رأيك يهمني ... تفضل (احتاج لمعلومات حول طريقي في بناء الاجسام)

[Mr.Tri]

السلام عليكم ورحمة الله تعالى وبركاته

والصلاة والسلام على اشرف خلق الله سيدنا محمد عليه وعلى آله وصحبه افضل الصلاة والتسليم

اخواني الاعزاء مشرفين واعضاء وزوار ,, اتمنى منكم افادتي بكل ما لديكم من معلومات تفيدني في طريقي وبدايتي في بناء الاجسام

انا اكملت الشهرين في اللعبة وطولي 180 ووزني 84 طبعا كان 93 كم لكن الحمد لله بفضله ومنته نزلت 10 كم في الفترة هذي واقدر انزل زيادة لكن ابغا المشورة

طبعا العب بالجدول الاعتيادي اللي هو صدر باي واليوم الي بعده ظهر وتراي وبعدين اكتاف و سواعد وترابيس(رقبه*) وبعدين ارجل بعدين راحة بعدين ابدء من جديد

انا الحمد لله شايف ان فيه تغيير في جسمي والدهون مابقي منها الا شي بسيط وتختفي

فأبغا المشورة منكم رغم اني اسشرت المدرب في النادي بس اخاف من المدربيين من كثر ما اسمع عنهم في الاستغلال خاصة لما تطلب منهم اي منتج

فساعدوني :
انا ضد اي عبارة يقولك انا ما ابغا اضخم <<
من رأيي مدام انتا ما تاخذ كورسات مستحيل توصل وتضخم بالشكل الي انت تشوفه في الكابتن وكذا ويبغالك فترة زمنية طويلة

انا الكورسات الى الان ما دخلت مزاجي وناوي ما استخدمها في المستقبل ان شاء الله

بس تنصحوني بالبروتينات والامنيو وقيلاتين او اشياء ممكن تفيدني غير هاذي

ازيد وزني او انزل الوزن ؟

الجدول نفسه والا تنصحوني بجدول ثاني

الوجبات اليومية طبعا 7 حبات بياض البيض + صحن سلطة (الافطار)

الغداء : حبة بطاطس مقلية مع صحن سلطة و 100 جرام رز مسلوق
او
300 جرام صدور دجاج و 100 جرام رز مسلوق

العشاء : علبة تونة مغسولة مع صحن سلطة
او
شيش طاووق او اوصال لحم او اوصال دجاج

4 حبات برتقال و 3 تفاح بين الوجبات على مدار اليوم

هذا يومي بالتفصيل طبعا ممكن اخربها بايسكريم باسكن او اشياء من هذا القبيل

كل ما عليك هو انك تتخيل نفسك مكاني وتعطيني مما اعطاك الله من العلم في هذي الرياضة

وتحياتي

ولد طيبة الطيبة

[ازرق اللون]

حياك الله اخوي

بالنسبة للوجبات الافضل تقسمها لخمس او ست وجبات تكون منها ثلاثة رئيسية مثلا الافطار يكون بياض بيض من 6 الى عشر حبات بالاضافة الى سلطة وربع او نصف خبز نخالة الغدا صدور دجاج مشوي او مسلوق منزوع الجلد او لحوم حمرا منزوعة الدهن مشوية او مسلوق او سمك مع رز ابيض مسلوق او بطاطا مسلوقة او مشوية او جزر يماني او اي من الكروبهيدرات بس تختار صنف او صنفين مع مراعاة الكمية وسعراتها الحرارية مع سلطة خضراء العشا نفس الشي بس احذف الكربوهيدرات وزيد من السلطات الوجبات الخفيفة تونة او كاربوهيدرات شرط تكون الكاربهيدرات قبل التمرين وبعد التمرين تبتعد عنها عشان تحافظ على جسم خالي من الدهون والزوائد

بالنسبة للمكملات حدد عمرك و هدفك او الجسم اللي تبي توصله وبعدها ممكن يكون الاخوان الاكثر خبرة مني بالمكملات افادتك باللي يتناسب مع سنك وهدفك افادتك بالمنتجات المناسبة

بالتوفيق

[WA7SH JEDDAH]

الامينو 2222 التابلتس والجلوتامين البودرة راح يفيدك وخفف الوجبات الى 6 فقط 3 رئيسية و3 فرعية الخضروات والفواكه والاكل المبخر والمسلوق وزيت الزيتون راح يفيدوك

بالتوفيق

[Mr.Tri]

حياك الله اخوي

بالنسبة للوجبات الافضل تقسمها لخمس او ست وجبات تكون منها ثلاثة رئيسية مثلا الافطار يكون بياض بيض من 6 الى عشر حبات بالاضافة الى سلطة وربع او نصف خبز نخالة الغدا صدور دجاج مشوي او مسلوق منزوع الجلد او لحوم حمرا منزوعة الدهن مشوية او مسلوق او سمك مع رز ابيض مسلوق او بطاطا مسلوقة او مشوية او جزر يماني او اي من الكروبهيدرات بس تختار صنف او صنفين مع مراعاة الكمية وسعراتها الحرارية مع سلطة خضراء العشا نفس الشي بس احذف الكربوهيدرات وزيد من السلطات الوجبات الخفيفة تونة او كاربوهيدرات شرط تكون الكاربهيدرات قبل التمرين وبعد التمرين تبتعد عنها عشان تحافظ على جسم خالي من الدهون والزوائد

بالنسبة للمكملات حدد عمرك و هدفك او الجسم اللي تبي توصله وبعدها ممكن يكون الاخوان الاكثر خبرة مني بالمكملات افادتك باللي يتناسب مع سنك وهدفك افادتك بالمنتجات المناسبة

بالتوفيق

الله يسعدك ياقمـر اشكرك على تواصلك

بالنسبة لعمري هو 26 سنة
هدفي في الجسم الي ابغا اوصله زي الي في الصورة هذي ومايمنع لو زادت شي خفيف



طبعا من غير السلسلة والكاب والشي الي ع اليد خخخخخخخخ

[Mr.Tri]

الامينو 2222 التابلتس والجلوتامين البودرة راح يفيدك وخفف الوجبات الى 6 فقط 3 رئيسية و3 فرعية الخضروات والفواكه والاكل المبخر والمسلوق وزيت الزيتون راح يفيدوك

بالتوفيق

طيب ياوحش جده يديك العافية
بس ترى مافهمت حكاية التابلتس والجلوتامين
بعدين الاكل المبخر والمسلوق دا من الرئيسية والا الفرعية
وبيني وبينك انا ما افهم في هرجة السعرات الحرارية وكم اكلت واحسب وما احسب
لو احد يحطلي جدول كدا منظم للستة وجبات مع الخيارات لكل وجبة اكون ممنون له

وشكرا مرة تانية

[اللورد الأحمر]

أهلا عزيزي ...

هذه الصورة للمصارع الشهير ( جون سينا ) وفعلا جسمه حلو ومفصل ...

تحتاج عزيزي للتغذية اللازمة والقوية والألتزام التام بالطعام والنوم اللذي يصل الى 8 ساعات يوميا على الأقل ...

والتمرين الجاد والمستمر والراحة اللازمة وترك المشروبات الغازية بأنواعها وترك الوجبات السريعة المضرة والدهون الزائدة .....


لذلك عزيزي تحتاج بعض المكملات مثل البروتين والأمينو و الجلوتامين والفيتامينات ....

بأنتظار ردك عزيزي ...

[WA7SH JEDDAH]

السلام عليكم ورحمة الله تعالى وبركاته

والصلاة والسلام على اشرف خلق الله سيدنا محمد عليه وعلى آله وصحبه افضل الصلاة والتسليم

اخواني الاعزاء مشرفين واعضاء وزوار ,, اتمنى منكم افادتي بكل ما لديكم من معلومات تفيدني في طريقي وبدايتي في بناء الاجسام

انا اكملت الشهرين في اللعبة وطولي 180 ووزني 84 طبعا كان 93 كم لكن الحمد لله بفضله ومنته نزلت 10 كم في الفترة هذي واقدر انزل زيادة لكن ابغا المشورة

طبعا العب بالجدول الاعتيادي اللي هو صدر باي واليوم الي بعده ظهر وتراي وبعدين اكتاف و سواعد وترابيس(رقبه*) وبعدين ارجل بعدين راحة بعدين ابدء من جديد

انا الحمد لله شايف ان فيه تغيير في جسمي والدهون مابقي منها الا شي بسيط وتختفي

فأبغا المشورة منكم رغم اني اسشرت المدرب في النادي بس اخاف من المدربيين من كثر ما اسمع عنهم في الاستغلال خاصة لما تطلب منهم اي منتج

فساعدوني :
انا ضد اي عبارة يقولك انا ما ابغا اضخم <<
من رأيي مدام انتا ما تاخذ كورسات مستحيل توصل وتضخم بالشكل الي انت تشوفه في الكابتن وكذا ويبغالك فترة زمنية طويلة

انا الكورسات الى الان ما دخلت مزاجي وناوي ما استخدمها في المستقبل ان شاء الله

بس تنصحوني بالبروتينات والامنيو وقيلاتين او اشياء ممكن تفيدني غير هاذي

ازيد وزني او انزل الوزن ؟

الجدول نفسه والا تنصحوني بجدول ثاني

الوجبات اليومية طبعا 7 حبات بياض البيض + صحن سلطة (الافطار)

الغداء : حبة بطاطس مقلية مع صحن سلطة و 100 جرام رز مسلوق
او
300 جرام صدور دجاج و 100 جرام رز مسلوق

العشاء : علبة تونة مغسولة مع صحن سلطة
او
شيش طاووق او اوصال لحم او اوصال دجاج

4 حبات برتقال و 3 تفاح بين الوجبات على مدار اليوم

هذا يومي بالتفصيل طبعا ممكن اخربها بايسكريم باسكن او اشياء من هذا القبيل

كل ما عليك هو انك تتخيل نفسك مكاني وتعطيني مما اعطاك الله من العلم في هذي الرياضة

وتحياتي

ولد طيبة الطيبة

شوف يا سيدي بالنسبة لطولك ووزنك متناسيقين تقريباً بس اتوقع عندك دهون في البطن اكيد لانك كنت تخسس على العموم عندي بعض الملاحظات على وجباتك شوف خذ هذا البرنامج وراح يزيد وزنك في الشهر 5 كيلو على الاقل طبعا مع بعض المكملات الي لازم تاخذها

بالنسبة للفطور جيد الى حدما لا من الافضل انك تستبدل السلطة بخبز اسمر مع جبنة خالية الدسم الي هي الشرايح المراعي مع 5 حبات بياض بيض
طبعاً هذي وجبة اساسية اما بالنسبة الفرعية
دائماً بعد الفطور بثلاث ساعات اقصى حد ممكن زبادي قليل الدسم 2 او حبة موز مع حليب خالي الدسم بالنسبة للغداء لازم يكون مكون من الكاربوهيدات العالية والبروتين وقليل من الدهون مثل

الارز اندونسي بدون ملح او البطاطس المسلوقة مو مقلية هذا الكاربو بالنسبة للبروتين عندك صحون صدور الدجاج بدون جلد وعظم خذلك شريحتين او لحم مفروم غنم او بقري الدهون الزيت الزيتون ولا تنسى السلطة واذا في كمان شوربة خضار افضل طبعا بالنيبة لطبخ الله واعلم انا عندي زوجتي كل يوم اقولها يوم دجاج ويوم لحم وهي عرف اني ما احب المح والدهون يكون الغداء نسبة الدهون فيه ما تزيد عن ملعقة زيت زيتون

الوجبة الرابعة الي هي بعد التمرين دايركت الي ممكن حبتين موز او تفاحة وموزة الي يريحك انا اعرف ناس بعد التمرين ياكل علبة تونة على طول
اما العشاء عندك اختيارات

ممكن صحن فول بدون عيش مع علبة زبادي وحبة طماط او فاصوليا علب مع تونة مع الزبادي او 5 حبات بياض بيض بدون صفار مع نص عيش وجبة بيضا او لبنة

بالسبة للأمينو سيبك منو خذلك امينو 4800 هذاللعضل الصافي اما الجلوتامين كتبتلك فوق اش فايدتوا تبغى تاخذ مكمل خذلك واي برويتن او الكمروبكلس العادي او النايتروتك

بالنسبة لاستخدام
اسكوب الصباح قبل الفطور بساعة بعد التمرين وقبل النوم

بالتوفيق

[mashkaljey]

الله يعطيكم العافية يا اخوان

اخوي اللورد عوده حميده وعسا المانع خير

بالتوفيق

[Mr.Tri]

أهلا عزيزي ...

هذه الصورة للمصارع الشهير ( جون سينا ) وفعلا جسمه حلو ومفصل ...

تحتاج عزيزي للتغذية اللازمة والقوية والألتزام التام بالطعام والنوم اللذي يصل الى 8 ساعات يوميا على الأقل ...

والتمرين الجاد والمستمر والراحة اللازمة وترك المشروبات الغازية بأنواعها وترك الوجبات السريعة المضرة والدهون الزائدة .....


لذلك عزيزي تحتاج بعض المكملات مثل البروتين والأمينو و الجلوتامين والفيتامينات ....

بأنتظار ردك عزيزي ...

الله ينور عليك اللورد
وعودا حميدا ووجهي خير على المنتدى لانك رديت في موضوعي و مشكلجي لقطك عندي بعد غياب طويل خخخخ

بالنسبة للصورة والله احسبها صورة عادية واحد رسمها وخلاص طلع انسان مشهور ماشاء الله .. احلى يا جون سينا جسمك فانتاستك

بس يالورد تتوقع كم وزن جون سينا ؟ لاني بيني وبينك انا خايف من حكاية الوزن الزايد ومتعقد منو .. مع اني ما كنت سمين لكن في دهون في البطن << اكل ونوم وعاطلين لا شغل ولا مشغلة فأكيد الكرشة حتسير ملعب الملز

البروتينات الي قلت عليها دي عادي ابدء فيها من دحين يعني اخش الشهر التالت ببروتينات وامينيو وقلوتامين .؟ والا استنى ترى كل ما سألت واحد يقعد يفتيلي وانا اندووشت وربي
الحديد دا متاهات شكلي حقلب تربيعة بلوت في المخطط وانتهينا خخخخخخخخ

اشكرك وانتظر ردك ياقمر

[Mr.Tri]

شوف يا سيدي بالنسبة لطولك ووزنك متناسيقين تقريباً بس اتوقع عندك دهون في البطن اكيد لانك كنت تخسس على العموم عندي بعض الملاحظات على وجباتك شوف خذ هذا البرنامج وراح يزيد وزنك في الشهر 5 كيلو على الاقل طبعا مع بعض المكملات الي لازم تاخذها

بالنسبة للفطور جيد الى حدما لا من الافضل انك تستبدل السلطة بخبز اسمر مع جبنة خالية الدسم الي هي الشرايح المراعي مع 5 حبات بياض بيض
طبعاً هذي وجبة اساسية اما بالنسبة الفرعية
دائماً بعد الفطور بثلاث ساعات اقصى حد ممكن زبادي قليل الدسم 2 او حبة موز مع حليب خالي الدسم بالنسبة للغداء لازم يكون مكون من الكاربوهيدات العالية والبروتين وقليل من الدهون مثل

الارز اندونسي بدون ملح او البطاطس المسلوقة مو مقلية هذا الكاربو بالنسبة للبروتين عندك صحون صدور الدجاج بدون جلد وعظم خذلك شريحتين او لحم مفروم غنم او بقري الدهون الزيت الزيتون ولا تنسى السلطة واذا في كمان شوربة خضار افضل طبعا بالنيبة لطبخ الله واعلم انا عندي زوجتي كل يوم اقولها يوم دجاج ويوم لحم وهي عرف اني ما احب المح والدهون يكون الغداء نسبة الدهون فيه ما تزيد عن ملعقة زيت زيتون

الوجبة الرابعة الي هي بعد التمرين دايركت الي ممكن حبتين موز او تفاحة وموزة الي يريحك انا اعرف ناس بعد التمرين ياكل علبة تونة على طول
اما العشاء عندك اختيارات

ممكن صحن فول بدون عيش مع علبة زبادي وحبة طماط او فاصوليا علب مع تونة مع الزبادي او 5 حبات بياض بيض بدون صفار مع نص عيش وجبة بيضا او لبنة

بالسبة للأمينو سيبك منو خذلك امينو 4800 هذاللعضل الصافي اما الجلوتامين كتبتلك فوق اش فايدتوا تبغى تاخذ مكمل خذلك واي برويتن او الكمروبكلس العادي او النايتروتك

بالنسبة لاستخدام
اسكوب الصباح قبل الفطور بساعة بعد التمرين وقبل النوم

بالتوفيق

والله وجبات ماشاء الله عليها الكلام بس يا وحشنا 5 كيلو كل شهر فجعتني فيها دي حتكون دهون والا عضل ؟
والبرنامج حقك حبدء ان شاء الله اطبقو
والبروتين الي بتقول عليه النيترو كويس ؟ 1 جرام دهون والا اخد من غير ابدا
والا ايت افضل هوا والا الكمروبكلس < ؟ والفات كم حيكون فيه بالنسبة ليا
الجلوتامين ايش فايدتو ؟
الامينو 4800 ايش فايدتو وايش معنى بالتحديد دا النوع ؟
لاني سمعت عن الامينو 1000 والامينو 5000 << لو مني غلطان يعني في اكتر من نوع

وكمان ابغا اسألكم ..

انا عزوبي :$ مني متزوج يعني ان شاء الله حدي في النادي اكتر من المتزوج خخخ
بس المشكلة عندي فيه رجفة وعندي الم خفيف في مفصل الكتف الايسر لاني العب على السكواد بس ما العب بار اكتاف اول شي الوزن ماني عارف ازبطو وتاني شي الميزانية تختلف عندي لانو المسافة ضيقة خاصة لمن يكون بار خلفي اكتاف واكتر الم يجيني لمن العب الترابيس في البار الزد
خلاصة الكلام .. انو المدرب اليوم وفي واحد تاني في النادي نصحوني اني اخد من الصيدلية فيتامينات ووالله المدرب ما قصر نزل معايا للصيدلية وجبت نوع اسمو stresstabs فيتامينات مع نسبة زنك والصيدلي قال دا ينفع وكويس للي يبذلو مجهود او رياضيين ..!!
يحتوي على :
فيتامين E بنسبة 45.i.u
فيتامين c 600mg
folic acid -500mg
vitamin b1 30mg
vitamin b2 10mg
niacinamide -100mg
vitamin b6 - 10mg
vitamin b12 - 25mcg
pantothenic acid 25mg
copper - 3mg
zinc -23.9mg

ادري تعبتكم وطولت عليكم سامحووني :$

تحياتي والف شكر لكم

[Mr.Tri]

الله يعطيكم العافية يا اخوان

اخوي اللورد عوده حميده وعسا المانع خير

بالتوفيق

الله يسعدك يا مشكلجي نورتنا بطلتك البهية
لا تحرمنا
وادلو بدلوك

[WA7SH JEDDAH]

شوفغ يا صاحبي خذلك في البداية واي بروتين مع امينو 4800 وجلوتامين بالنسبة للألم الي في كتفك الايسر لا تلعب بار خلفي ابدأ تمرين الاكتاف بار امامي وبعدها تجميع جانبي او ضغط جانبي وكمل تمارينك وملاحظة خلي يوم الكتف بعد الظهر يعني مثلا لعبت السبت ظهر وسواعد الاحد اكتاف وترابيس والاثنين يا تريح يا تلعب افخاذ ودائما خلي الصدر بعد الاكتاف بيومين يعني ممكن تلعب الاربعاء بالنسبة للفتامين اشتري فيتامين سي مفيد جدا للمفاصل وخذ بعد الفطور مع كاسة موية وبعد الغدا يعيني قبل التمرين بساعة ونص فوار بالنسبة للبرنامج الاكل الي انا كتبته ممكن تبدل فيه على راحتك يعني الفطور ممكن تاخذلك صحن فول مع زيت زيتون بدون التميس يا حلو ممكن خبز بر نص الغداء ممكن نص دجاجة على الفحم مع صحن سلطة وبطاطس ملوقة او رز اندونيسي العشاء على راحتك لكن انتبه العشاء حاول قد ما تقدر ما تقرب الزيت لانو قوامن حتتعشى وبعدها بساعة حتنام ولاحظ انك حتاخذ اسكوب بروتين قبل النوم

ولا تنسى تلعب بطن بشكل يومي ما عدا يوم الظهر ويوم الراحة يعني يومين في الاسبوع ماتلعب بطن

يوم الظهر ضروري تلعب بالعصا اجناب لمدة 10 دقايق ووتوكل على الله تمشي

واي خدمة احنا في الخدمة

بالتوفيق

بالنسبة ايش فايدة الجلوتامين انا كاتبلك فوق باختصار شديد يحافظ على العضلة من التأكل وقت ما تلاقي غذاء الامينو للتضخيم الصافي (عضل بدون دهون) الواي بروتين من اسمه يعوض نقص البروتين في الجسم الصباح وبعد التمرين وقبل النوم الامينو بعد الفطور بثلاث ساعات 4 حبات وقبل التمرين 5 حبات وبعد التمرين مع الواي بروتين 2 او 3

ملاحظة بالنسبة لأسكوب البروتين الي قبل النوم من الافضل تخلطوا مع حليب خالي الدسم لانو الحليب بطيئ الامتصاص فبكذا راح يبطئ امتصاص البروتين وقت النوم وكذا ممكن يمتص البروتين خلال ثلاث الى اربع ساعات ولا تنسى تضيف معاه جلوتامين ملعقة الوسط مو حقت الاكل

[WA7SH JEDDAH]

سوري 5 كيلو خلا 3 اشهر ال 7 كيلو اذا اهتميت في اكلك ونومك وتمارين

[Mr.Tri]

والله ياوحش ما قصرت مدري ايش اقولك
بس شكلي حعزمك عندنا في البيت على ماتلوذ به الانفس من البوفيه المفتوح واعزمك على زواج كمان اخليك تنطنط من ام السعرات الحرارية والدهون خخخخخخخخخخ

الله يديك العافية المعلومات واضحة وصريحة واستفدت منها جدا جدا جدا ..

يوم الظهر العب جوانب 10 دقايق ؟؟ ياراجل انا خمسين عدة احس نفسي ابغا انسدح جنب الكورة الكبيرة الي في صالة اللياقة ههههه ع العموم الله يعين ويسهل

ويسلمووو مرة تانية