SRT Group
الله يبارك فيك .. والعفو حبيبي ,,
بخصوص رونالدو وهيقوين .. انا اشوف انهم زينين اذا كانو راس حربه وتبادلوا المراكز .. او رونالدو ينزل ويروح عالاجنحه وهيقوين يضل راس حربه صريح ,,
والجار أتلتيكو مدريد سواها وفاز على برشلونه .. والفارق الى نقطتين
إن شاء الله يستمر هالتألق .. والدفاع يضل ثابت ومانبي هفوات ومشاكل منه ..!
عضو مميز
مبروك للجميع تقليص الفارق
أهو المشكلة هيجوين لمه يكون بروحه صعب عليه يأدي زين لأنه كان متعود إنه وياه واحد يسانده , يعني لو تلاحظ بنزيما و هيجوين اب كل المباريات الي لعبوها ويا بعض تلقى الفريق كان لاعب أحسن مبارياته لأنه طريقة لعبهم متشابهة و قريبين يم بعض عكس رونالدو الي يتحرر من الهجوم و يرجع للوسط و خاصة يروح للأجنحة لأنه هذا اهو المكان الي يبدع فيه
عضو مميز
القائمة المستدعاة لملاقاة ليون
الحراسة : كاسياس و أدان
الدفاع : أربيلوا , ألبيول , راموس , جاراي و مارسيلو
الوسط : كاكا , ألونسو , ديارا , جاجو , ديرنثي , لاس و جرانيرو
الهجوم : رونالدو , راؤول , هيجوين و بنزيما
الأخبار المفرحة : عودة بنزيما من الإصابة
الأخبار المحزنة : غياب كل من جوتي , فارت , متزيلدر و دوديك بسبب الإصابة
Strong heart
الله يبارك فيكمبروك للجميع تقليص الفارق
بالتوفيق للملكي غدا ضد ليون
عضو مميز
التشكيلة الرسمية لريال مدريد
كاسياس
أربيلوا - راموس - ألبيول - مارسيلو
ألونسو - مامادو ديارا
جرانيرو - كاكا
هيجوين - رونالدو
عضو مميز
هاردلك شباب على الخسارة
أداء سيء جدا و مالي خلق أكتب السلبيات اب صراحة!! + غياب مارسيلو و ألونسو عن لقاء الإياب
عضو مميز
حان وقت كتابة السلبيات لول
1- إشراك ديارا من البداية رغم إنه لم يلعب دقائق كثيرة منذ عودته من الإصابة , صحيح إنه مممكن نستفيد من جسمه و طوله لاكنه بطيء الحركة و كذلك تمريراته , فأعتقد إنه كنا نحتاج لاس أكثر منه لأنه لاس سريع الحركة و دايما يضغط على المنافس و هو لاعب مقاتل و باصاته سريعة.
2- وضع هيجوين و رونالدو في الهجوم وهذا ما دائما أعارضه و كما وضحت سابقا فأنا أشوف رونالدو أفضل بكثير بأن يلعب كجناح مهاجم أو جناح وسط وأحيانا خلف المهاجمين و ليس كمهاجم صريح علأقل كان المفروض يبدل جرانيرو و يدخل بنزيما أو راؤول و يصير الهجوم رونالدو و أمامه راؤول أو بنزيما و هيجوين.
3- هيجوين ألاحظه إنه ما يلعب عدل في المباريات الي تكون في ملعب الخصم و ساعات ما يركز في الباص أو التسكين , يمكن لأنه يكون بروحه بالهجوم و رونالدو يكون راجع , فالأحسن إنه بنزيما و هيجوين مع بعض لأنه طريقة أدائهم مشابهة لبعض و دائما يكونون قريبين من بعض , و هذا ما ذكرته في السابق أيضا.
عضو مميز
غياب ألونسو و أربيلوا عن الفريق في مباراة الإياب أمام ليون في البرنابيو بسبب تراكم البطاقات الصفراء
عضو متواصل النشاط
مرحبا انا جديد في قسم في الرياضة
بس قلبي ملكي من سنة 2000 اشجعه
بالنسبة للمبارة فعلا كانت سلبية والسلبيات نفس ما قلت انا متفق في اغلبها
بس ما مشكلة في امل ترى 1-0 نتيجة عادية
يقدر الريال يحسمها على ارضه
عضو مميز
^^^^
حياك الله
مو المشكلة عقدة دور 16ما أتمنى تتكرر خصوصا هذي السنة
Strong heart
هارد لك شباب على الخسارة
من جدمو المشكلة عقدة دور 16
حتى انا ما اتمنها تتكرر
SRT Group
المشاركة الأصلية كتبت بواسطة Tockuchi
هاردلك شباب على الخسارة
أداء سيء جدا و مالي خلق أكتب السلبيات اب صراحة!! + غياب مارسيلو و ألونسو عن لقاء الإيابتقريباً كنت مثلك محبط .. انا ما همتني النتيجه .. صحيح ان خسرنا 1-0
بس المشكله باللعب ..!
نقاطك الي ذكرتها صحيحه بس لا تظلم ديارا .. كان من افضل اللاعبين ,,
بس
هل ان بلقريني مدرب سهل .. وبيول مدرب ليون قدر ان يقرأ افكاره ووخطته وتغلب عليه ..!
وثاني شي .. مدريد يفقتد للروح .. ويفقتد للاعب الي عنده روح مدريد .. او اللاعب المخضرم الي يلعب بمدريد من زمان ..
مثل بيرلو بالميلان .. ودل بيرو باليوفي ..
مثل جيرارد بليفربول ووو إلخ
فـ الله يستر من دور 16 ..!
حياك الله اخوي ..
صحيح ان النتيجه عاديه .. بس المشكله بالفريق نفسه
يعني ممكن انهم يلعبون بنفس المستوى وبنفس الهفوات من الدفاع والحارس والاطراف
وانت عارف بالمواسم الخمس الي طافت بدور 16
الفرق الي تقابل مدريد .. كانت تقريباَ بعيده عن المراكز الاولى في دورياتها
مثل روما واليوفي والبايرن والليفر .. وليون معاهم ,,
بس نتمى من المدرب ان يلعب بخطه جيده جدام هالفرق .. وإحنا متفائلين ان شاء الله,, <<<
عضو مميز
..............تقريباً كنت مثلك محبط .. انا ما همتني النتيجه .. صحيح ان خسرنا 1-0
بس المشكله باللعب ..!
فعلا اللعب ما كان زين و ما حسينه إنه كنا نستحق الفوز!.
نقاطك الي ذكرتها صحيحه بس لا تظلم ديارا .. كان من افضل اللاعبين ,,
بس لو كان أكثر جهازية مثل لاس كان بيقدم أفضل.
بس
هل ان بلقريني مدرب سهل .. وبيول مدرب ليون قدر ان يقرأ افكاره ووخطته وتغلب عليه ..!
بليجريني مو سهل و مدرب حازم و تعامل مع ظروف صعبة رغم إصابات اللاعبين , مدرب ليون ضغط على فريقنا بطريقته و ماخلانه نستلم الكرة اب راحة عشان جذي معظم الباصات غلط لأنه الفريق مو متعود إنه الفريق الي ضده يضغط عليه و بعد ترى إنه تكون صاحب الأرض يسهل عليك و يصعب على الفريق الي ضدك.
وثاني شي .. مدريد يفقتد للروح .. ويفقتد للاعب الي عنده روح مدريد .. او اللاعب المخضرم الي يلعب بمدريد من زمان ..
مثل بيرلو بالميلان .. ودل بيرو باليوفي ..
مثل جيرارد بليفربول ووو إلخ
راؤول و جوتي و فارت هم الي أراهم يلعبون بروح مدريد هالموسم , أعتقد إذا لعب فارت راح تلاحظ اللعب جميل جدا و لا يتوقف و حركات و كعب و إلخ... و صنع الكرات الخطيرة للفريق.
فـ الله يستر من دور 16 ..!
إي والله , خايف ما تنفك العقدة
SRT Group
بليجريني مو سهل و مدرب حازم و تعامل مع ظروف صعبة رغم إصابات اللاعبين , مدرب ليون ضغط على فريقنا بطريقته و ماخلانه نستلم الكرة اب راحة عشان جذي معظم الباصات غلط لأنه الفريق مو متعود إنه الفريق الي ضده يضغط عليه و بعد ترى إنه تكون صاحب الأرض يسهل عليك و يصعب على الفريق الي ضدك.
انا معاك بكلامك .. بس الكامب نو من اقوى الملاعب وفوق هذا كنا نلعب ضد برشلونه افضل فريق بالعالم حالياَ .. ومع كل هذا .. قدرنه ان نسيطر على اغلب اوقات المبارات واللعب كان ممتاز
ما نقدر نحط العذر بالغيابات .. لأنه الموجودين امس كانوا لاعبين ممتازين .. بس فقدنا الروح وفقدنه اللاعب الي يقدر يحرك ويشجع الفريق ,,
راؤول و جوتي و فارت هم الي أراهم يلعبون بروح مدريد هالموسم , أعتقد إذا لعب فارت راح تلاحظ اللعب جميل جدا و لا يتوقف و حركات و كعب و إلخ... و صنع الكرات الخطيرة للفريق.
صل عالنبي ياخوي ..!
راؤول اسمحلي .. حتى لو قلت خبره .. بطيء
وقوتي ممتاز مع الفرق لصغيره .. بس المبارات الكبيره .. بسهوله ينطرد ويكون معصب ومزاجي ويخرب عالفريق
بس فارت صراحه احترمه هاللاعب .. أكثر لاعب مظلوم ومن افضل اللاعبين
ان شاء الله يرجع ونشوف المستوى احلى واقوى ,,
إي والله , خايف ما تنفك العقدة
دام ارتحنا من عقدة الريازور .. إن شاء الله راح نتأهل ونفتك من هالعقده ,,
بالتوفيق للريال ضد فيا ريال ,,
عضو مميز
..........................
التعديل الأخير تم بواسطة Tockuchi ; 19-02-2010 الساعة 08:34 AM
ضوابط المشاركة
