كلوب ساندويتش بالبيكون في الفرن
السلام عليكم ^^
هاذي طريقه لكلاب ساندويتش جربتها في مطعم وطبقتها في البيت ونجحت
حبيت أكتبها وافيدكم ^_^
المكونات:
روتي Slice Bread
بيكون بقري
بيض
طماطم
خس
جبن slice
مايونيز
الطريقه:
1-تقلين البيكون لين يتغير حجمه (يصير اصغر شوي)وتقصين زواياه الشحميه
2- يخلط البيض بيضه بيضه في وعاء وتقلينه بحيث يكون ممدد في المقلاه (مثل بيض البلاليط تقريبا ويكون كبير شوي)
3-توزعين المايونيز عالروتي كله:
الطبقه السفلى للكلاب: تحطين الجبن-البيكون
الطبقه العليا: البيض(تقطعينه بالحجم المناسب)-الطماط -الخس
4-تدهنين السندويتشات من الاعلى بصفار البيض
5-تحطين كل السندويشتات في الفرن على حراره 150 وتنتظرين حتى يصير سطح السندويتشات اصفر مايل للبني
6-بعد ماتطلعينهم من الفرن تقصينهم من النص واهم شي عود الاسنان مع زيتونه
وحلو لو تقلين معاها wedges و زهره بالبقصم (كزبره) مثل الصوره
