الامينو 2222 الجديد

[musaab1980]

السلام عليكم اخواني:

انا اليوم رحت محلات المكملات الغذائية كالعادة اشوف واتفرج وكانت النية بعد اشتري الامينو 4800 طبعا الجميع مدحوا بالمنتدى وبرى المنتدى طبعا دخلت اكثر من محل حصلت عرض على الامينو 2222 القديم وكان العرض كالاتي اشتري واحد واحصل على الثاني مجانا استغربت طبعا قلت ممكن يكون تاريخ الصلاحية قرب بس حصلت الصلاحية مطولة وايد للامينو وبالصدفة ما حصلت الامينو 4800 بالمحلات اللي مسوية عرض فسرت لمحل ثاني وحصلت الامينو 4800 والامينو 2222 الجديد فعرفت سر هذا العرض بصراحة احترت بينهم مع اني طلعت من البيت عشان اشتري 4800 بس صاحب المحل نصحني بالامينو 2222 وقلي انه فيه مادة HMB ونسبة البروتين فيه زادت بالحبة الوحده عن القديم والمفاجئة انه الحبة الوحده حجمها صغر وايد وصار تقدر تبلعها وانت مغمض وعلى ريجك بعد. فشو الراي يا جماعة الخير حد جرب هذا النوع الجديد وشو اختار ؟ ابى نصيحتكم ( للعلم لون العلبة صار بنفسجي )

[musaab1980]

شكله محد سمع عنه

[I know I can]

اخوي انتبه لاتخلط بينهم فيه نوع للتضخيم ونوع للتنشيف انا عن نفسي ماجربتهم وانا استخدم 4800 ومريحني

[Yousif Alsaqer]

أنا الي أعرفه يجي لون العلبة من برا أخضر .. طبعاً شفت عندنا بالنادي كثير يستعملوه
بس هذا الي تقول عنه علبته بنفسجية أول مرة أسمع عنه .. عموماً أنتَ تقصد هذا :

[musaab1980]

أنا الي أعرفه يجي لون العلبة من برا أخضر .. طبعاً شفت عندنا بالنادي كثير يستعملوه

بس هذا الي تقول عنه علبته بنفسجية أول مرة أسمع عنه .. عموماً أنتَ تقصد هذا :

لا يخوي اللي اتكلم عنه نوع جديد ولونه بنفسجي واتوقع انه نوع مطور للامينو 2222 ومواصفاته احسن

[ولد ابوظبي]

ياليت لو تحط صورته طويل العمر .. عشان نقدر نقرى عنه ونقدر نرد على استفسارك .. ..
بس المعروف للضخامه 4800

وايضا 2222 ولكنه يحتوي على نسبه من الكارنتين اللي تساعد على التنشيف ..

وفيه 2222 سوفت جيل .. سهل البلع .. بدون كارنتين وايضا للضخامه ..

..تحياتي ..

[musaab1980]

المشكلة دورت عليه بكذا موقع ما حصلته شكلي باخذ امينو4800 ولين ما ينشهر الثاني والناس تجربه باخذه