ابغا اخذ بروتين للتضخيم و ما ادري وش احسن نوع ممكن يفيدني

[il.w7sh]

السلام عليكم .. بصراحه هاذي اول مشاركه لي ف المنتدى الكبييييييييير

و بصراحه اعجبتني مواضيعكم و انبسطت .. لقيت اغلب الاشياء اللي ادور عليها هناا ..

انا عندي كم سؤال ..

اولاً ..
انا عمري 22 طولي 173 و وزني 59

و لي تقريباً شهر و عليه ف الجم و ابغا اخذ بروتين للتضخيم و ما ادري وش احسن نوع ممكن يفيدني بسرعه و طريقه استعماله

و ودي بجدول تمارين مرتب عشان امشي عليه .. لان المدرب اللي ف الجم دااااااااااج

و سؤال الثاني لأخوي

و عمره 18 طوله 170 و وزنه 76 ..

و كان كمان ف الجم بس لياقه و وده يخش حديد بس عنده مشكله ف الزوايد الجانبيه .. ينحف من فوق بس الزوايد مو راظيه تروح ..
ودي اسـأل عن بروتين مناسب له او حارق دهون .. والتمارين اللي ممكن تساعده ..


شاكر لكم مقدماً ..

[آبو رآشـد]

بالنسبة لك

انت كنت تبي مكمل يعطيك وزن عندك السيرياس ماس ممتاز جدا عضل ودهون وراح يزيد وزنك مظبوط

بالنسبة للجدول عندك في توقيعي جدول ضخامة امش علية

لخوك خلة يشتغل حرق حاليا لين يشيل الزوائد ويتدرب ويقدر ياخذ حارق دهون مثل الليبو 6 ويحرق الزوائد الي في جسمة وان كان يبي مكمل بروتين معة يقدر ياخذ الوي بروتين ما فية الا 1.5 غرام دهون بس على طول يحرقة او ياخذ برو كاملكس العادي مو الغينر

بالتوفيق

[اللورد الأحمر]

أهلا أخي العزيز ...

بالنسبة للمكمل المناسب لك عندك نوعين النوع الأول اللي قال عليه الأخ الرسمي الا وهو السيرياس ماس والنوع الثاني الترو ماس النوعين ممتازين جدا للضخامة وزيادة الوزن ...

طريقة استعماله ثلاث مرات يوميا قبل أو بعد الفطور براحتك تخلطه مع حليب بارد ...
والمرة الثانية بعد التمرين مع ماء بارد ...

والمرة الثالثة والأخيرة قبل النوم مع حليب ...

بالنسبة للجدول مثل ما قال الأخ الرسمي عنده موضوع مميز بتوقيعه جدول ممتاز جدا للضخامة وبامكانك تبحث بالمواضيع المميزة وتشوف الجداول ...

بالنسبة لأخوك ما ازيد على كلام الرسمي ...

[il.w7sh]

الله يعطيكم العافيه .. الرسمي , اللورد الاحمر

انا كنت ابي اشوف احد مجرب السريس ماس .. طيب كم ياخذ وقت عشان ألاحظ الفرق !!

و طلب ثاني كمان << ادري اقلقتكم

ابي شي يعطيني بور .. والله دايم احس اني خدران و ما فيني حييل ..

و هل صحيح لازم اشرب 4 لتر مويه اذا كنت بستعمل البروتين !!

[AmiTy Ville]

حياك عزيزي وان شاءالله تفيد وتستفيد

عن الفرق والملاحظه هذي تعتمد من شخص لآخر في ناس بسرعه ياخذ جسمهم وناس لا وانت سوي اللي عليك وقسم وجباتك الى 6 وجبات يوميا وارقد من وقت ولاتسهر وتمرن صح

بالنسبه للباور كثر من الكاربوهيدرات وبامكانك تاخذ موزه او موزتين قبل التمرين

اما عن الماي مو شرط ولكن يستحب وانت اصلا يوم تتمرن راح تعطش وتشرب ع قد احتياجك وغير هذا في اوقات غير وقت التمرين شي طبيعي راح تشرب من لتر الى لترين ونص

الا اذا كان البروتين مخلوط معه كيرياتسن هنا كلام اخر

امنياتي لك بالتوفيق

[il.w7sh]

شكراً اخوي AmiTy Ville ..

بس هو البلا ف الوجبات ما اقدر اكل اكثر من 3 او ثنتين حتى .. لأنو عندي مشاكل ف بطني و مو اي اكل يناسبني

و اذا عن موزه او موزتين قبل التمرين اذا اكلتها بريح و انام لانها تعتبر عشا بالنسبه لي .. ودي ف شي اشربه يكون افضل لاني اشرب سوايل كثييييييييير يومياً

[اللورد الأحمر]

هلا أخوي ...

اذا شهيتك عزيزي غير مفتوحة للأكل راح أوصيك على فاتح شهية اسمه المسيقور جدا جدا ممتاز لكن اذا قلت ما يناسب لك اي اكل هنا كلام ثاني ...


بالنسبة للمشروبات أنا اشوف في مشروبات طاقة مخصصة لكمال الأجسام تعطي باور غير البايسن والريد بول والكلام الفاضي هو مشروب غالي شوي سعره تقريبا من 10 الى 20 ريال اسمه ABB وفي علامة صقر وفي عندك الموز بالحليب خليط رائع وممتاز عن تجربة شخصية يعطي باور بشكل ممتاز جدا ...


تحياتي ... اللورد الأحمر ...

[Leaner]

عن نفسي انصحك بال pro complex gainer الي وصاني عليه الأخ مشكلجي الله يعطيه العافية وزادني 7 كيلو عضل لمدة شهر

طعمه حلو وانا كنت آخذه بعد التمرين فقط يوميا والسكوب الواحد فيه 80 جرام كارب + 65 جرام بروتين + 25 نوع من الفيتامينات والحديد بس مشكلته يخلص بسرعة

ووقت الراحة آخذ سكوب بعد الاستيقاظ مباشرة

[safitop]

اخي الشباب ما تركو شئ و تكلمو فيه وانا انصحك بالصبر

[AmiTy Ville]

عزيزي تأكد ان رياضه كمال الاجسام اعتمادها الاول والاخير هو التغذيه فا التغذية تمثل 70% ومن ثم الحديد 30%

اذا تغذيتك ضايعه وماتقدر تعطيها حقها فا صعب تكمل مشوار الاف ميل

انت تحتاج لتشجيع وطموح ودام انك تقدر على ثلاث وجبات فا واصل وشوي شوي زيد + استعمالك للمكمل خصوصا انه راح يكون مع الحليب او الماء = سوائل وانت تحب السوائل

وشد حيلك صدقني راح تتأقلم وتتغير اما عن الاكل اللي بعضه مايناسبك فا حاول تشوف غيره وان شاءالله تتأقلم تدريجيا

امنياتي لك بالتوفيق

[il.w7sh]

قسم بالله مدري وش اقووولكم .. ابدن ما توقعت كل هالردوود والنصااايح ..
الله يعطيكم الف الف عااااااااااااافيه .. و انشالله ربي يقدرني و اقدر افيدكم باللي اقدر عليــــــــــه زي ما افدتوني ..

[اللورد الأحمر]

الله يعافيك أخوي والشباب ما عملوا الا الواجب وان شاء الله نكون قد أفدناك بالشكل المطلوب ....

[.ابوقحط.]

عن نفسي انصحك بال pro complex gainer الي وصاني عليه الأخ مشكلجي الله يعطيه العافية وزادني 7 كيلو عضل لمدة شهر

طعمه حلو وانا كنت آخذه بعد التمرين فقط يوميا والسكوب الواحد فيه 80 جرام كارب + 65 جرام بروتين + 25 نوع من الفيتامينات والحديد بس مشكلته يخلص بسرعة

ووقت الراحة آخذ سكوب بعد الاستيقاظ مباشرة

الافضل على الاطلاق هذا البروتين حاليا pro complex gain

وثق بالله لن تستفيد من السيريس ماس الا الخواصر والكرش فقط وباقى جسمك رايح يكون ضعيف
وتخيل المنظر

ان استغرب من الاخوان الى ينصحون بالسيريس ماس والملعقه مالته كبيره جدا جدا ولازم عده ملاعق علشان توصل للنسبه الى مكتوبه لك على المنتج
بينما ال pro complex gain ملعقه واحد 60 جرام بروتين + 80% كربوهيدرات

[آبو رآشـد]

لا حرام عليك يا ابو قحط ظلمت السيرياس ماس

السيرياس الكارب اكثر من البرو كاملكس تقريبا دبل البرو كاملكس وهذا الي يحتاجة الي يبي يضخم عضل مثل ما انت عارف

البرو كملكس الدهون فية اكثر من السرياس ماس الفات فية كثير

السيرياس ماس فية احماض امينية عكس البرو كاملكس الغينر الي ما فية

البرو كاملكس ثقيل على البطن اكثر من السيرياس ماس وهذا الي ما يحتاجة الي نحيف لانة بيد نفسة عن الاكل لساعات

الكوليسترول في البرو كاملكس اكثر من السيرياس ماس نتيجة للدهون الكثيرة الي فية

الفيتامينات الموجودة في السيرياس ماس تقريبا دبل الفيتامينات الموجودة في البرو كامبلكس

طبعا انا استخدمت السيرياس ماس ولا عطاني خواصر وماشي معي تمام يا بعدي

[اللورد الأحمر]

كلامك سليم أخي الرسمي السيرياس ماس أنا عندي أفضل من البرو كمبلكس القينر في اكثر من ميزة مثل ماوضحت بالظبط...