وأبقى أنكم تساعدوني في أني أمتن شوي..

[مرتضى حبيب]

السلام عليكم

أنا عندي مشكلة أني نحيف (ضعيف) مره ..

وأبقى أنكم تساعدوني في أني أمتن شوي..

من التمارين الرياضية والغذاء الصحي .......ألخ.

أنا عمري 17 سنة
وطولي ممكن 145تقريبا
ووزني 38 تقريبا


..أرجوكم ساعدوني..

--تحياتي--

[AdVeNtUrEr 2010]

أنت متأكد من الطول والوزن ؟؟

[THE CAST]

وعليكم السلام ورحمة الله وبركاته

تأكد من طولك ووزنك !

ولاتنسى قرائة قوانين القسم بخصوص العنوان

[مرتضى حبيب]

الوزن متأكد .. بس الطول ماني متأكد


ساعدوني في أسرع وقت..

ـــــــــــــــــــــــــــــــــــــــــــــــــــــــــــ

وأنا آسف لأني كتبت العنوان كذا بس لأني جديد توني مسجل وأطلب العذر والسموحه لأني ماقرأت القواننين
وأنا الآن قرأتها .. أسف

[THE CAST]

الوزن متأكد .. بس الطول ماني متأكد


ساعدوني في أسرع وقت..

ـــــــــــــــــــــــــــــــــــــــــــــــــــــــــــ

وأنا آسف لأني كتبت العنوان كذا بس لأني جديد توني مسجل وأطلب العذر والسموحه لأني ماقرأت القواننين
وأنا الآن قرأتها .. أسف

ابشر وجاري الرد الان

[THE CAST]

السلام عليكم
وعليكم السلام ورحمة الله وبركاته
أنا عندي مشكلة أني نحيف (ضعيف) مره ..
وأبقى أنكم تساعدوني في أني أمتن شوي..
من التمارين الرياضية والغذاء الصحي .......ألخ.
انت يبغالك تخش تضخيم
أنا عمري 17 سنة
وطولي ممكن 145تقريبا
ووزني 38 تقريبا
كل باليوم ستة وجبات والفاصل بين كل وجبة واخرى 3ساعات على الاقل
وجبة1 / شوفان بالحليب +3بياض بيض مسلوق +كاس حليب كامل الدسم
وجبة2 / فواكه منوعة مع شرب كوب لبن كامل الدسم
وجبة3/ نصف دجاجة مشوية +صحن ارزكبير + سلطة خضراء منوعة
وجبة4(قبل التمرين)/ صحن كبيرمكرونة مسلوقة +علبة تونا
وجبة 5/ صدرين دجاج او علبة تونة كبيرة اوفيليه سمك + سلطة خضراء + رغيف او ارز
وجبة6/ 4 بياض بيض + كاس لبن او حليب كامل الدسم + رغيف ابيض+ جبن مع زيت زيتون
استمر على هالنظام الغذائي وحتشوف نتائج مرضية باذن الله , علما بانه ليس منقول بل كتبته لك الان
..أرجوكم ساعدوني..

--تحياتي--

موفق باذن الله

[مرتضى حبيب]

مشكور أخوي THE CAST على هذا الجدول الغذائي والمجهود الأكثر من رائع:

"وأنا عندي كم سؤال لوسمحت"

س1/ شنهو هذا شوفان الحليب ؟
س2/ هذا الجدول كل يوم أستمر عليه؟

"وشكرا جزيلا"

[المايسترو99]

رجع طبيب

بعدين امشي على كلام الشباب

وحاول تاكل في اليوم اكثر من الي انت متعود عليه

يعني لو بعد ما تصلي الفجر تفطر ولمن تصحى الصباح على 9 تفطر ثاني

وتتغداء ومايجي على المغرب الا وانت جيعان وتتعشى

كذا اكيد يزيد وزنك

موفق

[eng.bader09]

اخوي روح لطبيب غدد صماء و اسأله عن حالتك
انت ممكن عندك نقص في هرمون النمو
او نوع من الهرمونات البنائيه للجسم

لانك قصير القامه و وزنك خفيف
افضل لك لانك للحين في طور نمو

[ناصر آل بن علي]

خذك لك بروتين معا التمارين انشالله خلال 3 شهور بتشوف نتيجه مرضيه طبعا معا ال6 وجبات حسب ماقالوك الجماعه .. لاني مجرب شخصيا

[THE CAST]

مشكور أخوي THE CAST على هذا الجدول الغذائي والمجهود الأكثر من رائع:
العفو
"وأنا عندي كم سؤال لوسمحت"

س1/ شنهو هذا شوفان الحليب ؟
روح البقاله قله يعطيك شوفان كويكر
الطريقة
4-5ملاعق طعام شوفان + كوب حليب كبير + سكر(حسب الرغبه)
ضعهم كلهم في قدر على النار لمدة 4د قائق
س2/ هذا الجدول كل يوم أستمر عليه؟
نعم يوميا (طبعا مع لعب حديد تضخيم)
"وشكرا جزيلا"

..............

بالتوفيق

[THE CAST]

ولاتستعمل حاليا اي مكمل غذائي
استمر على الجدول

ووافنا بالنتائج يابطل

[مرتضى حبيب]

مشكور يا THE CAST على الرد أدري تعبناك شوي بس إنشاء الله إذا متنت شوي ما راح أنسى هلمعروف أبد..

ماأطول عليك عندي أستفسار لوسمحت ..
أنا موداخل صالة علشان تقول لي ألعب تضخيم .. بس أنا ألعب كرة قدم فقط..

وشكرا..

-- تحياتي --

[sami1989]

اخوي اذا تلعب كره فمستحيل تضخم

الضخامه يحتاجله راحه اكثر من اللعب بدون ركض و كره قدم او شغلات ثانيه