[كرسي التعذيب] yami vergil بكرسي الاستجواب! لنتعرف على مخططاتها لغزو الأرض,

[Akira]

السلام عليكم ورحمة الله وبركاته

نزلت ضحيه جديده وانا ما ادري !

المهم تخيل يا G20 تركت المذاكره ورميت الكتاب وطار فوق ودخل في المكيف الى الآن ما عرفت اخرجه وركضت وطحت وانا اركض ربي سترها كنت ببكي وطلعت موسيقى غريبه كل هذا لما عرفت أن في ضحيه جديده في كرسي التعذيب .
...................................

كيفك ؟
شو آخر الأخبار ؟

.: تتابع الدراما الكويتيه بما انك كويتي ؟ أو لا تهتم ؟

.: اشرايك بالممثله حياة الفهد <<< مرت في بالي ؟

.: تتابع انمي و تقرأ مانجا ؟

.: تقدر تقول لي اسم أناديك فيه <<< اسمه عباره عن رمز ؟

.: بلد تشعر بأنه بلدك الثاني ؟

.: تعرف كتاب اسمه شمس المعارف أو شيء مثل كذا ؟

.: عطني مكان حلو للسياح في الكويت ؟

.: نوعك المفضل في الأغاني ؟

وسلامو^.^ ممكن أرجعلك يوم الربوع .

بأسئله تقشعر لها الأبدان .

[G20]

اوصف شخصيتك بالتفصيل .......... ماذا تحب وماذا تكره فيها ....... عن حياتك و عنك ........كل شيء .....بالتفاصيل الصغيره ........
ممم أحب أدش النت وأسولف في المسن , واحب أسهر بليل و ما احب اقعد بالبيت طول اليوم
لازم اطلع لو 5 دقايق على الاقل , وبش

---------------------

السلام عليكم ورحمة الله وبركاته
وعليكم السلام ورحمة الله وبركاته

المهم تخيل يا G20 تركت المذاكره ورميت الكتاب وطار فوق ودخل في المكيف الى الآن ما عرفت اخرجه وركضت وطحت وانا اركض ربي سترها كنت ببكي وطلعت موسيقى غريبه كل هذا لما عرفت أن في ضحيه جديده في كرسي التعذيب .
هههههه الله يستر

كيفك ؟
شو آخر الأخبار ؟
الحمدالله انا بخير , انت شلونك شخبارك ؟

.: تتابع الدراما الكويتيه بما انك كويتي ؟ أو لا تهتم ؟
اتابع لكـن قليل , احب اتابع المسلسلات الكوميديه والافلام أكثر

.: اشرايك بالممثله حياة الفهد <<< مرت في بالي ؟
ممثله مبدعه واحب اشوف مسلسلاتها

.: تتابع انمي و تقرأ مانجا ؟
لا

.: تقدر تقول لي اسم أناديك فيه <<< اسمه عباره عن رمز ؟
محمد

.: بلد تشعر بأنه بلدك الثاني ؟
كل الدول العربيه

.: تعرف كتاب اسمه شمس المعارف أو شيء مثل كذا ؟
لا

.: عطني مكان حلو للسياح في الكويت ؟
المركز العلمي

.: نوعك المفضل في الأغاني ؟

العربيه

[The Princess]

السلام عليكم

شلونك شخباارك ؟؟

اول مرة اسأل و ان شاء الله اكوون خفييفة

- منو الشخص اللي اذا شفته تنسى الدنيا ومافيها ؟*
- شي كنت تتمناه وتحقق ؟
- نوع فونك ؟
- اذا رحت ستار بكس شنو تطلب ؟
-*شنو طموحك في الحياة ؟
-*منو مثلك الأعلى في الحياة ؟
- منو أقرب شخص لك ؟
- يوم تتضايق حيل وين تروح ؟
- لو أهلك فصلوا عنك النت شنو تسوي ؟
- منو توؤم روحك ؟**

بس .. اتمنى ما ثقلت

[G20]

شلونك شخباارك ؟؟
انا بخير الحمدالله , انتي شلونج ؟

- منو الشخص اللي اذا شفته تنسى الدنيا ومافيها ؟*
ممم ناس واجد وربي

- شي كنت تتمناه وتحقق ؟
اشياء واجد ,, كل يوم اتمنى شي

- نوع فونك ؟
بلاك بيري

- اذا رحت ستار بكس شنو تطلب ؟
ما اروح

-*شنو طموحك في الحياة ؟
عندي طموحات واجد وان شاء الله اوصلهم

-*منو مثلك الأعلى في الحياة ؟
الرسول صلى الله عليه وسلم

- منو أقرب شخص لك ؟
الوالده الله يطول في عمرها

- يوم تتضايق حيل وين تروح ؟
ما اروح مكان احاول انسى

- لو أهلك فصلوا عنك النت شنو تسوي ؟
انا مشترك سنه جدام

- منو توؤم روحك ؟**
ممم ولا مره فكرت في هالشي .. مادري

[Akihiko]

خسارة كنت ناوي احط اسألة او على الأقل اعلق على اجوبتك
يالله المرة الجاية ان شاء الله
اليوم الجمعة يعني انفك عنك الحصار وطلعت برائة

ممكن أرجعلك يوم الربوع

الربوع تعال حط اسألة لـ نينتدو ريفو

أرشح ريفو !

[kilua 19]

و انا بعد ارشح ريفو

[Iris]

حسيت الكرسي مع G20 غير مو تعذيب,
كان تواجدك nice وممتع,

انتهى دور G20 و حان وقت اختيار ضحية جديد,
اكي + كيلوا = صوتين لـ ريفو,

[NiN RevO]

احم

.....

[Akihiko]

مبروك ريفو ان شاء الله تقضي اسبوع ممتع وخالية من التغذيب

1- ويش فيك مستغرب ؟
2- كم عمرك ؟
3- لون عيونك ؟
4- تحب السمك ؟
5- من هذا الي في رمزيتك ؟
6- العابك المفضلة ؟
7- تعرف تسبح ؟
8- شخصيتك المفضلة في بيرسونا 3 ؟
9- صورة ويش هذي ؟

10- ليش ما تسوي البوم في ملفك ؟

وبس طبعاً لي رجعة Later

[Iris]

اكي اعتمد ريفو كضحية جديده,,
اهلا فيك ريفو بكرسي التعذيب,
nice, نريد نعرف عنك,

[Iris]

الاسئلة:
1- لعبة تلعبها حاليا,
2- الاجهزة الي عندك ولونهم, او الي تفضلها,
3- لعبه خلصتها من فتره,
4- اي مؤتمر E3 عجبك, سوني, نانتيندو, مايكروسوفت,
5- لعبت كم جزء من فاينل فانتازي! لعبت 11!
6- العاب تيلز الي لعبتها, و اي وحده عجبتك الاكثر,
7- نوع الكمبيوتر, لاب توب ديسك توب, + الشركة, + لونه,
8- تلفونك ايفون صح!
9- تلعب سلسلة ميتل جير! اي الاجزاء!
10- مزاجك اليوم,

[NiN RevO]

مبروك ريفو ان شاء الله تقضي اسبوع ممتع وخالية من التغذيب

1- ويش فيك مستغرب ؟
لا ولا شيء بس لأنك نجحت في مخططك الشرير للإطاحه فيني :P
2- كم عمرك ؟
25
3- لون عيونك ؟
اسود
4- تحب السمك ؟
احلى شيء عندي
5- من هذا الي في رمزيتك ؟
بطل لعبة Tales of Vesperia
6- العابك المفضلة ؟
اللعبه اللي فوق مع كل اجزاء Tales of زائد العاب كوجيما
7- تعرف تسبح ؟
اكيد
8- شخصيتك المفضلة في بيرسونا 3 ؟
Akihiko
9- صورة ويش هذي ؟

هذه بنت واسمها سامس وهي من شخصيات ننتندو ومن شخصياتي المفضلين
10- ليش ما تسوي البوم في ملفك ؟
ما لي خلق -_-
لكن قريب ان شاء الله

وبس طبعاً لي رجعة Later
حياك ^^

[NiN RevO]

الاسئلة:
1- لعبة تلعبها حاليا,
MGS: Peace Walker
2- الاجهزة الي عندك ولونهم, او الي تفضلها,
PSP & DS .... Black < my favorite
PS3 .... Black
X360 & Wii .... White
^
قولوا ما شاء الله ^_^
3- لعبه خلصتها من فتره,
white Knight Chronicles
4- اي مؤتمر E3 عجبك, سوني, نانتيندو, مايكروسوفت,
ننتندو اكيد
5- لعبت كم جزء من فاينل فانتازي! لعبت 11!
FF7, FF9, FF13 < احس اني ظيعت اجزاء كثير
FF11 ما لعبتها مع الاسف لعدم توفر الاون لاين مثل هذه الايام
لكن ناوي على FF14 ان شاء الله ^^
6- العاب تيلز الي لعبتها, و اي وحده عجبتك الاكثر,
Tales of Legendia
Tales of Symphonya 1&2
Tales of the Abyss
Tales of vesparia < My fav
7- نوع الكمبيوتر, لاب توب ديسك توب, + الشركة, + لونه,
ديسك توب اسود تجميع
8- تلفونك ايفون صح!
يس ^_^
9- تلعب سلسلة ميتل جير! اي الاجزاء!
كللللللللللللللللللها وكللللللللللللللللللها روعه
10- مزاجك اليوم,
زعلان شوي على خسارة إطاليا -_-

[G20]

هلا والله ريفو

شلونك وشلون الكرسي معاك

1,, تكـلم عن نفسك , وشلون تقضي يومك اول ما تقوم شتسوي , الظهر وين اتروح وبليل ؟

2,, يعني شنو ريفو ؟

3,, وين ساكن بالضبط بالشرقيه ؟ << تقدر ما تجاوب اذا تبي

4,, متزوج او خاطب او مالج او عزوبي ؟

5,, مشروبك المفضل ؟

وبس كفايه هالأسئله

[NiN RevO]

هلا والله ريفو
اهلين G20 ^^

شلونك وشلون الكرسي معاك
لحد الحين تمام .. بس اهم شيء ما تتكرر اسئله ..

1,, تكـلم عن نفسك , وشلون تقضي يومك اول ما تقوم شتسوي , الظهر وين اتروح وبليل ؟
من الساعه 5 الصباح حتى الساعه 5 المغرب بالشغل
وبعد كذا اذا عندي حصص بالجامعه او احل واجبات
واذا كنت مخلص السمستر اشوف افلام او العب جيمز
وبالويك إند اطلع مع الاهل والربع << اتمنى اني غطيت الاجابه المطلوبه

2,, يعني شنو ريفو ؟
Revo = Revolution
يعني الثوره وهو الاسم اللي كان بيسمونه جهاز ننتندو الوي

3,, وين ساكن بالضبط بالشرقيه ؟ << تقدر ما تجاوب اذا تبي
لا عادي ^^
بالظهران - بالتحديد بحي الدوحه

4,, متزوج او خاطب او مالج او عزوبي ؟
ولا والله لا تعور قلبي < بيقلب فلم الحين ^^
امي واختي جالسين يدورون لي الزوجه المناسبه ادعو لي بالتوفيق والسداد

5,, مشروبك المفضل ؟
الشاي

وبس كفايه هالأسئله
حياك ربي اي وقت بهاإسبوع ..