نظرا لعدم التفرغ للذهاب للنادي : هل بإمكاني انشاء صالة منزلية مصغرة و بأقل التكاليف ؟

[كوديا]

اخوان السلام عليكم انا اتمرن في البيت منذ سنه تقريبا والنتائج بفضل الله تعالى جيده جدا لمن بديت اتمرن كان وزني 55 والحين وزني 72 ومستمر بالتضخيم ومافي اي مشكله وعندي جهاز بنش قابل للحركه واوزان حره تقريبا 100 كم ولاحد يقولكم ماتقدر تحصل جسم ممتاز الا اذا تمرنت بالصاله بالعكس التمرين بالبيت افضل عن تجربه ولكل رايه تحياتي

[oـحـoـد]

ههههههه يمدحون صالة الحديد

دخلت موقعهم السعر مره غالي ماعرفت وش يقصدون بعملة RRP

اللي اعرفه العمله الاستراليه AUD

وغير كذا الجهاز نادر سويت عليه بحث في قوقل وماحصلته

عالعموم شكله قوي وواضح خامته اصليه بصراحه حتى لو غالي سعره فيه وماتندم لو اشتريته

وياليت اي احد شافه في اي مكان يخبرنا عنه التمارين اللي فيه تحمسك عن مشورة النادي

ومشكورين

مثلما قلت .. الجهاز الظاهر انه ينباع حصريا عن طريق الشركه المصنعة

و مافي موزعين للشركه

الطريقة الوحيدة للحصول عليه هو شراءه من برا

انا ممكن ادبر مبلغ الجهاز نفسه .. لكن المشكلة في سعر الشحن ... بيطلع غالي عليك

بس الجهاز صراحة كامل و الكامل وجه الله سبحانه

لو اشتريته كأنك اشتريت نادي بحاله و حطيته في بيتك

[oـحـoـد]

مرحبا أخوي ... أحلى شي اتكون عندك صالتك الخاصة فالبيت بس هي مكلفه شوي وللعلم بأن اللي عنده صاله فالبيت لازم يكون متعود يتمرن بروحه لأن في ناس تزهق من التمرين اذا ماتشوف حشره وانا توني امجهز صاله فالبيت عندي كلفتني 35 ألف والاجهزة خذتها من الركن الرياضي في قطر من شركة بن ويدر ..
بس حتى في يوم الراحة لازم ادخل الصاله حتى لو نص ساعة ((اتأمل)) هههههههههه شكلي بوصي يدفنوني فيها ..

والله كثير علي 35 الف اخوي حمد

لو اشتريت جهاز TITAN راح يكلفني ارخص من 35 الف .. و الجهاز شامل كل شي تقريبا

انا خلاص قررت ابدا بالاوزان الحرة و اشتري بنش .. و يمكن جهاز هوم جيم على قد الحال .. عشان تمارين بعض العضلات

يعني ممكن كل الشغله تكلفني حدود 4000 ريال كبدايه

[oـحـoـد]

يالغالي الجهاز titan كجوده فهو جوده ولا يعلى عليه
سعره انا امس دخلت موقع امريكي يبيعه 3600دولار
يعني مايقارب ا1041دينار كويتي يعني يعادل 14 الف ريال سعودي
يعني السعر ماهو هين
كانك موضف او وضعك المادي يسمح لك اشتره ولا تردد لانه شيء خيال و واحسب له من يوم شريتك له لي بعد 20 سنه انه يضل مثل ماهو اذا انت محافظ عليه
اما كان حالتك من حالتي انا اقولك اشتر دنابل الي يتغير وزنها ابد,, وابد يا طويل العمر متى مابغيت تتمرن فتحت صندوق الدنابل و ضبطتها و تمرنت
و لعلمك ترى بالدنابل في تمرين لكل عضله بالجسم

من ناحية الجهاز .. فهو ممتاز من جميع النواحي

لكن المشكلة مثلما ذكرت اولا سعره غالي .. و ثانيا شحنه راح يكلف

والله انا يالغالي موظف و اقدر اشتري جهاز تايتن لو بغيت
بس ياخي لو فكرت فيها .. تقدر تسوي صالة شاملة كل شي بسعر اقل و تؤدي نفس الغرض و تعطيك نتائج ممتازة .. فاستبعدت جهاز تايتن .. وخصوصا انه مو متوفر عندنا و لازم شحن و شغله

لكن مثلما قلت .. راح ابدا بالاوزان الحرة و اشتري معها بنش قابل للاماله .. وبروح للكابتن اللي في النادي اللي كنت فيه .. و بخليه يسوي لي جدول ممتاز للتمارين في البيت بالاجهزه المتوفرة عندي

[oـحـoـد]

السلام عليكم افضل التمرين في البيت ولكن اذا كنت ناوي تتمرن في البيت الافضل انك تسجل في النادي لمدة ثلاثة اشهر علشان تاخذ طريقة التمرين الصحيحة لكي لاتقع في اخطاء توثر على جسمك يعني كانك ماخذ دوره لمدة ثلاثة اشهر وبعدها تتمرن في البيت والله يوفق الجميع

انا كنت مسجل في النادي اخوي حمداني

بس تركته للاسباب اللي ذكرتها في بداية الموضوع


واذا جيت بتمرن في البيت بروح للكابتن في النادي و اخليه يسوي لي جدول امشي عليه
وطبعا رقم جواله رح يكون معاي وقتما احتاج استشاره ادق عليه

[oـحـoـد]

ان شاء الله قريبا راح اعمل صالة بالبيت وراح اكتب لكم موضوع وان شاء الله تستفيدون منه

بانتضار تقريرك اخوي سكيري فيس

[Meshalona]

السلام عليكم

أدخلوا موضوعي وبإذن الله تستفيدون

http://www.montada.com/showthread.php?t=676732

[oـحـoـد]

اخوان السلام عليكم انا اتمرن في البيت منذ سنه تقريبا والنتائج بفضل الله تعالى جيده جدا لمن بديت اتمرن كان وزني 55 والحين وزني 72 ومستمر بالتضخيم ومافي اي مشكله وعندي جهاز بنش قابل للحركه واوزان حره تقريبا 100 كم ولاحد يقولكم ماتقدر تحصل جسم ممتاز الا اذا تمرنت بالصاله بالعكس التمرين بالبيت افضل عن تجربه ولكل رايه تحياتي

وعليكم السلام

هلا اخوي كوديا

ياليت بالتفصيل تقولي اش الاجهزة اللي عندك

بس البنش و الاوزان مافي غيرها ؟

واش جدول التمارين اللي ماشي عليه ؟ وهل استخدمت مكملات

[oـحـoـد]

السلام عليكم

أدخلوا موضوعي وبإذن الله تستفيدون

http://www.montada.com/showthread.php?t=676732

مشكووووووور اخوي AKABR

والله يعطيك العافية عالموضوع

استفدت منه بالتأكيد