سؤاليين لشباب الي لعبو تضخيم

[JiuJitsu]

السلام عليكم ورحمة الله وبركاته

كيف الحال شباب ان شاءالله بخير

بغيت اسالكم شباب كم تكون تقريبا الزياد العضليه بـ 4 او 5 اشهر من التضخيم (( بدون كرياتين )) <<< متحمس لصيف

طبعا التغذيه 100% ونوم 10 ساعات بالليل والراحه يومين بالاسبوع يعني باحسن الحالات كم تكون وبالاسواء كم

وهل ممكن بعد التمرين بالنادي اروح اتمرن جيوجتسو بعدها بنص ساعه (( مافيها اجهاد للعضلات التركيز عالتكنيك )) باستثناء البطولات طبعا

واذا كان ممكن اتمرن الجيوجتسو ومابيأثر على النمو العضلي

متى اخذ البروتين بعد تمرين الاثقال على طول او بعد الجيوجتسو او بعد الاثقال سكوب وبعد الجيوجتسو سكوب ؟

والسموحه على الاطاله

[mashkaljey]

بغيت اسالكم شباب كم تكون تقريبا الزياد العضليه بـ 4 او 5 اشهر من التضخيم (( بدون كرياتين )) <<< متحمس لصيف

طبعا التغذيه 100% ونوم 10 ساعات بالليل والراحه يومين بالاسبوع يعني باحسن الحالات كم تكون وبالاسواء كم

شوف صدقني محد يقدر يعطيك تقدير لهالامر لان كل انسان وجهازه الهضمي من حيث الحرق للاكل يعني كمثال انا عن نفسي ابدأ شهر تضخيم ولاني حرقي سريع فانا خلال شهرين يزيد وزني 5 كيلو فقط مع اني اكل اكل والعب لعب لكن طبيعة جسمي حركتي سريعه مثال بالمشي العادي تشوفني امشي بسرعه واتملل من المشي البطيء وفي عندي صديقي خلال شهرين زاد 10 كيلو مع انه لاعب كره وانت عارف يعني شنو تلعب كره ونفس المنتجات ونفس التمارين لكن جسمه يحرق ببطء وانا بسرعه فاهمني طبعا

وهل ممكن بعد التمرين بالنادي اروح اتمرن جيوجتسو بعدها بنص ساعه (( مافيها اجهاد للعضلات التركيز عالتكنيك )) باستثناء البطولات طبعا

واذا كان ممكن اتمرن الجيوجتسو ومابيأثر على النمو العضلي

متى اخذ البروتين بعد تمرين الاثقال على طول او بعد الجيوجتسو او بعد الاثقال سكوب وبعد الجيوجتسو سكوب ؟

شوف جسم الانسان يحرق لمده 3 ساعات بعد تمرينك العضلي الشديد يعني انت بتلعب بعد نص ساعه رياضه عنيفه كالجيوجستو يعني افضل لك انك تاخذ مثل ما انت قلت سكوب بعد الحديد وسكوب بعد الجيوجتسو وبعدين قبل لاتنام تاخذ سكوبين

انا لم العب جيوجستو لكن كم فتره تمرينك ؟ اعتقد لاتزيد عن ال 3 ساعات والا راح تحرق كل الدهون لوكنت تلعب تضخيم

دمت بود

[JiuJitsu]

تسلم يابو ابراهيم عالافاده والتوضيح

والحمدالله الحرق عندي متوسط ان شاءالله بجيب نتائج ممتازه

وبخصوص فترة تدريب الجيوجتسو ساعه ونص يوميا

[toto jeddah]

انا كنت العب كيك بوكسينغ في فترة التضخيم .. لكن عندي موز وتفاح وحليب شوكلاته وكل ساعة اكل موزة وتفاحة ومستمر ع البروتينات ..

رح يزيد وزنك لو حافظت ع الاكل وتعطي جسمك سعرات حرارية مابين فترة وفترة وكثر كاربوهيدرات ,,

[آبو رآشـد]

مثل ما قالو لك الشباب لكن فية نقطة شلون تلعب جيو جتسو مع تضخيم مستيحل ما يصلح ابدا كذا راح تبني معك العضلة لكن مو بالشكل المطلوب

اللعبة من اقوى الالعاب الي تسوي لك ضغط على العضلة خاصة عند الامساك لازم قوة جهد فيها او الدفاع في اللعبة ظغط على العضلة

غير تمارين اللياقة الي تتمرنها قبل ما تخش تدرب لازم تتمرن لياقة يوميا وبوش اب ولا علشان قوة التحمل عندك تقوى واذا ما كنت تتمرنها قبل ما تدرب الجيجتسو مدربكم مع احترامي لة ما عندة سالفة

علشان كذا تضخيم والجيو جتسو ما يدخلان مع بعض ابدا

في التضخيم لك يوم الى يومين تقدر تلعب فيهم لياقة كارديو او ما شابة فقط وهذا مو علشان تكسب لياقة ابدا علشان تحرك مستوى الكوليسترول والسكر في جسمك او تمارس هوياتك المفضلة مثل السباحة

النوم يكون 8 ساعات هو الافضل تبي تزيد حياك الله لكن ما تنقص

اما البروتين معروف قبل التمرين بساعة وبعد التمرين مباشرة ولافضل استفادة دام ان الايض عندك متوسط تقدر تاخذة اول ما تصحى من النوم يكون ممتاز

بالتوفيق

[toto jeddah]

^^


أبو راشد كلامك صحيح لو كان يريد جسم مثل لاعبين كمال الأجسام المحترفين . .
وربما هو من عشاق اللعبة الجيجستو ولكن يريد امتلاك جسم جميل ورائع وضخم ومليء بالعضلات . .
وذلك يحصل ومقبول جدا جدا واكبر دليل شوف لاعبين مصارعة الـ ufc . . من الأوزان الكبيرة وتلاقي عضلات بطن بارزة وعضلات جسم متناسقة . .



لعبة كمال الأجسام من أكثر الألعاب مرونة وتتقبل جميع الألعاب وتعتبر هي أم الألعاب . .

مودتي

[آبو رآشـد]

يا تركي المسالة مو كذا

ولاعبين الـ ufc هذولا لهم سنين تدريب ونظام تغذية معين رح ناظر الناشئين في اللعبة الي لة سنتين او سنة وزنة ما تعدى الـ 65 الا ان كان طويل
اوزان جدا قليلة نظرا للجهد الي يبذلة

وبعديا عن المسالة هذي الفكرة ان قلت لة التضخيم والجيوجتسو ما يتقابلون انها بالفكرة هذي

انت ساكن في الرياض مثلا وهدفك توصل لمنطقة جدة

وفية سيارتين

سيارة سرعتها 200

وسيارة ثانية سرعتها 300

وانت تبي توصل لهدفك باسرع فرصة وش تركب


اعرف على طول ان مع الجيوجتسو كانك راكب مع صاحب السيارة الي سرعتها 200 ما راح توصل لهدفك بسرعة ولو واحد معك نفس نظامك بكل شي لكن ما يلعب لعبة ثانية راح يوصل لهدفة ويتعداه وهو توة ما خلص نص مشوارة انا ما اعرف وش هدفة من التضخيم ان كان تضخيم بمفهومة ما فية امل يوصل كذا لهدفة ام ان كان هدفة من التضخيم الجسم الفرنسي فقط راح يوصل لكن لازم يصبر صبر ايوب وهو يلعب كمال الاجسام والجيوجتسو

انا لاعب تيكوندو سابقا واعرف هالامور من خبرة كل ما تقدمنا في اللعبة كل ما نحفنا زيادة نظرا للمجهود والتمارين الزفت الي نسويها كل يوم

[toto jeddah]

^^

كلامك 100 %
الله يديك العافية بس تصدق ما أثرت فيا الكيك بوكسينغ لأن تركيزي ع الحديد كان اكتر . .

[AmiTy Ville]

اذا ما خاب ظني ان العضو قالنا
هل ممكن بعد التمرين بالنادي اروح اتمرن جيوجتسو بعدها بنص ساعه (( مافيها اجهاد للعضلات التركيز عالتكنيك )) باستثناء البطولات طبعا

يعني تمرينه مجرد حركة طبيعيه ومجهود لايذكر خصوصا اذا كانت مدته بسيطه

اما اذا هناك مجهود متوسط فا انا مع الاخوان لانه صعبه فا العضل محتاج راحه بعد التمارين المجهدة

[JiuJitsu]

ماتوقعت احد يعرف شي عن الـ mma بالمنتدى خخخ (( الـ ufc منظمه من منظمات الـ mma لتصحيح مش مصارعه )) وانا كنت ناوي اضخم عشان اجهز جسمي خصيصا للـ mma

وبخصوص الضغط على العضله يالرسمي مابلعب الا تكنيك بشكل خفيف هالفتره بدون بطولات او تحديات بين الشباب لانها هي الي تستهلك طاقه اكثر شي

وفي شي شفته بكثير من برامج تدريب لاعبين الـ mma والملاكميين انه اخر شي عندهم دائما يكون الحديد

وعلى كل حال بجرب لمدة شهر بخلي الجيوجتسو قبل الحديد وقبل الجيوجتسو وبعده سكوب وي بروتين وكارب كثير وان شاءالله تمشي الامور 100%

ومشكورين شباب عالافادات