سؤال للخبراء في مجال المكملات وخصوصاً النواكسبلود
بسم الله الرحمن الرحيم
السلام عليكم ورحمة الله وبركاته
الله يعطيكم العافيه ياشباب و ياوحوش..
سؤالي واضح وادري ان البعض يمكن يزعل من الموضوع ويقول لو دورة بالمنتدى كان لقيت اجابه لسؤالك ..
الموضوع :
انا كنت ألعب حديد بأستمرار قبل تقريباً 5-6 سنوات
وكنت استعمل بروتين اعتقد اسمه (ميقا ماااس)
وكان يعطيني باور خفيف وشكل للباي بوقت التمرين لكن اذا طلعت من النادي يفش الباي ويرجع لوضعه الطبيعي ..
وبعدين قطعت كم سنه ورديت ألعب لكن بشكل متقطع
يعني ألعب اسبوعين وأوقف اذا حسيت في تحسن
وهكذا...
طولي تقريبا 169
ووزني اعتقد 60
العمر 26
المهم :
انا ابي ابدي الاسبوع هذا وافكر بالاستمرار بشكل واقعي جداً...
ادري طولت لكن قلت اشرح وضعي علشان تكونون بالصوره .
انا عندي مشكله بالطاقه وهي السبب الرئيسي بعدم استمراري بالتمرين
مع العلم ان جسمي قابل للتحسن بسرعه (ماشاء الله لاقوة الا بالله)
فـــ بحثت عن مشكلة (الطاقه) ولفيت ودرت
وعرفت ان (الكرياتين) يعطي باور !!!
قلت بس اوكي هذا المطلوب..
وقلت ادور احسن نوع من الكرياتين
وبعدين عرفت ان الكرياتين لازم تشرب ماااي واجد
ولازم تاخذ معاه بروتين (حسب فهمي) ومكملات ثانيه ...
وبعدين قرأت ان احسن شي استعمله هو (النواكسبلود)
no-xplode
سؤالي هو : رايكم بهذا المنتج هل يصلح لي ؟
وهل اخذ معاه شي ؟
ياجماعه ابي تعرفون شي واحد
انا اقدر اروح للمحلات واسأل واشتري .
لكن كلكم تعرفون( ان البائع : بائع)
يعني يبي يمشي شغله وطبعاً مو الكل
فــ قلت أسأل اهل الاختصاص واهل الخبره اللي اهو انتم
والبركه فيكم
وصدقوني من كثر ما درت على المواضيع افتر راسي ...
واسمحولي على الاطالة
المشاركة الأصلية كتبت بواسطة شريف0
