوي ريدز محترم ...

[heero999]

السلام عليكم ورحمة الله وبركاته ,,,

اخوي heero999

موضوعك حلو
وتم سبقك عليه من قبلنا فى سيرفر Grim Batol

سوينا قلد عربي بنسبه 80% كلنا عرب من جميع الدول السعوديه وقطر والامارات والكويت وليبيا

ومازلنا نحاول نجيب عدد اكبر عشان نبدأ ريدات ال 25 man

يشرفني عن طريق هالمنتدى ادعوك انت واخوياك للانضمام لنا فى سيرفرنا
وعندنا vent خاص فينا

اعلى بروقرس سويناه الى الان totgc 10 47 try
icc 10 4/4

اتمنى تكون دعوتي مقبوله عندكم
منها على قولك اذا اجتمعنا بتكون وناسه وفله للجميع
ومنها نكون قيلد عربي حلو



واذا فكرتي مالها قبول عندكم السموحه
بس حبيت اشارك يوم شفت موضوعك ولقيت انكم 8 اعضاء الى الان
حنا نتشرف بوجودكم معنا

ودمتم بود

مرحبا اخوي احن نتشرف انه نكون ويا قيلد عرب ومتكامل ماشالله عليكم بس احن 3 فينا عنده

مشكلة في الانتقال من سيرفر لي سيرفر في فترة من الفترات سوو لي انا هكر ايام بلاك تمبل لانه

كان عندي قولد وايد واندر المونتات ولبس تاير 6 سوو لي انا هكر من بعدها انا مب مترقع كل ما

ابا انتقل من سيرفر لي سيرفر يقوله الاكونت مالي بلوكد ما اقدر انقله اتصلت في المسؤوليين

بليييزرد فوق 300 مرة ولا يردووون علي سويييت مسج في القيم وفي الموقع قالووو لي لازم

اتصل المهم المشكلة من انحلت وبصراحة انا عندي 3 شخصيات ف نفس الاكونت ما اقدر اترك 3

واسوي من يديد وبعد عندي قووووووولد وكل البروفشنال وفي واحد من شباب وياية عنده نفس

المشكلة اذا انحلت المشكلة انشالله راح ابلغكم ونكون ويا بعض وما عندي اي تعليق على كلامك
ومشكور على مرورك وبالتوفيق

[heero999]

ليش ما تيي سيرفرنا Skullcrusher
وتحولون هورد

هالسيرفر فل عرب ومن الامارات بعد

انا صار لي فترة ادور قيلد يسوي ريدز محترم ...

مشكور اخوي عالمرور

نفس الرد اللي كتبته ل Fepo

اتمنى انك تشوفه والسموحه

[Fepo]

السلام عليكم ورحمة الله وبركاته ,,,,

والله انا معك اكيد هذي مشكله
بس انشاء الله تلقى لها حل في اقرب وقت
انا لو منك افتح تيكت للجي ام
وقوله انا اتصلت اكثر من 100 مره
ولا جاني رد منكم
وابي انقل من هالسيرفر وابيك تشوف لي حل
بالاتصال محدن رد علي
وانشاء الله ان طلع الجي ام ممتاز
بيلقى لك وحل
وتشرفونا كلكم فى Grim Batol

تمنياتي لك وللجميع بالتوفيق
وان صار معكم شىء جديد خبرونا بيننا تواصل فى المنتدى انشاء الله

[العوق]

والله مشكلة البلوك هذه مشكله انا تركت اكاونتي وفيه 3 شخصيات 80 وشتريت اكاونت يديد وكل شي عندي الان لا بلوك ولا شي اخوي تبون بلادن توني واصل 80 ؟
يعني القير مب لين هين هناك اذا في مجال خبرني بحول من هورد للاينس وبنقل عندكم

[elemua]

اخوي الاسماء اللي انت حاطهمك بالموضوع شيّكت على بعضهم ،، مافيه اي بروغرس في اللعبه ،،
حدهم هيرويك ،، وبس ،، يعني حتى أولدوار 10 ما حد خلص ،، ولا ToC بعد

كيف تقول انكم محترفين ومن 2004 ومخلصين هيرويك 25 بعد ؟


بالتوفيق

[.::RaK_BoY::.]

السلام عليكم ورحمة الله وبركاته ,,,

اخوي heero999

موضوعك حلو
وتم سبقك عليه من قبلنا فى سيرفر Grim Batol

سوينا قلد عربي بنسبه 80% كلنا عرب من جميع الدول السعوديه وقطر والامارات والكويت وليبيا

ومازلنا نحاول نجيب عدد اكبر عشان نبدأ ريدات ال 25 man

يشرفني عن طريق هالمنتدى ادعوك انت واخوياك للانضمام لنا فى سيرفرنا
وعندنا vent خاص فينا

اعلى بروقرس سويناه الى الان totgc 10 47 try
icc 10 4/4

اتمنى تكون دعوتي مقبوله عندكم
منها على قولك اذا اجتمعنا بتكون وناسه وفله للجميع
ومنها نكون قيلد عربي حلو



واذا فكرتي مالها قبول عندكم السموحه
بس حبيت اشارك يوم شفت موضوعك ولقيت انكم 8 اعضاء الى الان
حنا نتشرف بوجودكم معنا

ودمتم بود

انا هورد في سكل كرشر

بلادين هيلر ودي بي اس...

اذا لي مكان عندكم مع ربيعي بحول الاينس وبجيكم ^^

Elvaan
SkullCrusher-EU