الغالي انا اقصد ( الدوخه الخفيفه والرؤيه المشتته بشكل بسيط غير طبعا الحراره في الجسم والتعرق وما شابه من الاعراض )
عن نفسي اول حارق دهون اجربه في حياتي كان من فتره بسيطه وهو الليبو 6 بلاك
وطبعا حسيت بالاعراض المذكوره فوق وبعد ثالث ما ادري رابع يوم وقفت استخدامه للحيطه والحذر والتاكد من الموضوع
فما ادري هل هو طبيعي اللى صادفته من الاعراض وتروح من الوقت وهل هذا يعتبر طبيعي مع هالمنتجات (حوارق الدهون)
للعلم العمر 35 سنه و الحمدلله لا (اعتقد) اني اعاني من اي امراض غريبة الاطوار
الغالي MuScLe MaN
لاتحاتي العمر... انا 37 والحمد لله اموري طيبه
المشكله مش في الحرارة والتعرق لانه على الي اعرفه كل الحوارق ترفع دقات القلب ممكن 20%عن العادي اثناء التمرين وبالتالي لازم تزيد الحراره والعرق ..
المشكله في الدوخه والرؤيه المشتته عندك .. احتمال الليبو بلاك قوي عليك
لو انت متجه لليبو العادي كان افضل
عموما اذا انت ملزم على حوارق الدهون جرب الاوكسي ايليت لاني (حسيت) انه اخف من الليبو 6اكس
بس التزم بالتعليمات الي على الغلبه والي ذكرهم اخونا w4hm في الصفحه الي قبل
واشرب ماي كثير
الله يحفظك يالغالي ويوفقك
شباب بخصوص الهدروكسي كات يقولون وايد وايد وايد وايد اقوى لي درجة انهم طيحو من سمعته وكان بيضاهي منتجات ثانية ومنعوه برا
والله مشتهي اخذه بس يخوفي انه يضعف الجسم ويحرق الدهون وتخف العضلات معاه ؟؟
والا العضلات تتم مثل ما اهي ؟؟
لاني خلاص مفكر اخذه برمضان
إذا تقصد هذا المنتج فهو انمنع من سنة تقريباً وانسحب من الاسواق الأمريكية بسبب اضراره الكبيرة على الكبد وتسببه في حالة وفاة
الخبر على موقع هيئة الدواء والغذاء السعودية
http://www.sfda.gov.sa/Ar/Home/News/...8-5-2009a1.htm
الإعلان من هيئة الدواء والغذاء الأمريكية FDA
http://www.fda.gov/NewsEvents/Public.../ucm155600.htm
لا الظاهر عيل عدل كلامهم بوخر عنه قواك الله اخوي ام ل تي
اخوي ماكس ماستر ياليت لو نشوف النتائج بالصور
مو بالكلام عشان نتحمس اكثر اذا شفنا صور
اما الكلام الكل يقدر يتكلم ويمدح
وشكرا
SportsMan اخوي للاسف ماصورت قبل ولا عملت احساب اني اقارن بالصور ولاني من الي يحبون يصورون انفسهم ... ولاجسمي وصل للمرحله الي افتخر فيها عشان اصور وراوي العالم
لكن انا مصور صور (بالموبايل) لحزام التمرين وكيف الفتحات زادت معاي وكنت ارسلها لصديق لي دب عشان احره
ممكن اتوضح لك اشلون البطن عندي نزل
بس مو اتقولي اثبت .. هاي الي عندي
الصوره هذي للحزام بعد 8 اسابيع ليبو انتقل من الفتحه الثانيه الى الفتحه الخامسه بس المشكله ماصورت قبل
والصوره الجاية بعد اسبوعين من الاوكسي ايليت
انتقل للفتحه السادسه
والصوره الاخيره هاذي اليوم بعد ماقريت طلبك الي حسيت انه وهّقني
الحين انا مخلص اربع اسابيع ونص
انتقل الحزام للفتحه السابعه وصار يضرب بالعظم يعني اعتقعد حدّه بدّه (ما شاء الله...تبارك الرحمن ... اللهم زد وبارك) اذكر الله لو سمحت
عموما 14 كيلو مو الطموح ولا الهدف الي ابي اوصل له .. وانا لين الحين بنص الطريج
اذا هالصور ماكفت فاعذرني اخوي .. كان ودي اريحك بصور اوضح .. لكن للاسف ماعملت احسابي
في الاخير انا صادق بالي كتبته عن المنتج وعن النتايج وكان بالنسبه لي مجرد ابداء راي مثل الاجانب لما يعملون ريفيو عن منتج شروه.. ياخذ به من يدور عن اراء الي شروه وبس .. ماتوقعت ان بينطلب مني صور للتاكيد
والله على ما اقول شهيد ...
وبالتوفيق
يالحبيب هذا القديم وكان يحتوي على ماده الافدرين او ماني ذاكر بالضبط هذا المنتج كان فيه حتى الليبو 6 كان فيه واغلب منتجات الفات برنر قبل كم سنه تحتوي عليه
وللعلم الجديد مافيه شي وانا مستخدمه ومن اروع مايكون وفيه نوع بودر شراب قوي جدا بتفتيت الدهون وتقطيع والرجاء التأكد من المعلومه قبل كتابتها