يا اخوان سويت كل شي (الدهووووون)

[باتو الدرعيه]

اهلا بالوحوش

اول شي احب امسي عليكم اول موضوع لي وانا متابع للمنتدى ولمنتديات كثيره وعجبني المنتدى وبنستقر فيه ان شاء الله

انا قريت كثير من المواضيع وخلال الشهرين الي راحت سويت رجيم اكثر من شهرين
كان وزني 73 والان 63 وعلما ان طولي 171 ونسبه الدهون 24%

نتكلم عن (الدهون) بالرجيم اول شي معتمد على تخفيف الاكل فقط بدون تفكير لا في الدهون والاشياء الاخرى لاني بالعربي ما ادري عنها بديت مع القرائه ومتابعه المواضيع استفدت الكثير

دخلت حديد بعد كذا ولي شهر ونص بالحديد وماشي فيه احسن ما يكون وجسمي تغير (كلي)

الحمد لله واستقريت اني اتدرب حديد ولكن هناك العارض الوحيد والمتعب نفسيا وهو الدهون والترهلات في البطن

سويت نظام غذائي وتدريب مكون من جري مع مشي 20 دقيقه وبطن ثلاث ايام بالاسبوع وحديد يوميا والجري عدا يومين في الاسبوع رااااحه

والاكل امشي خلال شهر على الوجبات التاليه
التونه بالمويه
الزبادي خالي الدسم
حليب خالي الدسم
اناناس
خبز بر
مشوي (قليل)
موز
كون فيلكس
خيار
تمر <<هل ينفع او لا في تخفيف الدهون
.........................................
لا اكل المقليات ولا اقرب الغازيات ابدا واكثر من الحليب

انا ان شاء الله مستمر في الحديد من الحماس شريت عده دنابل وبار وكرسي تغير جسمي كله تقريبا الا البطن احس بعضلات البطن وشتدها في التدريب ولكن الترهلات عذبتني وخاصه في اسفل البطن ..

تكفون عطوني مجرد ملاحظات ممكن تغير الكثير ولكم جزيل الشكر

واتمنى اكون ضيف جديد وخفيف عليكم

الوزن 63 الطول 171 الدهون 24%

مودتي

[mashkaljey]

اخوي حياك الله بالقسم وان شاء الله تفيد وتستفيد

شوف يا غالي مساله شهر ونص وتبي المعده مفصله هذي انساها لان ما تصير ابد

لازم على الاقل ما يقل عن 3 اشهر وتحس بالفرق فقط تشوف فرق وما اقصد تشوف العضلات !!

بالنسبة لتمارينك انا فهمت من كلامك ان ما عندك درايه بالتمارين وان تدريبك بالمنزل وليس بالنادي ؟؟ طيب هل انت متاكد من لعبك بطريقه صحيحه ؟

يمكن انت تلاحظ تغير بالجسم وهذا شي ممتاز خلال شهر ونص انجاز بصراحه لكن لازم تنتبه التدريب المنزلي ما يحقق نصف ما يحققه النادي بالاضافة الى انك بتحصل لك اصابه في حال لعبة بشكل خطأ او رفعت اوزان عاليه ما تقدر على رفعها وبالاضافة الى شيءاساسي انك ما تقدر توفر كل الاجهزة اللي تساعدك على التمرين لكل عضلات جسمك ؟!!

فانا اقولك توكل على الله وسجل بنادي ولا تتوقع شيء خلال ال 3 اشهر لكن باذن الله بعد ال 3 اشهر بتلاحظ التغيريات واهم شي يا اخوي انك تلتزم بجدول منظم بالاضافه الى انك ما تحرم نفسك من الاكل وتسوي رجيم لان الدهون اللي فقدتها بالرجيم وليس بالرياضه من السهل ان تعود بالاضافة الى ان الرجيم يكسب الجسم ترهلات اذا لم يكن مصحوب برياضه

انا اقول ركز على التمارين للمعده وفي عندك موضوع اخونا ابو راشد في قسم المواضيع المميزة عن تمارين المعده بتستفيد منه لتعرف تمارين المعده السفلي

بالتوفيق

[JiuJitsu]

نسبة الدهون عندك فوق الطبيعي ووزنك تحت الطبيعي الظاهر نسبة الماي بجسمك دااااون

و اول خفف من الحليب (( قلاص واحد من الحليب منزوع الدسم )) بيسد تقريبا كل احتياجاتك من الكالسيوم والزياده فيه ترا (( تضر بالكبد ))

والتمر اظني ماينفع لحالتك لانه فيه كمية كارب لكن قبل التمرين اظني عادي (( انتظر رأي الخبراء ))

وتمرن بالاسبوع 4 او 5 ايام تكفي لانه الجسم يحتاج للراحه وكثر من شرب الماي مش مره وحده ولكن على مدار اليوم (( يساعد في انقاص كمية الدهون )) (( ولا تنسى اثناء التمرين على دفعات صغيره مهم جدا ))

و قبل التمرين بساعتين اشربلك كوب نسكافيه (( الكافيين يساعد باعطاء طاقه بالتمرين + يحرق الدهون ))

حاول ترفع كمية البروتين اليوميه شوي لانه بيساعدك على انقاص الوزن + ازالة دهون البطن والجوانب هذا على حسب كلام دراسه نيوزلنديه على ماذكر وقسم وجباتك الى 5 او 6 وجبات يوميا 3 رئيسيه و 3 او 2 سناك (( اشياء خفيفه بين الوجبات الرئيسيه مثل زبادي منزوع الدسم وفي دراسة اكدت بانه اضافة مشتقات الالبان مع الوجبات تساعد بانقاص كمية الدهون بالجسم وخذلك كل اسبوع وجبه مفتوحه كل الي تبيه فيها

وممكن تاخذ لك حارق دهون يساعدك على حرق الدهون (( اذا كان عمرك 18 وفوق وماعندك اي امراض مزمنه مثل السكر وضغط الدم وقلب والخ ))

وان شاءالله اكون افدتك ولو بقليل وباقي الاخوان ان شاءالله يفيدونك اكثر

[AmiTy Ville]

ماقصرو الشباب وطالما فقط عندك موضوع واحد وهو اسفل المعده فا امورها سهله عزيزي بس يبالها شوية صبر وعندك موضوع الاخ بو رأشد عن ازالة الكرش خذ لفه عليه

بالتوفيق

[scaryface]

كيف الوزن 63 و الطول 171 ونسبة الدهون 24% ؟؟ في شي غلط

[باتو الدرعيه]

اخوي حياك الله بالقسم وان شاء الله تفيد وتستفيد

شوف يا غالي مساله شهر ونص وتبي المعده مفصله هذي انساها لان ما تصير ابد

لازم على الاقل ما يقل عن 3 اشهر وتحس بالفرق فقط تشوف فرق وما اقصد تشوف العضلات !!

بالنسبة لتمارينك انا فهمت من كلامك ان ما عندك درايه بالتمارين وان تدريبك بالمنزل وليس بالنادي ؟؟ طيب هل انت متاكد من لعبك بطريقه صحيحه ؟

يمكن انت تلاحظ تغير بالجسم وهذا شي ممتاز خلال شهر ونص انجاز بصراحه لكن لازم تنتبه التدريب المنزلي ما يحقق نصف ما يحققه النادي بالاضافة الى انك بتحصل لك اصابه في حال لعبة بشكل خطأ او رفعت اوزان عاليه ما تقدر على رفعها وبالاضافة الى شيءاساسي انك ما تقدر توفر كل الاجهزة اللي تساعدك على التمرين لكل عضلات جسمك ؟!!

فانا اقولك توكل على الله وسجل بنادي ولا تتوقع شيء خلال ال 3 اشهر لكن باذن الله بعد ال 3 اشهر بتلاحظ التغيريات واهم شي يا اخوي انك تلتزم بجدول منظم بالاضافه الى انك ما تحرم نفسك من الاكل وتسوي رجيم لان الدهون اللي فقدتها بالرجيم وليس بالرياضه من السهل ان تعود بالاضافة الى ان الرجيم يكسب الجسم ترهلات اذا لم يكن مصحوب برياضه

انا اقول ركز على التمارين للمعده وفي عندك موضوع اخونا ابو راشد في قسم المواضيع المميزة عن تمارين المعده بتستفيد منه لتعرف تمارين المعده السفلي

بالتوفيق

اسف على التأخر في الرد بسبب السفر مشكور اخوي انا مسجل بنادي ومن اول يوم اتمرن فيه وانا بنادي وتمارين البيت ممله جدا وانا مركز على تمارين المعده بس البطن ما يخف عذبني

[باتو الدرعيه]

نسبة الدهون عندك فوق الطبيعي ووزنك تحت الطبيعي الظاهر نسبة الماي بجسمك دااااون

و اول خفف من الحليب (( قلاص واحد من الحليب منزوع الدسم )) بيسد تقريبا كل احتياجاتك من الكالسيوم والزياده فيه ترا (( تضر بالكبد ))

والتمر اظني ماينفع لحالتك لانه فيه كمية كارب لكن قبل التمرين اظني عادي (( انتظر رأي الخبراء ))

وتمرن بالاسبوع 4 او 5 ايام تكفي لانه الجسم يحتاج للراحه وكثر من شرب الماي مش مره وحده ولكن على مدار اليوم (( يساعد في انقاص كمية الدهون )) (( ولا تنسى اثناء التمرين على دفعات صغيره مهم جدا ))

و قبل التمرين بساعتين اشربلك كوب نسكافيه (( الكافيين يساعد باعطاء طاقه بالتمرين + يحرق الدهون ))

حاول ترفع كمية البروتين اليوميه شوي لانه بيساعدك على انقاص الوزن + ازالة دهون البطن والجوانب هذا على حسب كلام دراسه نيوزلنديه على ماذكر وقسم وجباتك الى 5 او 6 وجبات يوميا 3 رئيسيه و 3 او 2 سناك (( اشياء خفيفه بين الوجبات الرئيسيه مثل زبادي منزوع الدسم وفي دراسة اكدت بانه اضافة مشتقات الالبان مع الوجبات تساعد بانقاص كمية الدهون بالجسم وخذلك كل اسبوع وجبه مفتوحه كل الي تبيه فيها

وممكن تاخذ لك حارق دهون يساعدك على حرق الدهون (( اذا كان عمرك 18 وفوق وماعندك اي امراض مزمنه مثل السكر وضغط الدم وقلب والخ ))

وان شاءالله اكون افدتك ولو بقليل وباقي الاخوان ان شاءالله يفيدونك اكثر

مشكور اخوي جدا وانا باخذ على كلامك 5 وجبات باليوم وراح اشوف موضوع حارق الدهون بس ودي اعرف وش اسمائها وافضل شي ؟؟؟؟؟

[آبو رآشـد]

اخوي راجع موضوعي المثبت عن ازالة الكرش

بالتوفيق يا وحش

وبالنسبة لباقي الامور ما قصرو معك الشباب ..

وسالفة افضل حارق هو الليبو 6 ممتاز جدا ..

[باتو الدرعيه]

ماقصرو الشباب وطالما فقط عندك موضوع واحد وهو اسفل المعده فا امورها سهله عزيزي بس يبالها شوية صبر وعندك موضوع الاخ بو رأشد عن ازالة الكرش خذ لفه عليه

بالتوفيق

خذتلي لفه على النت كله مهب الاخ بو راشد بس الان في مرحله كرف الجسم قليلا سباحه وحديد وجري اذا ما تغير البطن راح اتفاهم معه تفاهم ثاني