الموضوع الرسمي | Silent Hill 5 : HomeComing

[كليتوس]

هذي نهايه الي طلعتلي اقتنعت فيها مافيها لا الغاز ولا شي نهايه بسيطه
http://www.youtube.com/watch?v=9RWqO-9Xhvs

[Arashi]

^^^^^^^

طلعت لك مع التكمله لما

جوش يصور اخوه؟

حظك والله انا طلعت لي هالنهايه العبيطه

http://www.youtube.com/watch?v=JwZX0...eature=related

[kingx11]

قاعد العب الجزء الثاني حاليا

فرق كبيررر من ناحية الرعب والقصه والاحداث والاخراج

[dro]

^
^

الجزء الثاني اعتبره افضل جزء و من افضل الألعاب الي لعبتها , فعلا ممتاز من جميع النواحي

و Nice to see u again King خخ P:

[Mr.Tommy]

ههههههههههه الكل يمدح سايلنت هيل2 يا اراشي لازم تجربينها مرة ثانية p:

ما شاء الله خوووش ترجمه
واضح شغل متعوب عليه مب اي كلام ^^

أي برنامج استخدمت؟
ما اظن موفيميكر لأن الترجمه بروفيشونال

بهالطريقه تكون سهلت فهم الموضوع بالنسبه للي مايقرون انجليزي

مشكور عالترجمه

اشكرج على هالكلام الطيب وبخصوص البرامج اللي استخدمتها فانا استخدم windows media subtitler لصنع الترجمة والتوقيت, واستخدم virtual Dub لدمج الترجمة بالفيديو
وطبعا استخدم youtube downloader عشان انزل الفيديوهات اللي ابيها بصيغة معروفة مثل avi or mp4

اي فيديو تحتاجون فيه ترجمة انا حاضر, واوعدكم المرات القادمة بتكون افضل من ترجمتي هذه اللي ما كانت بتلك الجودة بسبب ضغط الوقت والدراسة.

لاحظت شي في الدقيقه 5:07 وأعتقد انه خطأ
مب خطأ في الترجمه انما خطا من صاحب الفيديو اللي ركّب الصور بالمقاطع
صورة الارانب الثلاثه اللي ملطخه بالدماء
صاحب الفيديو ربطها بالدميه "روبي" بس انا أتوقع انها تعني جوش وامه وابوه لأنهم يموتون كلهم في اللعبه
وفي صوره في بدايات الفيديو لنفس الارانب واقفين مع بعض وربطها صاحب الفيديو بصورة تذكاريه لجوش وامه وابوه

انا معاج بهالنقطة 100%
والدليل ان الارنب اللي بالاسفل يموت غرقان, اما اللي بالنص الدم يطلع من الفم وهذا يدل ان سبب موته شيء تفوه فيه وطبعا بالرسمات الثانية يصير هالشي واضح, اما الارنب الثالث فهو ساكت وماله دور بالضبط مثل الام اللي لا لها ناقة ولا جمل باللي حصل بالعايلة, وماتت من برودها.
ملاحظة قوية اراشي, مبدعة كالعادة بهالجزء

هذي نهايه الي طلعتلي اقتنعت فيها مافيها لا الغاز ولا شي نهايه بسيطه

خووش نهاية, نفس النهاية اطلعتلي اول مرة

قاعد العب الجزء الثاني حاليا

فرق كبيررر من ناحية الرعب والقصه والاحداث والاخراج

فرق كبير لصالح من p:

الجزء الثاني اعتبره افضل جزء و من افضل الألعاب الي لعبتها , فعلا ممتاز من جميع النواحي

ما الومك, هالجزء يعتبر اسطورة حية بعالم العاب الرعب على البي اس 2

[كليتوس]

ولله حمستوني ابي ارجع العب جزء ثاني من جديد

[Mr.Tommy]

ولله حمستوني ابي ارجع العب جزء ثاني من جديد

يالله زين تسوي, وعقبال اراتشي تسمع الكلام وتلعبه بعد ههههههههه

عاد الحين قاعد العب لعبة سرفايفل هورور اسمها سايرن على السوني3, لعبة غريبة لكن ممتعة شريتها لاني حست فيها شي لو من بعيد من سايلنت هيل, الغاز صعبة وابطال بسيطين وشاشة مظلمة, تستحق التجربة كتغيير جو
وطبعا بعد ما اخلصها بلعب فاتل فريم2 الجزء الاسطوري, هالرابطة قاعد تجذبني سنين للخلف, شكلي لو اكمل شهر برجع العب alone in the dark و clock tower هههه

[Arashi]

اي فيديو تحتاجون فيه ترجمة انا حاضر, واوعدكم المرات القادمة بتكون افضل من ترجمتي هذه اللي ما كانت بتلك الجودة بسبب ضغط الوقت والدراسة.

مشكور وان شاء الله نبغي نجوف منك فيديوهات مترجمه اكثر
الله يوفقك في دراستك

ملاحظة قوية اراشي, مبدعة كالعادة بهالجزء

شكرا
والله لو نمسك سايلينت هيل نلعبها جزء جزء ونمسك كل جزء لحاله ونحلله راح نكتشف أشياء جديده

يالله زين تسوي, وعقبال اراتشي تسمع الكلام وتلعبه بعد ههههههههه

شرط ان الكل يتفق يبدأ يلعبها ونخلصها كلنا ونرجع نناقشها
هني بتشجع ألعبها

وطبعا بعد ما اخلصها بلعب فاتل فريم2 الجزء الاسطوري, هالرابطة قاعد تجذبني سنين للخلف,

انا عمري ماجربتها ولا جفت لها اي فيديو
بس ناويه اشتريها ... تصبيره لحد تنزل سايلينت هيل جديده




اليوم من فضولي الزايد قريت كلمات أغنية سايلينت هيل 5 Alex Theme وقعدنا انا واختي yami vergil نحللها
الاغنيه هي اللي تطلع في الفيديو وحده تغنيها >>> احس بديت احب الاغنيه خخخ بس كلماتها مشكله..المهم اليكم الكلمات

في اغاني وكل اغنيه تعبر عن مشاكل شخصيه او عن بعض احداث القصه...وهاذي فهمتها كالاتي: Spoiler Alert

It started long before me...
I never saw it comin'...

يقصد فيها قبل ماينولد لما ابوه أقسم انه يخدم الـorder
وهو ما توقع ان يوم من الايام بضحون فيه امه وابوه ويقتلونه
وما تخيّل انه راح يتسبب في موت اخوه

The distance, the promise...
A state of isolation...


هني في معنيين للكلمات:
1- بعيد ومعزول:حسب ذاكرة أليكس المشوشه هو حس في نفسه معزول لأن أهله مايحبونه فترك البيت وراح يعيش منفرد بعيد عنهم ويحارب مع الجيش
2-بعيد ومعزول:الواقع وهو انه مرض نفسيا وعقليا والمريض نفسيا يكون من داخله معزول عن الناس وابتعد عن أهله سنوات في المستشفى

And in my darkest nightmare...
Things that I can't remember...

الكابوس المقصود منه المرض النفسي او العقلي وعنده أشياء غامضه ما يقدر يتذكرها (القصد نسى يوم تسبب في موت اخوه)
تلاحظون في سايلينت هيل بكل أجزائها ابطالها او اشرارها يعانون من حالات نفسيه...لما العالم يتغيّر في اللعبه فجاه ويصير اسود مظلم والجدران ملطخه بالدماء والارض بدون بلاط...هاذي تعبر عن الجانب المظلم من نفسيتهم
هني لما العالم يتغير هذا يعبر عن نفسية أليكس المظلمه>>مجنون رسمي

The answer, is drowning, this pain will last forever.

الغرق والقصد شيئين:
1-غرق اخوه جوشوا
2-غرق أليكس في الظلام في نفسه بعض ما مرض من الصدمه
هذا هو الجواب للظلمه اللي تحيط بأليكس والشعور بالذنب على اخوه موجود في قلبه الى الابد

My father...
His duty...
His orders...

"ابوي..واجباته تجاه المدينه والـorder واوامره علي"
يقصد قسوة ابوه واوامره الغريبه مثل :"This room is off limits I never want to see you here again "

My brother...
The promise...
The breaking...

"اخوي..وعدته واخلفت الوعد"
يقصد انه كان قريب على اخوه وطبعا مثل اي خوان قراب من بعض وعد اخوه انه يحميه ويكون معاه على طول (تذكرون المشهد لما اخوه يبكي في الليل؟ أليكس وعده ان يحميه لو صار شي وايضا الوقت اللي طلعوا عالمركب كان جوش خايف..بعد أليكس يقول له لا تخاف انا معاك وراح احميك)

Rejection...

القصد ان أهله مب متقبلينه في نظره

Deception...

أهله خدعوه لأنهم كانوا كاتمين سر الضحايا وخاصة التضحيه فيه

Reflection...

انعكاس بس مب فاهمه اش قصده...يمكن يقصد الصور والرسومات اللي تعكس أحداث معينه في الماضي والحاضر والمستقبل >>>ارجع لفيديو الصور المترجم

Conception..

هالكلمه لها عدة معاني :
1-تصور: كان متصور انه جندي في الجيش وان اخوه حي ويحتاج ينقذه
2-فهم: في الاخير استوعب مشكلته وانه هو سب موت اخوه وفهم شعور امه وابوه تجاهه وليش ابوه كان يقسي عليه (سبب القسوه كان لمصلحته عشان يضحون فيه وهو ما يبي شي من الدنيا)

.The missing...

الاطفال واهل المدينه اللي بدوا يختفوتن بشكل غامض

The torture...

التعذيب اللي تعرض له الاطفال والناس المختطفين والضحايا الثلاثه المقتولين (جوي..نورا..ساكرليت)

The madness...

المقصود فيه وايد شخصيات مجنونه:
1- الاخ أليكس جن جنونه يوم قتل اخوه بالغلط
2-الاخت هالوي قتلت بنتها نورا وناويه تقتل إيل وحاولت تقتل أليكس لأنها حست ان ابوه هو السبب ان التضحيات فشلت (لأن كان صعب عليها تقتل نورا واضطرت تقوي قلبها واخر شي موتها راح عالفاضي)
3-الدكتور فيتش اللي قتل بنته الدلوعه سكارليت وصار مثل المجنون يجرح نفسه ويكلمها لما تتحول وحش
4-تاجر الاسلحه (نسيت اسمه) : مجنون رسمي من غير سبب وحاول يقطع إيل بالمنشار
5-العمده بارليت: قتل ابنه جوي وصار يشرب مثل المجنون عشان يسكر وينسى عملته الوحشه

The sadness...

الناس التعيسين في القصه وهم المجانين اللي فوق بالاضافه الى ام وابو أليكس الل حزنوا على موت جوش وعلى ظلمهم لأليكس (جات متأخره) والناس اللي في المدينه اللي فقدوا عيالهم

Can this be?
Or is it?

هل هذا واقع ام خيال؟

The shadow cast before me...
A walk inside your circle...

اتوقع هني يقصد جوش اللي يظهر له ويختفي
فهو مثل الظل وممكن يكون ضمير أليكس مجسد على شكل جوش
الدائره هني القصد لما يلاحق جوش يمر على ناس وراهم قصص وحقائق والصور والرسومات اللي ياركها له عشان يوضح له الحقيقه
فهو كأنه يمشي في دائره يرجع فيها للماضي ثم الحاضر ثم المستقبل ثم في النهايه يتذكر الماضي في الاخير

مثال: في البدايه لما تجوف جوش تحصل صوره تعبر عن غرق جوش (ماضي)
بعدها تحصل صوره لثلاث أرانب اللي تعبر عن العائله المكونه حاليا من ثلاثه وهم جوش والام والاب (الحاضر)
ومره تحصل على صوره ترويك ثلاث أرانب مقتولين..معناه ان غير موت جوش الام والاب راح يموتون (المستقبل)
واخر اللعبه يرجع أليكس بذكرياته للبدايه من جديد لما يتذكر موت جوش (الماضي)

هذه دائره كامله

Protect me...
Correct me...
You got your orders, soldier...

هذا نداء لأليكس من اخوه كما يتوهم أليكس يطلب منه الحمايه والارشاد لأنه جندي وعنده مبادئ

Inside my head is humming...
Sometimes I hear them coming...

هذه الاصوات يسمعها اليكس في نفسه واحيانا من خارج عقله
وهذا يدل على مرضه العقلي والنفسي انه صار يتوهم ان اخوه عايش ويلب منه المساعده

The power...
Believing...
The hate I hate believing...

من قوة الصدمه اللي مر فيها أليكس طغت عليه فكرة ان اخوه عايش وان واجب عليه انقاذه
وهو أليكس نفسه مقتنع ومصدق هالكذبه اللي كذبها على نفسه لين صارت شي حقيقي يؤمن فيه ويكره انه يعرف الحقيقه لأنه كاره نفسه لأنه قتل اخوه
وكره نفسه اكثر يوم عرف الحقيقه اخر اللعبه وكره انه جعل نفسه ينساها
وكره نفسه أيضا لأنه فشل في حماية امه وابوه وانه ماقدر يوصل لمستوى ابوه ويصير جندي حقيقي

Where is this?
It can't be...

ما هذا المكان؟ هذه ليست مدينتي!!!
بسبب التغيير اللي طرأ عالمدينه والالغرب انه يلقى نفسه بين الحين والاخر في سايلينت هيل

Who are you?
I know you...

هذا السؤال على الارجح لأبوه لأن أليكس يعتبر ابوه غريب
هو ما يعرف ابوه عدل ولا يفهمه لكن يعرف ان ابوه...فقط

You wouldn't...
Or would you?
Don't fight me!
Ignite me!

لا تقاتلني...نوّرني أرشدني
حاس نفسه ضايع مع الاحداث الغريبه وشكله ابوه فاهم كل شي
يعني: يا بابا لا تهاوشني وقول لي اش صاير

My trigger...

انا بمسك المسدس واقتل

Your finger...

انت ارشدني وقول لي اش اسوي

Your darkness...

يقصد ظلمة قلب ابوه لأن ابوه قاسي عليه

I know it...
Come forward!
I've seen it!
I mean it!

انا أعرف قساوة قبلك يا بابا جفتها بعيني من معاملتك لي من انا صغير

Your power, is over!

انتهى عهد قوتك يا بابا كل شي قام يتحطم جدام عينك وانت مب قادر على شي ولا قادر حتى تحمي أهلك

I've come to change the order!
My training, is perfect!
I'm back, again!

انا جيت عشان اصلح الاوضاع واصلح افكارك لأني تدربت تدريب جامد وانا قوي

Your promise, is broken!
I drank your sacred water.
My mission, is holy!

مثل ماتعرفون ان ابوه جندي واول ماتعيّن في المدينه أقسم انه يحميها باهلها
لكن ابوه أخلف الوعد وما دافع عن أهل المدينه وهذا كل شي يتدمر جدام عيونهم
فيقول اليكس: I drank your sacred water...قصده اني تدربت مثل تدريبك وصرت جندي مثلك والحين انا عندي نفس المهمه وهي ان احمي وانقذ الناس اللي أعزهم (اخوه)



The hate I hate believing...
The hate I hate believing...

I never saw it coming...
I never saw it coming...

The hate I hate believing...
The hate I hate believing...

I never saw it coming...
I never saw it coming...

You have your orders, soldier...

انا حذفت الكلام المكرر
هني تجوفونه في الاخير يكرر نفس الجمل وايد :
انا اكره اصدق اللي صار...انا ما توقعت ان هذا اللي بصير
هني هو ندمان (وقت ماقتل اخوه) على اللي سواه في اخوه مب راضي يصدق ان اخوه مات وندمان عالمزحه الثقيله اللي ودّت اخوه قي 60 داهيه

ويختمها بجملة You have your orders, soldier... يعني هو خرّف ومصدق عمره انه جندي: يالله يا جندي عندك الاوامر جوف شغلك" وطبعا يجن جنونه ويلقى في المصحه



اسفه عالاطاله ^_^

[yami vergil]

السلام عليكم
هذه اول مشاركه لي معاكم في الموضوع
انا فقط لعبت الجزء الاول لسايلنت هيل والهوم قومينج الي الحمدلله ختمته من يومين .. اما باقي الاجزاء تابعتها مع اختي اراشي
بصراحه القصه رووعه كلها اثاره ورعب وتشويق .. انا كنت مستحيل العب. من غير
مايكون حد موجود جنبي والجيم بلاي فعلا تطور عن الاجزاء السابقه
الي حببني اكثر باللعبه مقطع اليوتيوب الي ترجمته لاني كنت اجمع الصور بس جي ماكنت ادري باهميتهم
كنت اتمنى يكون في شرح لكل الصور ...
يعطيك العافيه على الترجمه مستر تومي

[Mr.Tommy]

مشكور وان شاء الله نبغي نجوف منك فيديوهات مترجمه اكثر
الله يوفقك في دراستك

ثانكس اراشي والفيديوهات هذه اسويها لعيون اعضاء المنتدى عامة وعشاق سايلنت هيل بشكل اخص
وابشرج حليت زين بالميدتيرم p:

شرط ان الكل يتفق يبدأ يلعبها ونخلصها كلنا ونرجع نناقشها
هني بتشجع ألعبها

سايلنت هيل2؟ ما عندي مشكلة ارد العبها هاللعبة ما امل منها, count me in

انا عمري ماجربتها ولا جفت لها اي فيديو
بس ناويه اشتريها ... تصبيره لحد تنزل سايلينت هيل جديده

تصبيرة؟ العبيها وبعدين بذكرج بشي

اليوم من فضولي الزايد قريت كلمات أغنية سايلينت هيل 5 Alex Theme وقعدنا انا واختي yami vergil نحللها
الاغنيه هي اللي تطلع في الفيديو وحده تغنيها >>> احس بديت احب الاغنيه خخخ بس كلماتها مشكله..المهم اليكم الكلمات

في اغاني وكل اغنيه تعبر عن مشاكل شخصيه او عن بعض احداث القصه..

والله انه كان المشروع اللي ببالي اسويه لاني اصلا حاط ost هالجزء بالايبود ودايما اسمعه بس ماشالله عليج كفيتي ووفيتي, حتى ان شرحج ممتاز ماكو اي تعقيبات عليه لكن برجع بعدين عشان افصل اكثر بهالموضوع


yami vergil

السلام عليكم
هذه اول مشاركه لي معاكم في الموضوع
انا فقط لعبت الجزء الاول لسايلنت هيل والهوم قومينج الي الحمدلله ختمته من يومين .. اما باقي الاجزاء تابعتها مع اختي اراشي
بصراحه القصه رووعه كلها اثاره ورعب وتشويق .. انا كنت مستحيل العب. من غير
مايكون حد موجود جنبي والجيم بلاي فعلا تطور عن الاجزاء السابقه
الي حببني اكثر باللعبه مقطع اليوتيوب الي ترجمته لاني كنت اجمع الصور بس جي ماكنت ادري باهميتهم
كنت اتمنى يكون في شرح لكل الصور ...
يعطيك العافيه على الترجمه مستر تومي

يا هلا فيج yami vergil بالمنتدى ونرحب فيج كعضوة يديدة عندنا بالرابطة, عاد استمري معانا ونبي نشوف مشاركاتج الفعالة معانا
والحمدالله ان المقطع اعجبج واوعد الاعضاء بمزيد من المقاطع قريبا عن لعبتي المحبوبة
وفي موضوع قريب باذن الله عن هالجزء الرائع
وشكرا

[yami vergil]

ان شاء الله راح اتابع الموضوع معاكم ^^

اذا اراشي بتلعب الجزء الثاني بتابع معاها مره ثانيه لاني مب متذكره القصه عدل

واااا احمم احمممم انا بعد حللت مع اراشي كلمات الاغنيه ^-^ <<< شتبين تتوصلين له P:?

[itachi lover]

أنا انهيت الجزء و على طول رميته بالدولاب و لافكرة إلعب فيه بسبب النهايه التعبانه اللي طلعت لي
-الفضاء-
بس لما شفت تحليلكم للعبه و ترجمة الأخ Mr.Tommy للفيديو و رابط المذكرات ... مشكور
و تحليل اراشي المذهل للأغنيه ...
أكتشفت ان هالجزء ممكن يكون اقوى حبكة قصه في اجزاء سايلنت كلها ...
لو تلاحظون مافي شيء ان وجد بالقصه لمجرد التخويف بدون سبب كل شيء له سبب من اكبر شيء
لإصغر شيء ...
سايلنت هيل بالطريقها لتتربع على عرش الرعب صراحه ...
-لكن لا ازال أفضل فاتل فريم 2 عليها إلا الآن xp-

[Mr.Tommy]

هذا الفيديو مع ترجمة لـTheme of Elle احد الساوندتراكس المفضلين لدي بهالجزء



اراشي ويامي فيرجل ابدعوا ماشاء الله عليهم بتحليل Theme of Alex ما اعتقد يحتاج ترجمة
وقريبا بنزل ثيم جاشوا والاغنية الرئيسية واللي اعتقد انها الاكثر شرحا للقصة One More Soul to The Call

[g4mer]

يالس أسمع نشيد شمي الوداع صراحه روعه ....<<<< درينا

المهم
ارتشي أنتي واختج الليلة العبو فيتل فريم p:

[g4mer]

Mr.Tommy
شكرا على الفيديو
في أنتظار Alex theme