المشاركة الأصلية كتبت بواسطة mashkaljey
شوف طويل العمر
حتى بكل دولة ودوله الاسماء تختلف للعضلات والتمارين !!
يعني انا اسمي عضلات الظهر بيطان وناس تسميها الاجنحه وناس الظهر نفسه ما تغير الاسم عرفت
فمساله انك تعرف الاجهزة هذي مع الوقت لاتعطيها اهمية
اهم شي بما انك مبتدأ تدخل بجدول مرتب وتكون عارف انت بالامس شنو لعبت لان في ناس توقف يومين وترجع للنادي تقوله شنو لعبت يقولك والله ناسي وتعيد له اللعب نفسه من جديد فمساله اسماء التمارين او الاجهزه ماهي بالصعوبه عادي مع الوقت ولا تدقق فيها
بالنسبة اذا تبي تسال هنا بالقسم تاكد ان نحن نتعامل مع المبتدأ ونعطيه اللي يحتاجه اكثر من تعاملنا مع المحترف لان المحترف مايسال هنا اساله بسيطه دائما اسألته معقده فانت اي موضوع بتشوفه بالقسم العام بتلاحظ انه معاد ومكرر اما بقسم المواضيع المميزه فتحصل المواضيع اللي فيها تفاصيل اكثر ونادره
بالنسبه لنسب الدهون وما الى ذلك لا تعطيه بال ايظا خلال وقتك الحالي في بدايتك للعبه لانك بتحتاج بالاول تصقل موهبتك هذي وتبدأ تكون في جسمك اساس عضلي وعلى هالاساس العضلي تقرر شنو تبي تكون بالمستقبل وهالاساس العضلي يطلع من 3 اشهر الى 6 اشهر يعني ماهو بيوم وليله عشان تفكر وتقول متوهق ترى اللعبه بسيطه واللي يتفلسف فيها عليك ترى ما عنده سالفه طنشه
وبالعكس يا الغالي تلعب بروحك بالنادي افضل لك طبعا مع مباشره الكابتن الاجباريه له والاختياريه لك يعني هو مجبور انه يعلمك ويوقف فوق راسك مو برضاه وانت بكيفك تبيه ولا ما تبيه
مساله القروبات انا ضدها دائما يضيع الوقت يعني لو انا وواحد بس ندخل بنفس التمارين بيصير التمرين اللي نخلصه بساعتين يطول لل 3 ساعات لان احنا ما بنلعب مع بعض لازم انا اخلص واهو يدخل فما بالك لو اكثر من شخصين ؟ غير السوالف والغشمرة والسموحه على هالكلمة ( الهياط )
في ناس تقول برفع 50 دامبل واهو ما يقدر بس يعني شوفوني ولاهو مركز بالتمرين ولا مستفيد ويضيع وقته !!
فانت ماعليك اللي تشوفه يبي شرح اسال عنه قول ابي تشرحون لاهنتم الموضوع الفلاني وبس ونحن بنعطيك المختصر لا تقكر ان بنعقد السالفه وورقه وقلم لا ابد 1+1=2 على طول ما بندخل بتفاصيل ما تهمك ابشر مابنقصر ولاقصرنا مع احد ان شاء الله
وموفق خير
